Ɛzoanvolɛma Gyima ne 13:43 - BAEBOLO ANZƐƐ BULUKU NWUANZANWUANZA

⁴³ Nzinlii mɔɔ bɛkpɔnenle la, Dwuuma nee bɛdabɛ mɔɔ bɛnle Dwuuma mɔɔ boka Dwuuma Nyamenlezonlenlɛ ne anwo la dɔɔnwo doale Pɔɔlo nee Baanabase, na ɛzoanvolɛma ne zile bɛ ahonle kɛ bɛzɔ Nyamenle ɛlolɛ ne anu kpundii.

Ɛzoanvolɛma Gyima ne 13:43 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 23:15

“Bɛmɛ mɛla kilehilevolɛma nee Falasiima, munzule ɛha bɛ! Nabalabama! Bɛmɛ, bɛdua nyevile nye, bɛdua aze bɛkɔ maanle maanle zo kɛ bɛkɛnyia sonla ko bɔbɔ bɛkɛhakyi ye bɛkɛmaa ɔkɛzonle Nyamenle; noko saa bɛnyia bie a, bɛyɛ bɛmaa ɔ nwo fɛta abɔnsam senle nu fane nwiɔ kɛ bɛdabɛ la!

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 13:50

Na Dwuuma ne lile mgbanyima mɔɔ wɔ suakpole ne azo nee mraalɛ mgbanyinli mɔɔ gyi boɛ na bɛsulo Nyamenle na bɛnle Dwuuma la anzo. Bɛmanle bɛbɔle ɔ bo bɛyɛle Pɔɔlo nee Baanabase kpɔdekpɔde toonwo bɛdule bɛ maanzinli ne anu.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 14:3

Noko ɛzoanvolɛma ne dɛnlanle ɛkɛ hyɛle, bɛhanle Awulae anwo edwɛkɛ ne akɛnrasesebɛ zo na Awulae hilele nɔhalɛ mɔɔ wɔ ye ɛlolɛ nwo nolo ne mɔɔ bɛlɛbɔ la anu na ɔmanle bɛ tumi ɔmanle bɛyɛle sɛkɛlɛneɛ nee nwanwane ninyɛne dɔɔnwo.

Ɛzoanvolɛma Gyima ne 16:14

Mraalɛ mɔɔ diele yɛ edwɛkɛ ne la ko a le Ledea mɔɔ vi Tayataela na ɔtɔnedɔne arelemgbunli ndanlɛ la. Ɔle raalɛ mɔɔ Nyamenlezonlenlɛ wɔ ye nu a. Na Awulae bukele ye adwenle nu manle ɔdiele mɔɔ Pɔɔlo ɛlɛka la kpalɛ.

Ɛzoanvolɛma Gyima ne 17:17

Zɔhane ati ɔhɔle nyianu sua ne anu ɔ nee Dwuuma nee bɛdabɛ mɔɔ bɛnle Dwuuma na bɛsulo Nyamenle la hɔdendɛle. Dahuu ɔkɔgyinla mgbata ne mɔ azo na ɔ nee menli mɔɔ se la tendɛ nwolɛ.

Ɛzoanvolɛma Gyima ne 17:34

Noko menli ne bie mɔ liele lile na bɛhɔbokale ɔ nwo. Bie mɔ a le Dayoneseɛse, mɔɔ boka Alɛyɔpagɛse ayiama ne anwo, nee raalɛ bie mɔɔ bɛfɛlɛ ye Damalese la, yɛɛ bie mɔ dɔɔnwo.

Ɛzoanvolɛma Gyima ne 17:4

Bɛ nuhua bie mɔ liele lile na bɛhakyile bɛdoale Pɔɔlo nee Saelase; zɔhane ala yɛɛ Gilikima mɔɔ sonle Nyamenle nee mraalɛ mgbanyinli dɔɔnwo ne ala yɛle a.

Ɛzoanvolɛma Gyima ne 18:7

Na Pɔɔlo vi ɛleka mɔɔ ɔde la dule na ɔhɔle nrenya bie mɔɔ ɛnle Dwuunli, na ɔsonle Nyamenle la sua nu. Nrenya ne bɛfɛlɛ ye Taeteɛse Gyɛsetɛse; ye sua nu bikye Dwuuma nyianu sua ne.

Ɛzoanvolɛma Gyima ne 2:10

Felegyea, Pamefelea, Yigyibiti nee Lebea maanzinli ne mɔɔ bikye Saelin. Yɛ bie mɔ noko vi Wulomu,

Ɛzoanvolɛma Gyima ne 28:23

Na bɛ nee Pɔɔlo hilele kenle. Kenle ne dwule la, menli dɔɔnwo rayiale ɛleka mɔɔ Pɔɔlo de la. Na ɔhanle Nyamenle Belemgbunlililɛ ne anwo edwɛkɛ ɔhilehilele nu ɔhilele bɛ, na ɔbɔle mɔdenle kɛ ɔmaa bɛalie Gyisɛse anwo edwɛkɛ ne mɔɔ Nyamenle kpɔmanvolɛma nee Mosisi mɛla ne ka la bɛali. Ɔdendɛle ɛhye anwo ɔvi nwonlomɔ mangyee ne toonwo aledwolɛ.

Ɛzoanvolɛma Gyima ne 6:5

Ɛzoanvolɛma ne mɔ nzuzulɛ ne zɔle bɛ kɔsɔɔti bɛ nye, na bɛyele Sitivin, mɔɔ lɛ diedi ne anu kpundii na Sunsum Nwuanzanwuanza ne ɛyi ye tɛkɛɛ la, Felepe, Polɔkɔlɛse, Nekanɔ, Taemɔn, Paamɛnase, yɛɛ Nekɔlɔso mɔɔ vi Anteɔko, mɔɔ ɛnle Dwuunli na yehakyi ɔsonle Dwuuma Nyamenle ne la.

Wulo 11:6

Saa ɛlolɛ zo ala yɛɛ ɔlua a, ɛnee tɛ nyɛleɛ ti ɔ. Ɔluakɛ saa Nyamenle kpa nu aye sonla amaa ɔ nwo wɔ ahenle ne mɔdenlebɔ ti a, ɛnee Nyamenle ɛlolɛ ne ɛnle ɛlolɛ.

Wulo 3:24

Ɔlua mgbɔdalɛ mɔɔ Gyisɛse Kelaese ɛva ɔ nwo ɛli la azo, Nyamenle ɛlolɛ ne mɔɔ ɔfa ɔkyɛ mgbane la maa menli muala sɔ ɔ nye.

Wulo 5:2

Gyisɛse lua yɛ diedi zo ɛva yɛ ɛra Nyamenle ɛlolɛ ne mɔɔ ɛnɛ yɛde nu la abo. Yemɔti yɛdi fɛlɛko anyelazo nu kɛ yɛbanyia Nyamenle anyunlunyia ne.

Wulo 5:21

Zɔhane ati, kɛmɔ ɛtane vale ewule a lile belemgbunli la, zɔhane ala yɛɛ Nyamenle ɛlolɛ ne fa kpalɛyɛlɛ di belemgbunli na ɔfa yɛ ɔdua Gyisɛse Kelaese, yɛ Awulae ne anwo zo ɔkɔ ngoane mɔɔ ɛnlɛ awieleɛ la anu a.

2 Kɔl 5:11

Kɛmɔ yɛze kɛ Nyamenlezulolɛ si de la ati, yɛbɔ mɔdenle kɛ yɛkɛmaa menli kɛzulo Nyamenle; na kɛ yɛmɛ yɛde la, Nyamenle ɔdaye ɔze, yɛɛ meze kɛ bɛdabɛ bɛze ye wɔ bɛ adwenle nu.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:4

Bɛdabɛ mɔɔ bɛdwenle kɛ bɛdi mɛla ne azo a bɛkɛzɔ Nyamenle anye la ɛhwe bɛ nwo ɛvi Kelaese anwo, na bɛnrɛnyia Nyamenle ɛlolɛ ne bie.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:8

Ɔluakɛ Nyamenle ɛlolɛ zo yɛɛ bɛ diedi ti yelie bɛ ngoane a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:16

Noko kɛ ɔde biala la, bɛmaa yɛhɔ yɛ nyunlu yɛzɔ mɔɔ yɛlɛ la anu boɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:1

Zɔhane ati, me mediema kulovolɛma, mɔɔ me nwo dɔ bɛ a, me ahyɛlɛdeɛ mɔɔ me nye die bɛ nwo, na mefa bɛ metu me nwo a! Mediema kpalɛ, bɛgyinla kpundii kɛ bɛle Kelaese ɛdeɛ.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:11

Ɔluakɛ Nyamenle ɛye ye ɛlolɛ ne ɛhile wɔ menli kɔsɔɔti bɛ ngoanelielɛ ti.

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

1 Pit 5:12

Saelase (Selevanɛse) mɔɔ kɛkala Kelaese ati meva ye kɛ me diema kpalɛ kpalɛ la yɛɛ ɛboa ɛmaa mehɛlɛ bɛ kɛlata ezinraa ɛhye a. Mekulo kɛ mesi bɛ ahonle, na medi daselɛ kɛ ɛhye a le Nyamenle ɛlolɛ kpalɛ ne a. Bɛgyinla kpundii wɔ nuhua.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

1 Dw 2:28

Akee me mra ngakula, bɛ nee Kelaese ɛyɛ ko ɛdɛnla, amaa saa Kenle ne dwu na ɔye ɔ nyunlu a yɛazi pi na yɛanva nyiane yɛangɔnwenwe ɛleka bie.

2 Dw 1:9

Awie biala mɔɔ ɛnli Kelaese ngilehilelɛ ne azo, na ɔbɔ ɛbɛla mɔɔ ɔkulo la ɛnze Nyamenle. Awie biala mɔɔ di Kelaese ngilehilelɛ zo la ɛnwu Selɛ ne nee Ralɛ ne.