Ɛzoanvolɛma Gyima ne 15:3 - BAEBOLO ANZƐƐ BULUKU NWUANZANWUANZA

³ Asɔnema ne guale bɛ adenle, na bɛkɔ la bɛvale Fonehyea nee Samɛlea, na bɛhanle kɛ bɛdabɛ mɔɔ bɛnle Dwuuma la ɛzi ɛhakyi, na bɛlie Nyamenle bɛli la anwo edwɛkɛ bɛhilele bɛ. Na diedima ne lile nwolɛ fɛlɛko somaa.

Ɛzoanvolɛma Gyima ne 15:3 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 15:32

Noko ɔwɔ kɛ yɛdie yɛ nye na yɛdi fɛlɛko ala, ɔboalekɛ, ɛ diema ye, ɔwule, yɛɛ yezia yera ngoane nu bieko a; ɔminlinle, yɛɛ yɛnwu ye a.’ ”

Ɛzoanvolɛma Gyima ne 1:15

Mekɛ ne anu diedima ne yiale nu. Bɛ nloa kɛyɛ ɛya ko abulanwiɔ. Pita dwazole zele bɛ kɛ,

Ɛzoanvolɛma Gyima ne 13:48

Mɔɔ bɛdabɛ mɔɔ bɛnle Dwuuma la dele ɛhye la, bɛlile fɛlɛko na bɛyeyɛle Nyamenle wɔ ye edwɛkɛ ne anwo, na bɛ nuhua mɔɔ ɔwɔ kɛ Nyamenle maa bɛ ngoane mɔɔ ɛnlɛ awieleɛ la liele lile.

Ɛzoanvolɛma Gyima ne 13:52

Na diedima mɔɔ wɔ Anteɔko la lile fɛlɛko kpole na Sunsum Nwuanzanwuanza ne yile bɛ tɛkɛɛ.

Ɛzoanvolɛma Gyima ne 14:27

Mɔɔ bɛradwule Anteɔko la, bɛyiale asɔnema ne amuala na bɛhanle mɔɔ Nyamenle ɛva bɛ ɛyɛ la amuala bɛhilele bɛ, nee kɛ yezi yebuke diedi adenle yemaa bɛdabɛ mɔɔ bɛnle Dwuuma la.

Ɛzoanvolɛma Gyima ne 15:1

Menli bie vi Dwudiya rale Anteɔko na bɛbɔle ɔ bo kɛ bɛkilehile diedima ne kɛ, “Saa bɛanyɛ bɛ mrenyanu nzonlɛ, kɛmɔ Mosisi mɛla ne kile la a bɛnrɛnyia ngoane.”

Ɛzoanvolɛma Gyima ne 15:12

Ɔhanle ɛhye la bɛ muala bɛyɛle koonwu na akee bɛdiele Baanabase nee Pɔɔlo kolakola ne, nee sɛkɛlɛneɛ nee nwanwane gyima mɔɔ Nyamenle ɛlua bɛ nwo zo ɛyɛ wɔ bɛdabɛ mɔɔ bɛnle Dwuuma la avinli la amuala.

Ɛzoanvolɛma Gyima ne 15:22

Ɛzoanvolɛma ne nee mgbanyima ne mɔ, nee asɔnema ne mɔ amuala akee bɔle kpɔkɛ kɛ bɛsoa menli bɛamaa bɛ nee Pɔɔlo nee Baanabase ahɔ Anteɔko. Bɛdule menli nwiɔ mɔɔ bɛbu bɛ kpalɛ la bɛmanle bɛ nee bɛ hɔle. Bɛmɛ a le Dwudase mɔɔ eza bɛfɛlɛ ye Baasabase la, yɛɛ Saelase.

Ɛzoanvolɛma Gyima ne 15:32

Dwudase nee Saelase, mɔɔ bɛdabɛ mumua ne bɛle Nyamenle kpɔmanvolɛma la dendɛle dɔɔnwo hilele bɛ manle bɛnyianle anwosesebɛ.

Ɛzoanvolɛma Gyima ne 15:4

Mɔɔ bɛdwule Gyɛlusalɛm la, bɛvale mɔɔ Nyamenle ɛva bɛ ɛyɛ la amuala bɛbɔle amaneɛ bɛhilele bɛ, na asɔnema ne, ɛzoanvolɛma ne, yɛɛ mgbanyima ne mɔ liele bɛ gyɛlɛɛnye.

Ɛzoanvolɛma Gyima ne 17:15

Menli mɔɔ hɔle Pɔɔlo ɛzɔhonlɛ la vale ye toonwo bɛ nee ye hɔdwule Atɛnse na bɛazia. Na Pɔɔlo vale nrɛlaleɛ manle bɛhɔmanle Saelase nee Temɔte kɛ bɛrɛla waa bɛraboa ye.

Ɛzoanvolɛma Gyima ne 20:38

Debie mɔɔ manle bɛ nwo bubule bɛ kpalɛ bɔbɔ la a le ye edwɛkɛ kpɔkɛ ne mɔɔ ɔhanle kɛ bɛnrɛnwu ye bieko la. Na bɛhɔzɔhonle ye wɔ ɛlɛne ne anwo.

Ɛzoanvolɛma Gyima ne 21:5

Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ.

Ɛzoanvolɛma Gyima ne 28:15

Ɛnee diedima mɔɔ wɔ Wulomu la ɛde yɛ nganeɛ dɛbadɛba, yemɔti bɛvi ɛkɛ ne toonwo bɛrayiale yɛ wɔ Apeɛse Gua nu nee “Dabelɛ Nsa.” Mɔɔ Pɔɔlo nwunle bɛ la, ye ahonle gyinlanle na ɔyɛle Nyamenle mo.

Ɛzoanvolɛma Gyima ne 8:14

Ɛzoanvolɛma ne dele wɔ Gyɛlusalɛm kɛ menli mɔɔ wɔ Samɛlea la ɛzɔ Nyamenle edwɛkɛ ne anu la bɛzoanle Pita nee Dwɔn wɔ lɔ.

Wulo 15:24

me nye la kɛ akee mebara. Saa mese meahɔ Sepeen a mebava bɛ nwo ɛkɛ ne, amaa medi mekɛ ekyi wɔ bɛ nwo ɛkɛ a, bɛaboa me bɛamaa meazɔ me adendulɛ ne azo.

1 Kɔl 16:11

Bɛmmamaa awie biala bu ye kɛ ɔle kakula na ye adwenle ɛtɛtinle, bɛboa ye bɛmaa ɔzɔ ye adendulɛ ne azo anzonudwolɛ nu, amaa yeanyia adenle yeazia yeara me nwo ɛke, ɔluakɛ me nye la ye nee mediema mɔɔ ɛha la ade.

1 Kɔl 16:6

Wɔannea a mebali mekɛ ekyi anzɛɛ fɔsɛlɛ ne bɔbɔ wɔ bɛ nwo ɛkɛ, na akee bɛaboa me bɛamaa meazɔ me adendulɛ ne azo meahɔ ɛleka biala mɔɔ ɔwɔ kɛ mekɔ la.

2 Kɔl 1:16

Ɔluakɛ menyɛle kɛ saa mese meahɔ Masidonea a mebamakyi bɛ nwo ɛkɛ, yɛɛ eza saa mevi Masidonea mesia meara a meamakyi bɛ nwo ɛkɛ ne bieko, amaa bɛagua me adenle bɛamaa meahɔ Dwudiya.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:13

Bɔ mɔdenle kɛ ɛkɛmaa Zinase mɔɔ le lɔyanli ne nee Apolɔso kɛbɔ bɛ adendulɛ ne abo, na nea kɛ bɛnyia debie biala mɔɔ bɛhyia nwolɛ la.