Ɛzoanvolɛma Gyima ne 13:52 - BAEBOLO ANZƐƐ BULUKU NWUANZANWUANZA

⁵² Na diedima mɔɔ wɔ Anteɔko la lile fɛlɛko kpole na Sunsum Nwuanzanwuanza ne yile bɛ tɛkɛɛ.

Ɛzoanvolɛma Gyima ne 13:52 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Ɛzoanvolɛma Gyima ne 11:29

Yemɔti diedima ne bɔle kpɔkɛ kɛ bɛkeha bɛ sa aze na mɔɔ bɛkɛnyia ye la bɛava bɛahɔboa mediema mɔɔ wɔ Dwudiya la.

Ɛzoanvolɛma Gyima ne 2:4

Sunsum Nwuanzanwuanza ne rayile bɛ tɛkɛɛ na bɛbɔle ɔ bo kɛ bɛka aneɛ ngakyile, kɛmɔ Sunsum ne vale manle bɛ kɛ bɛha la.

Ɛzoanvolɛma Gyima ne 2:46

Kenle biala bɛyia nu wɔ Ɛzonlenlɛ Sua ne anu bɛyɛ nzɛlɛlɛ, bɛbɔ nu bɛdi debie wɔ koyɛlɛ nu,

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

Wulo 14:17

Ɔluakɛ Nyamenle Belemgbunlililɛ ne, tɛ yemɔ a le nlidi nlidi anzɛɛ nono nono, na yemɔ a le pɛlepɛlelilɛ, anzonudwolɛ nee anyelielɛ ne mɔɔ Sunsum Nwuanzanwuanza ne fa maa la.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 5:3

Bɔbɔ wɔ amaneɛnwunlɛ nu yɛbali fɛlɛko, ɔboalekɛ yɛze kɛ nyanelilɛ maa sonla nyia abotane,

2 Kɔl 8:2

Bɛhɔle sɔnea nu kpole wɔ ndenle dɔɔnwo anu, noko bɛlile fɛlɛko kpole. Ɛnee bɛnlɛ bie suzuamgba ɛdeɛ, noko bɛluale bɛ amaneɛnwunlɛ ne anu bɛvale ninyɛne bɛhyɛle, bɛhilele bɛ atiakunlukɛnlɛma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

Gyemise Kɛlata ne 1:2

Me mediema, saa sɔnea ngakyile dɔɔnwo ba bɛ nwo zo a bɛli nwolɛ fɛlɛko;

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.