Ɛzoanvolɛma Gyima ne 14:5 - BAEBOLO ANZƐƐ BULUKU NWUANZANWUANZA

⁵ Nzinlii bɛdabɛ mɔɔ bɛnle Dwuuma la bie mɔ nee Dwuuma bɔle nu bɛ nee bɛ mgbanyima yɛle adwenle kɛ bɛkɔ ɛzoanvolɛma ne mɔ anwo zo bɛahɔzi bɛ awolɛ.

Ɛzoanvolɛma Gyima ne 14:5 ပူးပေါင်းရင်းမြစ်များ

Edwɛndolɛ Buluku ne 83:5

Ɛhɛe, bɛ muala bɛbɔ nu bɛfa adwenle ko, bɛkyekye bɛkye ɔ bo bɛtia wɔ:

Edwɛkpa ne kɛmɔ Mateyu hɛlɛle la 5:44

Noko mame, mese: Bɛhulo bɛ kpɔvolɛma na bɛzɛlɛ bɛmaa bɛdabɛ mɔɔ bɛyɛ bɛ kpɔdekpɔde la,

Edwɛkpa ne kɛmɔ Luku hɛlɛle la 6:28

Bɛyileyila menli mɔɔ wa bɛ amonle la, na bɛzɛlɛ bɛmaa menli mɔɔ yɛ bɛ kpɔdekpɔde la.

Ɛzoanvolɛma Gyima ne 13:45

Mɔɔ Dwuuma ne nwunle menli dɔɔnwo ne la, anyebolo dɔle bɛ nwo; bɛdendɛle bɛtiale mɔɔ Pɔɔlo ɛlɛka la, na bɛbɔle bɛ aholoba.

Ɛzoanvolɛma Gyima ne 13:50

Na Dwuuma ne lile mgbanyima mɔɔ wɔ suakpole ne azo nee mraalɛ mgbanyinli mɔɔ gyi boɛ na bɛsulo Nyamenle na bɛnle Dwuuma la anzo. Bɛmanle bɛbɔle ɔ bo bɛyɛle Pɔɔlo nee Baanabase kpɔdekpɔde toonwo bɛdule bɛ maanzinli ne anu.

Ɛzoanvolɛma Gyima ne 14:19

Nzinlii Dwuuma bie vi Anteɔko mɔɔ wɔ Paesedea maanzinli nu nee Ayekoneɛm la rale, bɛralile menli ne anzo bɛhɔle bɛ afoa na bɛzile Pɔɔlo awolɛ bɛmanle ɔ nye zo bulule; bɛhwenle ye bɛhɔdole sua ne kandiba, ɛnee bɛdwenle kɛ yewu.

Ɛzoanvolɛma Gyima ne 14:2

Na Dwuuma bie mɔ mɔɔ anlie anli la lile wulale bɛdabɛ mɔɔ bɛnle Dwuuma la bie mɔ manle bɛvale diedima ne mɔ ɛkpɔlɛ.

Ɛzoanvolɛma Gyima ne 14:4

Na menli mɔɔ wɔ suakpole ne azo la anloa anzɛ bɛ nwo; foa ko hɔle Dwuuma anzi, yɛɛ foa ko hɔle ɛzoanvolɛma ne anzi.

Ɛzoanvolɛma Gyima ne 17:5

Ɛhye anwo akpule hunle Dwuuma ne mɔ. Yemɔti bɛsesale kpamgbanvolɛma bie bɛboɔboale bɛ nloa. Bɛmanle bɛdole nzaka wɔ suakpole ne azo toonwo bɛrale Gyeesen sua nu ɛkɛ kɛ bɛbakpondɛ Pɔɔlo nee Saelase bɛahwe bɛ bɛavinde bagua nu.

2 Kɔl 11:26

Wɔ me adendulɛ dɔɔnwo ne mɔ anu, meyia esiane dɔɔnwo mɔɔ le kɛ azuyilɛ, ahɔdiawu, yɛɛ medame me gɔnwo mɔ Dwuuma, nee bɛdabɛ mɔɔ bɛnle Dwuuma la asa anu esiane; meyia azua mgbole zo esiane, esiane wɔ fienemgbole nu, yɛɛ meyia agɔnwolɛma adalɛ asa anu esiane.

1 Tɛs 2:14

Ayi mɔ, mɔɔ zile asɔnema mɔɔ le Kelaese ɛdeɛ la anwo zo wɔ Dwudiya la, yemɔ ala a zile bɛdabɛ noko bɛ nwo zo a. Bɛnwunle amaneɛ wɔ bɛdabɛ bɛ menli asa anu, kɛmɔ Dwuuma yɛle ala la.

1 Tɛs 2:16

Bɛbɔle mɔdenle kɛ bɛtua yɛ mɔɔ yɛnga Edwɛkpa ne yɛngile bɛdabɛ mɔɔ bɛnle Dwuuma la, amaa bɛtie a bɛanyia ngoane. Bɛyɛle ɛhye bɛmanle bɛ ɛtane ne mɔ akee yɛle kpole. Na kɛkala, Nyamenle ɛya ne wɔ bɛ nwo zo.

1 Tɛs 2:2

Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.

2 Tem 3:11

me amaneɛnwunlɛ nee kpɔdekpɔde mɔɔ bɛyɛ me, ɛze mɔɔ zile me nwo zo wɔ Anteɔko, Ayekoneɛm yɛɛ Lesetela la amuala, ɛzulolɛ mɔɔ menwunle ye la le kpole. Noko Awulae yele me vile ɔ muala anu.