Ɛzoanvolɛma Gyima ne 14:1 - BAEBOLO ANZƐƐ BULUKU NWUANZANWUANZA

¹ Wɔ Ayekoneɛm noko, edwɛkɛ ko ne ala bie zile. Pɔɔlo nee Baanabase hɔle Dwuuma nyianu sua ne anu hɔdendɛle manle Dwuuma nee Gilikima dɔɔnwo liele lile.

Ɛzoanvolɛma Gyima ne 14:1 ပူးပေါင်းရင်းမြစ်များ

Dw 12:20

Gilikima bie boka menli mɔɔ hɔle Gyɛlusalɛm kɛ bɛkazonle la anwo wɔ mekɛ mɔɔ bɛdi ɛvoyia ne la.

Dw 7:35

Dwuu mgbanyima ne hanle ye wɔ bɛ nwo ɛkɛ ne kɛ, “Ɛnee nienwu ɛleka a ɔkɔ mɔɔ yɛkpondɛ ye a yɛnrɛnwu ye a? Ɛnee ɔkɔ Giliki azuamgbole ne mɔ bie azo ɛleka mɔɔ Dwuuma bie mɔ wɔ la yeahɔhilehile Gilikima ɔ?

Ɛzoanvolɛma Gyima ne 11:21

Awulae lile bɛ nzi manle menli dɔɔnwo liele lile na bɛhakyile bɛrale Awulae ɛkɛ.

Ɛzoanvolɛma Gyima ne 13:43

Nzinlii mɔɔ bɛkpɔnenle la, Dwuuma nee bɛdabɛ mɔɔ bɛnle Dwuuma mɔɔ boka Dwuuma Nyamenlezonlenlɛ ne anwo la dɔɔnwo doale Pɔɔlo nee Baanabase, na ɛzoanvolɛma ne zile bɛ ahonle kɛ bɛzɔ Nyamenle ɛlolɛ ne anu kpundii.

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 13:5

Mɔɔ bɛdwule Salamese la, bɛhanle Nyamenle edwɛkɛ ne wɔ Dwuuma nyianu sua ne anu. Bɛ nee Dwɔn Maake a hɔle a na ɔboale bɛ wɔ gyima ne ɛyɛlɛ nu.

Ɛzoanvolɛma Gyima ne 13:51

Ɛzoanvolɛma ne kpɔlɔkpɔlale bɛ gyakɛ abo munlutu guale sua ne azo amra ati zo na bɛzile nu bɛhɔle Ayekoneɛm.

Ɛzoanvolɛma Gyima ne 14:19

Nzinlii Dwuuma bie vi Anteɔko mɔɔ wɔ Paesedea maanzinli nu nee Ayekoneɛm la rale, bɛralile menli ne anzo bɛhɔle bɛ afoa na bɛzile Pɔɔlo awolɛ bɛmanle ɔ nye zo bulule; bɛhwenle ye bɛhɔdole sua ne kandiba, ɛnee bɛdwenle kɛ yewu.

Ɛzoanvolɛma Gyima ne 14:2

Na Dwuuma bie mɔ mɔɔ anlie anli la lile wulale bɛdabɛ mɔɔ bɛnle Dwuuma la bie mɔ manle bɛvale diedima ne mɔ ɛkpɔlɛ.

Ɛzoanvolɛma Gyima ne 14:21

Pɔɔlo nee Baanabase hanle Edwɛkpa ne wɔ Dɛbi la, bɛnyianle ɛdoavolɛma gyɛlɛɛnye. Bɛvi ɛkɛ ne bɛziale bɛhɔle Lesetela nee Ayekoneɛm, yɛɛ Anteɔko mɔɔ wɔ Paesedea maanzinli nu la.

Ɛzoanvolɛma Gyima ne 16:1

Pɔɔlo eza rale Dɛbi nee Lesetela noko. Ɛdoavolɛ bie wɔ ɛkɛ, bɛfɛlɛ ye Temɔte. Ɔ nli le Dwuunli mɔɔ ɛlie Edwɛkpa ne ɛli a, yɛɛ ɔ ze le Gilikinli.

Ɛzoanvolɛma Gyima ne 16:2

Mediema mɔɔ wɔ Lesetela nee Ayekoneɛm la kanvo Temɔte kpole kpalɛ.

Ɛzoanvolɛma Gyima ne 17:12

Bɛ dɔɔnwo ne ala liele lile, yɛɛ Giliki mraalɛ nee mrenya dɔɔnwo mɔɔ lɛ duma la noko liele lile.

Ɛzoanvolɛma Gyima ne 17:17

Zɔhane ati ɔhɔle nyianu sua ne anu ɔ nee Dwuuma nee bɛdabɛ mɔɔ bɛnle Dwuuma na bɛsulo Nyamenle la hɔdendɛle. Dahuu ɔkɔgyinla mgbata ne mɔ azo na ɔ nee menli mɔɔ se la tendɛ nwolɛ.

Ɛzoanvolɛma Gyima ne 17:4

Bɛ nuhua bie mɔ liele lile na bɛhakyile bɛdoale Pɔɔlo nee Saelase; zɔhane ala yɛɛ Gilikima mɔɔ sonle Nyamenle nee mraalɛ mgbanyinli dɔɔnwo ne ala yɛle a.

Ɛzoanvolɛma Gyima ne 18:4

Ɛnwomenlelielɛ Kenle biala ɔkɔ nyianu sua ne anu ɔ nee bɛ kɔtendɛ, kɛ ɔbɔ mɔdenle yeali Dwuuma nee Gilikima ne mɔ adwenle.

Ɛzoanvolɛma Gyima ne 18:8

Kelesepɛse mɔɔ nea nyianu sua ne azo la nee ye sua nu amra liele Awulae lile, yɛɛ Kɔlentema dɔɔnwo mɔɔ dele Edwɛkpa ne la liele lile na bɛmanle bɛzɔnenle bɛ.

Ɛzoanvolɛma Gyima ne 19:10

Ɛhye hɔle zolɛ ɛvolɛ nwiɔ. Yemɔti ɔmanle bɛdabɛ mɔɔ ɛnee bɛwɔ Ehyea maanzinli ne anu la, Dwuuma nee bɛdabɛ mɔɔ bɛnle Dwuuma la, amuala dele Awulae anwo Edwɛkpa ne.

Ɛzoanvolɛma Gyima ne 19:17

Dwuuma nee bɛdabɛ mɔɔ bɛnle Dwuuma, mɔɔ wɔ Ɛfɛsɛse la amuala dele mɔɔ zile la; bɛ muala bɛzulole, na ɔmanle bɛlile Awulae Gyisɛse duma ne eni kpole kpalɛ.

Ɛzoanvolɛma Gyima ne 19:8

Pɔɔlo hɔle nyianu sua ne anu na ɔdendɛle akɛnrasesebɛ zo ɔhilele Dwuuma ne mɔ toonwo siane nsa kɛ ɔmaa bɛanwu Nyamenle Belemgbunlililɛ ne.

Ɛzoanvolɛma Gyima ne 2:47

na bɛye Nyamenle ayɛlɛ. Bɛnyianle bɛ nyunlu wɔ menli kɔsɔɔti avinli, na dahuu Awulae fa menli mɔɔ bɛlɛdie bɛ ngoane la baboka bɛ nwo.

Ɛzoanvolɛma Gyima ne 20:21

Mengakyele Dwuuma nee bɛdabɛ mɔɔ bɛnle Dwuuma la amuala kɛ bɛnlu bɛ nwo wɔ bɛ ɛtane ne mɔ mɔɔ bɛyɛ bɛtia Nyamenle la anwo na bɛlie yɛ Awulae Gyisɛse bɛli.

Ɛzoanvolɛma Gyima ne 21:28

bɛdeɛdeanle nu kɛ, “Yizilayɛma e, bɛrɛla o na sonla ne mɔɔ luolua nuhua ɛlɛkilehile menli atia Yizilayɛma nee Mosisi mɛla ne nee Ɛzonlenlɛ Sua ye la, yemɔ ɛne! Eza noko yehɔva menli bie mɔɔ ɛnle Dwuuma la yera Ɛzonlenlɛ Sua ye anu yemaa evinli ɛha ɛleka nwuanzanwuanza ɛhye.”

Ɛzoanvolɛma Gyima ne 9:20

na ɔhɔle nyianu azua ne mɔ anu ɔhɔbɔle nolo kɛ Gyisɛse, “Yemɔ a ɔle Nyamenle Ara ne a.”

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Wulo 10:12

Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:3

Na Taetɛse bɔbɔ mɔɔ le Gilikinli na ɔ nee yɛ a hɔle la, bɛanga kɛ ɔyɛ ye mrenyanu nzonlɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:28

Zɔhane ati ngakyile biala ɛnle Dwuuma nee sonla mɔɔ ɛnle Dwuunli la avinli, akɛlɛ nee dehelɛ, anzɛɛ nrenya nee raalɛ avinli. Ɔluakɛ Kelaese ati bɛ muala bɛle menli ko.

Kɔlɔ 3:11

Zɔhane ati, ansolo bɛdabɛ mɔɔ bɛnle Dwuuma la nee Dwuuma, ansolo menli mɔɔ bɛyɛ bɛ mrenyanu nzonlɛ nee bɛdabɛ mɔɔ bɛtɛyɛle bɛ bie la, ansolo nyɛvolɛ, ansolo menli mɔɔ anye ɛtɛtele, ansolo ahanra, yɛɛ ansolo alehelɛ. Kelaese a le ninyɛne kpokpoti a. Kelaese wɔ ye kpokpoti anu.

2 Tem 3:11

me amaneɛnwunlɛ nee kpɔdekpɔde mɔɔ bɛyɛ me, ɛze mɔɔ zile me nwo zo wɔ Anteɔko, Ayekoneɛm yɛɛ Lesetela la amuala, ɛzulolɛ mɔɔ menwunle ye la le kpole. Noko Awulae yele me vile ɔ muala anu.