Ɛzoanvolɛma Gyima ne 15:4 - BAEBOLO ANZƐƐ BULUKU NWUANZANWUANZA

⁴ Mɔɔ bɛdwule Gyɛlusalɛm la, bɛvale mɔɔ Nyamenle ɛva bɛ ɛyɛ la amuala bɛbɔle amaneɛ bɛhilele bɛ, na asɔnema ne, ɛzoanvolɛma ne, yɛɛ mgbanyima ne mɔ liele bɛ gyɛlɛɛnye.

Ɛzoanvolɛma Gyima ne 15:4 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:40

“Awie mɔɔ kɛlie bɛ la ɛlie medame; mɔɔ kɛlie me noko la ɛlie mɔɔ zoanle me la.

Ɛzoanvolɛma Gyima ne 11:30

Bɛyɛle ɛhye na bɛvale mɔɔ bɛnyianle ye la bɛmanle Baanabase nee Sɔɔlo hɔmanle mgbanyima ne mɔ wɔ Gyɛlusalɛm.

Ɛzoanvolɛma Gyima ne 14:27

Mɔɔ bɛradwule Anteɔko la, bɛyiale asɔnema ne amuala na bɛhanle mɔɔ Nyamenle ɛva bɛ ɛyɛ la amuala bɛhilele bɛ, nee kɛ yezi yebuke diedi adenle yemaa bɛdabɛ mɔɔ bɛnle Dwuuma la.

Ɛzoanvolɛma Gyima ne 15:12

Ɔhanle ɛhye la bɛ muala bɛyɛle koonwu na akee bɛdiele Baanabase nee Pɔɔlo kolakola ne, nee sɛkɛlɛneɛ nee nwanwane gyima mɔɔ Nyamenle ɛlua bɛ nwo zo ɛyɛ wɔ bɛdabɛ mɔɔ bɛnle Dwuuma la avinli la amuala.

Ɛzoanvolɛma Gyima ne 15:2

Pɔɔlo nee Baanabase nee bɛ zule ɛhye anwo kpolera kpole kpalɛ. Zɔhane ati bɛdule menli kɛ bɛboka Pɔɔlo nee Baanabase anwo bɛhɔ Gyɛlusalɛm bɛhɔnwu ɛzoanvolɛma ne nee mgbanyima ne mɔ wɔ nwolɛ.

Ɛzoanvolɛma Gyima ne 15:22

Ɛzoanvolɛma ne nee mgbanyima ne mɔ, nee asɔnema ne mɔ amuala akee bɔle kpɔkɛ kɛ bɛsoa menli bɛamaa bɛ nee Pɔɔlo nee Baanabase ahɔ Anteɔko. Bɛdule menli nwiɔ mɔɔ bɛbu bɛ kpalɛ la bɛmanle bɛ nee bɛ hɔle. Bɛmɛ a le Dwudase mɔɔ eza bɛfɛlɛ ye Baasabase la, yɛɛ Saelase.

Ɛzoanvolɛma Gyima ne 15:3

Asɔnema ne guale bɛ adenle, na bɛkɔ la bɛvale Fonehyea nee Samɛlea, na bɛhanle kɛ bɛdabɛ mɔɔ bɛnle Dwuuma la ɛzi ɛhakyi, na bɛlie Nyamenle bɛli la anwo edwɛkɛ bɛhilele bɛ. Na diedima ne lile nwolɛ fɛlɛko somaa.

Ɛzoanvolɛma Gyima ne 15:6

Ɛdoavolɛma ne nee mgbanyima ne mɔ yiale nu vale edwɛkɛ ɛhye anwo adwenle.

Ɛzoanvolɛma Gyima ne 16:4

Wɔ bɛ akpɔsa ne anu, sua biala mɔɔ bɛkɛdwu zo la bɛye ɛzoanvolɛma nee mgbanyima mɔɔ wɔ Gyɛlusalɛm la ngyehyɛlɛ ne bɛto diedima ne anyunlu, na bɛse bɛ kɛ bɛli zolɛ.

Ɛzoanvolɛma Gyima ne 18:27

Apɔlɔso yɛle ye adwenle kɛ ɔkaluolua Akaya (Giliki maanle nu) yeaha Nyamenle edwɛkɛ ne, zɔhane ati mediema ne mɔ boale ye na bɛhɛlɛle kɛlata bɛmanle ɔhɔmanle mediema mɔɔ wɔ nehane la, kɛ bɛlie ye kɛnlɛma gyɛlɛɛnye. Ɔhɔdwule la ɔyɛle moalɛ kpole ɔmanle bɛdabɛ mɔɔ bɛlua Nyamenle ɛlolɛ zo bɛrayɛ diedima la.

Ɛzoanvolɛma Gyima ne 21:17

Yɛradwule Gyɛlusalɛm la, mediema diedima ne mɔ liele yɛ anyelielɛ nu.

Ɛzoanvolɛma Gyima ne 21:19

Pɔɔlo bizale ahye na ɔhanle gyima mɔɔ Nyamenle ɛlua ɔ nwo zo ɛli wɔ bɛdabɛ mɔɔ bɛnle Dwuuma la avinli la amuala ɔhilele bɛ.

Wulo 15:18

Ɔluakɛ menrɛha edwɛkɛ ngakyile biala kɛ ninyɛne mɔɔ Kelaese ɛlua me nwo zo ɛyɛ la ala, amaa mealie bɛdabɛ mɔɔ bɛnle Dwuuma la meamaa bɛayɛ tieyɛ bɛamaa Nyamenle. Mebaha mɔɔ Kelaese yɛle la wɔ ɛdendɛlɛ nee nyɛleɛ nu,

Wulo 15:7

Zɔhane ati bɛlie bɛ nwo ngoko ngoko wɔ Nyamenle anyunlunyia ti, kɛmɔ Kelaese liele bɛ la.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

2 Kɔl 5:19

Yemɔ a le kɛ, Nyamenle lua Kelaese anwo zo ɛlɛtwe menli muala ayɛ bɛ ɔ gɔnwo mɔ. Nyamenle ambu bɛ ɛtane ne mɔ anwo mgbonda antia bɛ na yeva edwɛkɛ ne mɔɔ fane kɛ menli si yɛ ɔ gɔnwo mɔ la yewula yɛ sa nu.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Kɔlɔ 4:10

Alesetaakɛse mɔɔ nee me a la efiade ye la yɛɛ Maake mɔɔ le Baanabase adiema ne biza bɛ ahye. (Memaa bɛde ye dɛba kɛ saa bɛnwu Maake a bɛlie ye gyɛlɛɛnye.)

2 Dw 1:10

Saa awie ba bɛ ɛkɛ ne na ɔngilehile mɔɔ Kelaese hilehilele la a, bɛmmadie ye bɛkɔ bɛ azua nu; bɛmmayɛ ye akoaba bɔbɔ.