Ɛzoanvolɛma Gyima ne 13:41 - BAEBOLO ANZƐƐ BULUKU NWUANZANWUANZA

⁴¹ ‘Bɛnlea, bɛmɛ agolobɛnwoma! Akpule ku bɛ agua bɛ lɔ! Ɔluakɛ, gyima mɔɔ melɛdi wɔ bɛ mekɛ zo la ɛnle debie mɔɔ awie kile nu kile bɛ bɔbɔ a bɛkɛlie bɛkɛli a!’ ”

Ɛzoanvolɛma Gyima ne 13:41 ပူးပေါင်းရင်းမြစ်များ

Mrɛlɛbulɛ Buluku ne 5:12

Akee biala baha kɛ, “Ɛnee mekyi sonla nyunlu ɛhwilɛ, yɛɛ meangulo kɛ awie kɛdendɛ me nyunlu.

Ayezaya Buluku ne 5:24

Yemɔti kɛ senle si yela ewula na ndile welera si sɔ senle nu la, zɔhane ala yɛɛ bɛ ndinli bakpɔlɔ na bɛ ndotolo akpolo azande kɛ munlutu a, ɔluakɛ bɛkpo Tumivolɛ Ɛdɛnkɛma mɛla ne na bɛhyi Yizilayɛ Nwuanzanwuanza Ko ne anloa edwɛkɛ.

Ayezaya Buluku ne 65:15

Me menli ne mɔɔ mekpa nu meye bɛ la bava bɛ duma awa amonle, yɛɛ Awulae Nyamenle ne bahu bɛ; na me sonvolɛma ne ɛdeɛ, mebava duma fofolɛ meavɛlɛ bɛ.

Yizikeɛle Buluku ne 33:9

Na saa ɛbɔ amumuyɛnli ne kɔkɔ kɛ ɔvi ye ninyɛndane nwo, na yeangyakyi ɔ sa anloa a, ɔbawu yeala ye ɛtane ne anu, na wɔmɔ, ɛ nwo kɔlɔnwo.”

Habakɛke Buluku ne 1:5

Akee Ɛdɛnkɛma buale kɛ “To ɛ nye nea maanle maanle ne mɔ na nea, ɔbayɛ wɔ nwanwane nee azibɛnwo. Ɔluakɛ melɛdi gyima bie wɔ wɔ mekɛ zo mɔɔ saa bɛka bɛkile wɔ a ɛnrɛlie ɛnrɛli a.

Edwɛkpa ne kɛmɔ Luku hɛlɛle la 16:14

Falasiima ne mɔ dele ɛhye amuala la, bɛgolole Gyisɛse anwo, ɔboalekɛ bɛkulo ezukoa kpalɛ.

Edwɛkpa ne kɛmɔ Luku hɛlɛle la 23:35

Mekɛ mɔɔ menli ne gyi ɛkɛ ne ɛlɛnea la ɛnee Dwuu mgbanyima ne mɔ mɔɔ wɔ bɛ nu la ɛlɛsi ye amgbu kɛ, “Se ɔliele awie mɔ ngoane o; saa yemɔ a ɔle Mɛzaya ne mɔɔ Nyamenle ɛkpa nu ɛye ye la amgba a, bɛmaa ɔlie ɔ nwo ngoane ɔmaa yɛnlea!”

Ɛzoanvolɛma Gyima ne 13:47

Ɔluakɛ Awulae zele yɛ kɛ, ‘Meyɛ bɛ kɛ kɛnlaneɛ memaa bɛdabɛ mɔɔ bɛnle Dwuuma la, amaa aleɛabo amra amuala anyia ngoane.’ ”

Ɛzoanvolɛma Gyima ne 22:21

Na Awulae zele me kɛ, ‘Kɔ, mesoa wɔ wɔ maanle zo moa moa wɔ menli mɔɔ ɛnle Dwuuma la avinli.’ ”

Ɛzoanvolɛma Gyima ne 3:23

Awie biala mɔɔ andie kpɔmanvolɛ zɔhane la, bɛbaye ye bɛavi Nyamenle menli ne avinli na bɛazɛkye ye.’

Ɛzoanvolɛma Gyima ne 6:14

Yɛdele kɛ ɔlɛka kɛ Gyisɛse ne mɔɔ vi Nazalɛte la barazɛkye Ɛzonlenlɛ Sua ye, na yeahakyi maamɛla biala mɔɔ Mosisi hyehyɛle manle yɛ la!”

1 Tɛs 2:16

Bɛbɔle mɔdenle kɛ bɛtua yɛ mɔɔ yɛnga Edwɛkpa ne yɛngile bɛdabɛ mɔɔ bɛnle Dwuuma la, amaa bɛtie a bɛanyia ngoane. Bɛyɛle ɛhye bɛmanle bɛ ɛtane ne mɔ akee yɛle kpole. Na kɛkala, Nyamenle ɛya ne wɔ bɛ nwo zo.

1 Pit 4:17

Mekɛ ne ɛdwu mɔɔ ɔwɔ kɛ bɛbɔ ndɛnebualɛ ne abo a, na Nyamenle menli ne yɛɛ bɛbalumua bɛabua bɛ ndɛne a. Na saa ndɛnebualɛ ne bɔ ɔ bo wɔ yɛ nwo zo a, ɛnee kɛ ɔkɛzi ɔkɛwie ye wɔ menli mɔɔ ɛnlie Edwɛkpa ne mɔɔ vi Nyamenle ɛkɛ ne la ɛnli la anwo zo ɛ?