Ɛzoanvolɛma Gyima ne 15:17 - BAEBOLO ANZƐƐ BULUKU NWUANZANWUANZA

¹⁷ amaa ewiade amra mɔɔ ɛha la ara me ɛkɛ, na bɛdabɛ mɔɔ bɛnle Dwuuma na mevɛlɛ bɛ la arayɛ me ɛdeɛ.

Ɛzoanvolɛma Gyima ne 15:17 ပူးပေါင်းရင်းမြစ်များ

Zɛkalaya Buluku ne 2:11

Mekɛ ne anu maanle maanle dɔɔnwo bava bɛ nwo amaa Ɛdɛnkɛma, na bɛayɛ ye menli. Ɛdɛnkɛma badɛnla bɛ avinli na bɛanwu kɛ Tumivolɛ Ɛdɛnkɛma a ɛzoa me a.

Ayezaya Buluku ne 65:1

Ɛdɛnkɛma zele kɛ, “Memboɔboale me nwo kɛ memaa menli mɔɔ ambiza me bo zo la akpondɛ me. Menyɛle kɛ memaa menli mɔɔ amkpondɛ me la anwu me. Menzele maanle ne mɔɔ anzonle me la kɛ, ‘Mewɔ ɛke, mewɔ ɛke!’

Hozia Buluku ne 2:23

Mebalua ye azɛlɛ ne azo meamaa me nwo. Mebaze “Bɛnzebɛanwunvɔne” anwunvɔne, na meaze “Tɛmemenli ɔ” kɛ, “Bɛle me menli” na ɔdaye ɔbaha kɛ, “Ɛle me Nyamenle.”

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Ayezaya Buluku ne 43:7

Awie biala mɔɔ bɛfa me duma bɛfɛlɛ ye, mɔɔ me anyunlunyia ti membɔle ye, na mengyehyɛle menyɛle la bara.”

Gyɛlɛmaya Buluku ne 14:9

Duzu ati a wɔyɛ kɛ sonla mɔɔ ye adwenle ɛha ɛbɔ nu, anzɛɛ wɔyɛ kɛ katakyie mɔɔ ɛngola ngoane die ɛ? Noko O Ɛdɛnkɛma, ɛ nee yɛ de, yɛɛ bɛfa wɔ duma a bɛfɛlɛ yɛ a; mmagyakyi yɛ.’ ”

Ayezaya Buluku ne 11:10

Mekɛ ne anu Belemgbunli Devidi abo zo sonla ne bagyinla kɛ sɛkɛlɛneɛ la yeamaa maanle maanle. Maanle maanle bakpondɛ ye, na ɛleka mɔɔ ɔde la bayɛ anyelielɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:18

na ɛ bo zo amra anwo zo yɛɛ maanle maanle mɔɔ wɔ ewiade la balua anyia nyilalɛ a, ɔboalekɛ wɔdie me ne.’ ”

Maeka Buluku ne 5:7

Akee Gyekɔbo abo zo amra mɔɔ hale la bayɛ kɛ ɛbɔlɛ mɔɔ Ɛdɛnkɛma ɛlɛmaa yeadɔ, nee kyɛngyɛne mɔɔ ɛlɛgugua ndile zo la; bɛngendɛ sonla yɛɛ bɛngendɛ awie biala.

Emɔzo Buluku ne 9:12

Yemɔti Yizilayɛma bava Yidɔm azɛlɛ ne mɔɔ ɛha, nee maanle maanle mɔɔ le me ɛdeɛ la kɔsɔɔti ayɛ bɛ ɛdeɛ.” Kɛ Ɛdɛnkɛma mɔɔ bamaa ɛhye azi la se la ɛne.

Dwowɛle Buluku ne 2:32

Na ɔbara kɛ bɛdabɛ mɔɔ bɛkɛvɛlɛ Ɛdɛnkɛma la bɛbalie bɛ ngoane, ɔluakɛ wɔ Zayɔn Boka nee Gyɛlusalɛm, bie mɔ bavi ɛsalɛ, kɛmɔ Ɛdɛnkɛma ɛha la, na bɛdabɛ mɔɔ bɛbaha la anu yɛɛ bɛdabɛ mɔɔ Ɛdɛnkɛma bavɛlɛ bɛ la wɔ a.”

Daneɛle Buluku ne 9:19

O Awulae, tie yɛ; O Awulae fa yɛ ɛtane kyɛ yɛ; O Awulae, tie yɛ na keha ɛ nwo. Wɔ duma ne ati, O me Nyamenle, mmasi aze, ɔboalekɛ bɛfa wɔ duma a bɛfɛlɛ wɔ suakpole ne nee wɔ menli ne a.”

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:23

Beelam hanle Nyamenle nrɛlaleɛ ɛhye: “Saa Nyamenle yɛ ɛhye a, nwane a kɛnyia ngoane a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:27

Na Ɛdɛnkɛma zele kɛ, “Saa bɛbɔ me duma bɛyila Yizilayɛma a, mebayila bɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:16

Nyamenle soanvolɛ ne mɔɔ ɛlie me ɛvi munzule kɔsɔɔti anu la, Ɛyila mgbavolɛ ɛhye mɔ; na ɔlua bɛ nwo zo bɛbɔ me nee me ze mɔ Ebileham nee Ayezeke aluma atɛnlase; Na bɛ nwo ɛzo bɛyɛ ɛlɔne wɔ azɛlɛ ye azo!”

Mɛla 28:10

Menli kɔsɔɔti mɔɔ wɔ ewiade la banwu kɛ bɛfa ye duma a bɛfɛlɛ bɛ a, na bɛazulo bɛ.

Ayezaya Buluku ne 63:19

Yɛyɛ kɛ menli bie mɔɔ ɛtɛsiele yɛ ɛlɛ la. Yɛnzɔho menli mɔɔ bɛva wɔ duma bɛvɛlɛ bɛ ɛlɛ a.

Gyemise Kɛlata ne 2:7

Asoo tɛ sukoavolɛma a ka duma kpalɛ ne mɔɔ bɛfa bɛfɛlɛ bɛ la anwo edwɛkɛ ɛtane ɛtane la?