Ɛzoanvolɛma Gyima ne 14:23 - BAEBOLO ANZƐƐ BULUKU NWUANZANWUANZA

²³ Bɛzieziele mgbanyima bɛmanle bɛ, na bɛvale ɛhɔnehyelɛ nee nzɛlɛlɛ bɛdule bɛ bɛwulale Awulae ne mɔɔ bɛva bɛ rɛle bɛwule ye nu la asa anu.

Ɛzoanvolɛma Gyima ne 14:23 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 17:21

Noko akee kyesɛ nzɛlɛlɛ nee ɛhɔnehyelɛ ala na ahola deɛ ɛhye tu.”]

Edwɛkpa ne kɛmɔ Maake hɛlɛle la 3:14

ɔkpale nu ɔyele bɛ nuhua bulu nee nwiɔ na ɔvɛlɛle bɛ ye ɛzoanvolɛma na ɔzele bɛ kɛ, “Mekpa nu meye bɛ kɛ bɛ nee me ɛdɛnla. Mebazoa bɛ meamaa bɛahɔbɔ Edwɛkpa ne nolo,

Edwɛkpa ne kɛmɔ Luku hɛlɛle la 23:46

Na Gyisɛse deanle nu kpole kɛ, “Egya! Me ɛkɛla wɔ ɛ sa nu!” Ɔhanle ɛhye na ɔwule.

Ɛzoanvolɛma Gyima ne 1:24

Bɛyɛle nzɛlɛlɛ bɛzele kɛ, “Awulae, wɔmɔ yɛɛ ɛze menli kɔsɔɔti ahonle nu a. Zɔhane ati Awulae, ɛdawɔ kilehile yɛ maa yɛye menli nwiɔ ye anu ko mɔɔ wɔvɛlɛ ye la,

Ɛzoanvolɛma Gyima ne 11:30

Bɛyɛle ɛhye na bɛvale mɔɔ bɛnyianle ye la bɛmanle Baanabase nee Sɔɔlo hɔmanle mgbanyima ne mɔ wɔ Gyɛlusalɛm.

Ɛzoanvolɛma Gyima ne 14:26

Bɛvi ɛkɛ ne la bɛvale ɛlɛne bɛziale bɛrale Anteɔko. Ɛke a bɛdule bɛ bɛwulale Nyamenle ɛlolɛ ne abo kolaa na bɛabɔ bɛ gyima ɛhye mɔɔ bɛwie ye di la abo a.

Ɛzoanvolɛma Gyima ne 15:23

Na bɛvale kɛlata ɛhye bɛmanle bɛ kɛ bɛva bɛhɔ: “Yɛdayɛ bɛ mediema ɛzoanvolɛma nee asɔne mgbanyima, yɛlɛ mediema ɛhulolɛ yɛbiza mediema mɔɔ ɛnle Dwuuma mɔɔ wɔ Anteɔko, Selesea, yɛɛ Selea la amuala ahye.

Ɛzoanvolɛma Gyima ne 15:4

Mɔɔ bɛdwule Gyɛlusalɛm la, bɛvale mɔɔ Nyamenle ɛva bɛ ɛyɛ la amuala bɛbɔle amaneɛ bɛhilele bɛ, na asɔnema ne, ɛzoanvolɛma ne, yɛɛ mgbanyima ne mɔ liele bɛ gyɛlɛɛnye.

Ɛzoanvolɛma Gyima ne 15:6

Ɛdoavolɛma ne nee mgbanyima ne mɔ yiale nu vale edwɛkɛ ɛhye anwo adwenle.

Ɛzoanvolɛma Gyima ne 20:17

Pɔɔlo dole Ɛfɛsɛse asɔne mgbanyima ne mɔ nrɛlaleɛ kɛ bɛyia ye wɔ Maelitɛse.

Ɛzoanvolɛma Gyima ne 20:32

“Kɛkala mefa bɛ mewula Nyamenle nee ye edwɛkɛ ne mɔɔ ɛlolɛ wɔ nu la asa anu. Ɔdo bɛ ngoane nu na ɔva ye nyilalɛ ne mɔɔ yeva yezie ye menli ne ɛkɛ ne la ɔmaa bɛ.

2 Kɔl 8:19

Yeanga ye zɔhane, asɔnema ne ɛnlea nu ɛye ye na bɛyɛ ye kɛ ɔ nee yɛ ɛkpɔsa ɛyɛ ɛhulolɛ ɛzonlenlɛ gyima ɛhye, yɛva yɛde Awulae anyunlu, na yɛhile kɛ yɛkulo kɛ yɛboa.

1 Tem 5:1

Mmatwi kpanyinli biala anyunlu. Dielie bɛ kɛ ɛ ze mɔ la. Yɛ mgbavolɛ ne mɔ kɛ ɛ mediema mrenya;

1 Tem 5:22

Mmapele ndɛ ɛfa ɛ sa ɛgua awie biala ati zo kɛ ɔrayɛ Awulae gyima. Mmafa ɛ nwo ɛdielie awie mɔ nyɛleɛ ɛtane ɛtane nu; nea maa ɛ nwo ɛde.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 2:2

Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:5

Mengyakyile wɔ wɔ Kiliti kɛ ɛnlea ɛmaa debie biala mɔɔ tɔ sinli la ɛyɛ boɛ, na ɛye mgbanyima ɛmaa bɛnlea asɔne ne mɔ mɔɔ wɔ sua biala azo la azo, kɛmɔ mengilehilele wɔ la.

Gyemise Kɛlata ne 5:14

Bɛ nuhua bie ɛnde kpɔkɛ ɔ? Bɛmaa ɔvɛlɛ asɔne mgbanyima ne mɔ na bɛzɛlɛ bɛmaa ye, na bɛkpokpa ye nwole wɔ Awulae duma nu.

1 Pit 5:1

Medame, mele asɔne mgbanyima ne mɔ bie. Mele Kelaese amaneɛnwunlɛ ne anwo dasevolɛ, yɛɛ mebanyia anyunlunyia ne mɔɔ bara la bie. Yemɔti mesɛlɛ bɛdabɛ asɔne mgbanyima mɔɔ wɔ bɛ avinli la kɛ,

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

2 Dw 1:1

Kɛlata ɛhye vi medame Nrenya Kpanyinli ne ɛkɛ. Melɛ mekamaa Raalɛkpa ne nee ɔ mra ne mɔ. Mekulo bɛ nɔhalɛ nu kpole kpalɛ. Tɛ me ngome a mekulo bɛ a, awie biala mɔɔ ze nɔhalɛ ne la kulo bɛ,

3 Dw 1:1

Kɛlata ɛhye vi medame “Nrenya Kpanyinli ne” ɛkɛ. Melɛkɛlɛ meahɔmaa me gɔnwo Gayɛse mɔɔ mekulo ye nɔhalɛ nu la.