Ɛzoanvolɛma Gyima ne 13:32 - BAEBOLO ANZƐƐ BULUKU NWUANZANWUANZA

^32-33 Na yɛdayɛ noko yɛra ɛke kɛ yɛfa Edwɛkpa ne yɛarɛlɛ bɛ kɛ, Nyamenle ɛwɔkɛ ne mɔɔ ɔbɔle yɛ nlenya mɔ la, yelua Gyisɛse mɔɔ yedwazo ye yera ngoane nu la anwo zo yeyɛ yemaa yɛmɛ mɔɔ yɛle bɛ nlɔnra la. Edwɛndolɛ ne mɔɔ tɔ zolɛ nwiɔ la se, ‘Wɔmɔ, ɛle me ra; ɛnɛ merayɛ ɛ ze.’

Ɛzoanvolɛma Gyima ne 13:32 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:3

Mebayila bɛdabɛ mɔɔ bɛyila wɔ la, Na meamaa munzule ado mɔɔ kɛzuzu munzule kɛmaa wɔ la; Na ɔlua ɛ nwo zo nyilalɛ aha maanle maanle kɔsɔɔti mɔɔ wɔ ewiade la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:18

na ɛ bo zo amra anwo zo yɛɛ maanle maanle mɔɔ wɔ ewiade la balua anyia nyilalɛ a, ɔboalekɛ wɔdie me ne.’ ”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:4

Mebamaa ɛ bo zo amra ayɛ dɔɔnwo kɛ anwomanyunlu nwɔlɔra. Mebava azɛlɛ ɛhye mɔ amuala meamaa ɛ bo zo amra, na ɛ bo zo amra anwo zo yɛɛ maanle maanle kɔsɔɔti mɔɔ wɔ ewiade la balua anyia nyilalɛ a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Ayezaya Buluku ne 11:1

Gyɛsi dosinli ne (Belemgbunli Devidi), bakpuke ɛnyelɛ wɔ ye ndinli ne mɔ anu anyi ayɛ Baka Ɛhane.

Ayezaya Buluku ne 40:9

O, wɔmɔ mɔɔ ɛlɛ amaneɛ fɛlɛko ɛbabɔ Zayɔn a, fo kɔ boka tendenle ne azo; wɔmɔ mɔɔ ɛlɛ amaneɛ fɛlɛko ɛbabɔ Gyɛlusalɛm a, fa wɔ anwosesebɛ muala kpogya ɛ ne zo ka. Kpogya ɛ ne zo, mmasulo! Ka kile Dwuda azuamgbole ne mɔ kɛ, “Bɛnlea, bɛ Nyamenle ne ɛne!”

Ayezaya Buluku ne 41:27

Mame, melumua meha mehile Zayɔn, yɛɛ memaa Gyɛlusalɛm ɛde amaneɛ fɛlɛko.

Ayezaya Buluku ne 52:7

Ahenle ne mɔɔ lua awoka ne mɔ azo lɔ, mɔɔ lɛ nrɛlaleɛ kpalɛ ɛlɛba la ɛralɛ nu le kɛnlɛma, ɔbɔ anzonudwolɛ nolo, na ɔlɛ nrɛlaleɛ kɛnlɛma kpalɛ, ɔbɔ ngoanelielɛ nolo, na ɔka ɔkile Zayɔn kɛ, “Wɔ Nyamenle ne di belemgbunli.”

Ayezaya Buluku ne 61:1

Awulae Nyamenle ne Sunsum ne wɔ me nwo zo, Ɔboalekɛ Ɛdɛnkɛma ɛkpa nu ɛye me Kɛ menva amaneɛ fɛlɛko membambɔ menli mɔɔ ɛlɛnwu amaneɛ la; Yezoa me kɛ membankyekye menli mɔɔ arɛle ɛbɔ la arɛle, Membɔ nolo kɛ bɛgyakyi bɛdabɛ mɔɔ bɛhye bɛ nuokɛ la, Na menye menli mɔɔ gua efiade la.

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Gyɛlɛmaya Buluku ne 23:5

“Bɛnlea, mekɛ ɛlɛba mɔɔ mebamaa tenlene Ɛhane akpakye Devidi sua nu. Ɔbali belemgbunli na ɔ nee ye menli ne adɛnla nrɛlɛbɛ nu, yeali edwɛkɛ pɛlepɛle nee tenlene nu wɔ azɛlɛ ne azo.

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Hagae Buluku ne 2:7

Eza mebakpusu maanle maanle ne mɔ meamaa bɛ anwonyia ne mɔ apɛ arali ɛke, na meamaa Ɛzonlenlɛ Sua ɛhye anu ayɛ kɛnlɛma kpalɛ, medame Tumivolɛ Ɛdɛnkɛma a mese a.

Zɛkalaya Buluku ne 13:1

“Mekɛ ne anu bɛbabuke nzufeanvea bɛava bɛanrinzi Devidi abo zo amra nee Gyɛlusalɛmma amuala ɛtane nee evinli biala bɛagua.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Zɛkalaya Buluku ne 6:12

na ka kile ye kɛ, ‘Tumivolɛ Ɛdɛnkɛma se: Bɛnlea, sonla ne mɔɔ ye duma a le Baka Ɛhane la ɛne. Ɔbakpazi wɔ ɛleka mɔɔ ɔde la na yeazi Ɛdɛnkɛma Ɛzonlenlɛ Sua ne.

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Malakae Buluku ne 3:1

Tumivolɛ Ɛdɛnkɛma se, “Nea, mebazoa me ɛbɔfoɔ meamaa yeahɔziezie adenle ne anu yeamaa me. Na arɛlevilɛ nu ala bɛbanwu Awulae ne mɔɔ bɛlɛkpondɛ ye la kɛ ɔlɛkɔ Ɛzonlenlɛ Sua ne anu. Ngyekyeleɛ ne anwo ɛbɔfoɔ ne mɔɔ bɛ nye la ye ade la ɛlɛba.”

Malakae Buluku ne 4:2

Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la.

Edwɛkpa ne kɛmɔ Luku hɛlɛle la 1:19

Nyamenle soanvolɛ ne buale kɛ, “Mame a mele Nyamenle soanvolɛ kpanyinli ne mɔɔ bɛfɛlɛ ye Geebeleɛle la. Mame a megyi Nyamenle anyunlu a, yɛɛ yezoa me kɛ menva nrɛlaleɛ fɛlɛko ɛhye membɛlɛ wɔ a.

Edwɛkpa ne kɛmɔ Luku hɛlɛle la 2:10

Nyamenle soanvolɛ ne zele bɛ kɛ, “Bɛmmasulo! Melɛ amaneɛ kpalɛ melɛbɛlɛ bɛ, mɔɔ bamaa fɛlɛkolilɛ kpole aha menli kɔsɔɔti a.

Ɛzoanvolɛma Gyima ne 10:36

Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.

Ɛzoanvolɛma Gyima ne 13:23

Devidi ɛhye alɔnra a le Gyisɛse mɔɔ Nyamenle ɛyɛ ye Yizilayɛma Ngoanedievolɛ, kɛmɔ ye ɛwɔkɛ ne se la.

Ɛzoanvolɛma Gyima ne 13:38

Zɔhane ati mediema, bɛ muala bɛnwu ye kɛ ɔlua Gyisɛse anwo zo yɛɛ bɛlɛka ɛtanefakyɛ nwo edwɛkɛ bɛahile bɛ a; awie biala mɔɔ kɛlie ye kɛli la bɛbalie ye bɛavi ye ɛtane ne mɔ mɔɔ Mosisi mɛla ne angola anye ye anvi nu la anu.

Ɛzoanvolɛma Gyima ne 14:15

“Ayi mɔ, duzu ati a bɛlɛyɛ ɛhye mɔ ɛ? Yɛdayɛ noko yɛle menli kɛ bɛdabɛ la. Yɛrale kɛ yɛbabɔ Edwɛkpa ne nolo yeahile bɛ, amaa bɛahwe bɛ nwo bɛavi ninyɛne mgbane mgbane ɛhye mɔ mɔɔ anwo ɛnlɛ nvasoɛ la anwo, na bɛazonle tease Nyamenle ne mɔɔ bɔle anwuma, azɛlɛ, nyevile nee mɔɔ wɔ nuhua la amuala la.

Ɛzoanvolɛma Gyima ne 26:6

Kɛkala megyi ɛke kɛ bɛdi me edwɛkɛ, ɔluakɛ melɛ anyelazo wɔ Nyamenle ɛwɔkɛ ne mɔɔ ɔbɔle yɛ nlenya mɔ la anu.

Ɛzoanvolɛma Gyima ne 3:19

Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

Ɛzoanvolɛma Gyima ne 5:42

Yemɔti dahuu bɛhɔle Ɛzonlenlɛ Sua ne anu nee azua nu bɛhilehilele na bɛbɔle Edwɛkpa ne mɔɔ fane Gyisɛse anwo la nolo kɛ yemɔ a ɔle Mɛzaya ne a.

Wulo 1:2

Nyamenle luale ye kpɔmanvolɛma anwo zo vale Edwɛkpa ɛhye bɔle ɛwɔkɛ wɔ mɔmoane kpalɛ ne, kɛmɔ bɛhɛlɛ ye wɔ Nyamenle Edwɛkɛ Nwuanzanwuanza ne mɔ anu la.

Wulo 10:15

Na kɛ ɔkɛyɛ na bɛabɔ nolo ne wɔ mekɛ mɔɔ bɛtɛsoanle menli kɛ bɛhɔbɔ nolo la ɛ? Mɔɔ Nyamenle Edwɛkɛ ne ka ye wɔ nwolɛ la ɛne, “Soanvolɛma ne mɔɔ fa edwɛkɛ kpalɛ ne ara la ɛralɛ nu le kɛnlɛma na ɔyɛ nwanwane!”

Wulo 4:13

Nyamenle bɔle Ebileham ɛwɔkɛ kɛ azɛlɛ ne bayɛ ye nee ɔ bo zo amra ɛdeɛ. Nyamenle bɔle ɛwɔkɛ ɛhye, tɛ kɛ Ebileham lile mɛla ne azo la ati ɔ, na ɔliele Nyamenle ɔlile, na ɔlua zolɛ Nyamenle manle ɔzɔle ɔ nye.

Wulo 9:4

Bɛle Yizilayɛma mɔɔ le Nyamenle ɔdaye ye menli mɔɔ yeyɛ bɛ ɔ mra, yeye ye anyunlunyia yehile bɛ, ɔ nee bɛ ɛyɛ ngyekyeleɛ, na yeva ye mɛla yemaa bɛ a; bɛlɛ nɔhalɛ ɛzonlenlɛ kpalɛ ne; bɛnyia Nyamenle ɛwɔkɛ ne.

Mɛla 18:15

Ɛdɛnkɛma bɛ Nyamenle ne bamaa ye kpɔmanvolɛ mɔɔ le kɛ medame la avinde bɛ avinli. Ɔbaye ye yeavi bɛdabɛ bɛ mediema ne mɔ avinli, na yemɔ yɛɛ ɔwɔ kɛ bɛtie ye a.