Ɛzoanvolɛma Gyima ne 15:10 - BAEBOLO ANZƐƐ BULUKU NWUANZANWUANZA

¹⁰ Duzu ati yɛɛ akee bɛkɛzɔ Nyamenle bɛkɛnlea, na bɛkɛva kpomgbolo kpole bɛkɛgyela diedima ne akɔme, wɔ mekɛ mɔɔ yɛ nee yɛ nlenya mɔ yɛangola ye soa la ɛ?

Ɛzoanvolɛma Gyima ne 15:10 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:2

Yemɔti menli ne hɔle Mosisi anwo zo na bɛzele ye kɛ, “Maa yɛ nzule yɛnlo.” Na Mosisi hanle hilele bɛ kɛ, “Duzu ati a bɛra me nwo zo bɛbabɔ me somolɛ a? Duzu ati a bɛlɛsɔ Ɛdɛnkɛma bɛanlea a?”

Ayezaya Buluku ne 7:12

Na Ehaze hanle kɛ, “Menrɛbiza, yɛɛ menrɛzɔ Ɛdɛnkɛma menrɛnlea.”

Edwɛkpa ne kɛmɔ Mateyu hɛlɛle la 23:4

Bɛkyekye bɔlɛ ɛnlomboɛ mɔɔ ye ɛzoalɛ ɛnla aze la bɛsoa menli, noko bɛdabɛ mumua ne bɛnva bɛ sa ɛrɛlɛsɛka ko bɔbɔ bɛnzɔ bɛ nu.

Edwɛkpa ne kɛmɔ Mateyu hɛlɛle la 4:7

Gyisɛse buale ye kɛ, “Eza bɛhɛlɛ kɛ, ‘Mmasɔ Awulae wɔ Nyamenle ne ɛnea.’ ”

Ɛzoanvolɛma Gyima ne 5:9

Na Pita zele ye kɛ, “Duzu ati a ɛ nee ɛ hu bɛyɛ adwenle ko kɛ bɛbazɔ Awulae Sunsum ne bɛanlea ɛ? Nea, menli mɔɔ hɔziele ɛ hu la agyakɛ abo a ɛte ye wɔ anuhɔlɛ lɔ la, na bɛ nee ɛdawɔ noko bahɔ.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:9

Kɛkala mɔɔ bɛnwu Nyamenle la anzɛɛ bɛmaa menga kɛ, kɛkala mɔɔ Nyamenle ɛkpondɛ bɛ bo zo la, duzu ati a eza bɛkulo kɛ bɛsia bɛkɔsonle sunsum ɛtane ɛtane, anwo anwunvɔne ɛhye mɔ bieko ɛ? Duzu ati a eza bɛkulo kɛ bɛsia bɛyɛ bɛ nwo ngɛkɛlɛ bɛmaa bɛ ɛ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

Kɛlata mɔɔ bɛhɛlɛle bɛhɔmanle Hibuluma la 3:9

Bɛ nlenya mɔ nwunle gyima kpalɛ mɔɔ menlile memanle bɛ ɛvolɛ abulanla anu la, noko bɛgyegyele me na bɛzɔle me bɛnleanle.

Kɛlata mɔɔ bɛhɛlɛle bɛhɔmanle Hibuluma la 9:9

Ɛhye le ɛzukoalɛdeɛ maa yɛ ɛnɛ mekɛ ye. Ɔkile kɛ ahyɛlɛdeɛ nee nane azubɔlɛ ne mɔɔ bɛbɔ bɛmaa Nyamenle la ɛngola ɛmmaa sonvolɛma ahonle nu ɛnde.