Ɛzoanvolɛma Gyima ne 13:5 - BAEBOLO ANZƐƐ BULUKU NWUANZANWUANZA

⁵ Mɔɔ bɛdwule Salamese la, bɛhanle Nyamenle edwɛkɛ ne wɔ Dwuuma nyianu sua ne anu. Bɛ nee Dwɔn Maake a hɔle a na ɔboale bɛ wɔ gyima ne ɛyɛlɛ nu.

Ɛzoanvolɛma Gyima ne 13:5 ပူးပေါင်းရင်းမြစ်များ

1 Arl 19:21

Yilaehya ziale na ɔrahunle ye nlankɛ ne mɔ na ɔvale ngyela mbaka ne mɔ ɔyɛle ɛyɛne ɔdonle nlankɛ ne mɔ ɔmanle menli ne lile. Akee ɔvile ɛkɛ na ɔhɔdoale Yilaegya kɛ ye boavolɛ.

1 Arl 19:3

Na ɛzulolɛ hanle Yilaegya manle ɔ nee ye sonvolɛ ne bɛnriandile bɛhɔle Biyɛhyiba mɔɔ wɔ Dwuda la. Ɔgyakyile ye sonvolɛ ne wɔ Biyɛhyiba

2 Arl 3:11

Gyɛhɔhyafate bizale kɛ, “Na Ɛdɛnkɛma kpɔmanvolɛ biala ɛnle ɛke ɛleka bie mɔɔ yɛkola yɛdua ɔ nwo zo yɛbiza Ɛdɛnkɛma ɔ?” Yizilayɛ belemgbunli ne sonvolɛma ne mɔ ko buale kɛ, “Hyeefate ara Yilaehya wɔ ɛke. Yemɔ yɛɛ anrɛɛ boa Yilaegya wɔ ye gyima ne ɛyɛlɛ nu a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:13

Yemɔti Mosisi nee ye sonvolɛ Dwɔhyua dwazole, na Mosisi hɔle Nyamenle boka ne azo.

Edwɛkpa ne kɛmɔ Mateyu hɛlɛle la 20:26

Na bɛmɛ, ɛhye ɛmbɔnle bɛ nwo. Saa bɛ nuhua bie kpondɛ kɛ ɔyɛ kpole wɔ bɛ nu a, ɛnee ɔyɛ sonvolɛ ɔmaa mɔɔ ɛha la;

Ɛzoanvolɛma Gyima ne 12:12

Mɔɔ ɔnwunle ye zɛhae la, Pita luale zolɛ hɔle Dwɔn Maake ɔ nli Mɛle sua nu, ɛnee menli dɔɔnwo ɛyia ɛkɛ na bɛlɛyɛ nzɛlɛlɛ.

Ɛzoanvolɛma Gyima ne 12:25

Baanabase nee Sɔɔlo wiele bɛ gyima ne di la, bɛvi Gyɛlusalɛm bɛhɔle, na bɛvale Dwɔn Maake bɛbokale bɛ nwo.

Ɛzoanvolɛma Gyima ne 13:14

Bɛvi Pɛga la bɛbɔle hwii bɛhɔle Anteɔko mɔɔ wɔ Paesedea la. Ɛnwomenlelielɛ Kenle ne dwule la, bɛhɔle nyianu sua ne anu na bɛhɔdɛnlanle aze.

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 14:1

Wɔ Ayekoneɛm noko, edwɛkɛ ko ne ala bie zile. Pɔɔlo nee Baanabase hɔle Dwuuma nyianu sua ne anu hɔdendɛle manle Dwuuma nee Gilikima dɔɔnwo liele lile.

Ɛzoanvolɛma Gyima ne 15:37

Baanabase hulole kɛ bɛkɛva Dwɔn Maake bɛkɛboka bɛ nwo,

Ɛzoanvolɛma Gyima ne 17:17

Zɔhane ati ɔhɔle nyianu sua ne anu ɔ nee Dwuuma nee bɛdabɛ mɔɔ bɛnle Dwuuma na bɛsulo Nyamenle la hɔdendɛle. Dahuu ɔkɔgyinla mgbata ne mɔ azo na ɔ nee menli mɔɔ se la tendɛ nwolɛ.

Ɛzoanvolɛma Gyima ne 18:4

Ɛnwomenlelielɛ Kenle biala ɔkɔ nyianu sua ne anu ɔ nee bɛ kɔtendɛ, kɛ ɔbɔ mɔdenle yeali Dwuuma nee Gilikima ne mɔ adwenle.

Ɛzoanvolɛma Gyima ne 19:22

Zɔhane ati ɔmanle ye boavolɛma ne mɔ nwiɔ, Temɔte nee Yilasetɛse lumuale Masidonea, na yemɔ ɔdɛnlanle Ehyea maanzinli ne anu ekyii.

Ɛzoanvolɛma Gyima ne 19:29

He-e-e ko mɔɔ bɛyɛle la pɛle sua bɔdenle ne. Na nzakama ne mɔ dule twi kokye la ɛnee bɛwɔ Masidoneama nwiɔ, Gayɛse nee Alesetaakɛse mɔɔ nee Pɔɔlo a lua la anwo zo nwee. Bɛhwenle bɛ bɛ nee bɛ hɔle ɛleka mɔɔ ɔyɛ a bɛyia la.

Ɛzoanvolɛma Gyima ne 19:8

Pɔɔlo hɔle nyianu sua ne anu na ɔdendɛle akɛnrasesebɛ zo ɔhilele Dwuuma ne mɔ toonwo siane nsa kɛ ɔmaa bɛanwu Nyamenle Belemgbunlililɛ ne.

Ɛzoanvolɛma Gyima ne 9:20

na ɔhɔle nyianu azua ne mɔ anu ɔhɔbɔle nolo kɛ Gyisɛse, “Yemɔ a ɔle Nyamenle Ara ne a.”

Kɔlɔ 4:10

Alesetaakɛse mɔɔ nee me a la efiade ye la yɛɛ Maake mɔɔ le Baanabase adiema ne biza bɛ ahye. (Memaa bɛde ye dɛba kɛ saa bɛnwu Maake a bɛlie ye gyɛlɛɛnye.)

2 Tem 4:11

Yeha Luku angomekye ala wɔ me nwo ɛke. Nea kɛ ɛ sa kɛha Maake na ɛ nee ye bɛrɛla, ɔluakɛ ɔkɛhola ɔkɛboa me.