Ɛzoanvolɛma Gyima ne 13:29 - BAEBOLO ANZƐƐ BULUKU NWUANZANWUANZA

²⁹ Bɛwiele debie biala mɔɔ Nyamenle Edwɛkɛ ne kile ye wɔ ɔ nwo la amuala yɛ la, bɛyele ye wɔ meanubaka ne azo na bɛziele ye.

Ɛzoanvolɛma Gyima ne 13:29 ပူးပေါင်းရင်းမြစ်များ

Edwɛkpa ne kɛmɔ Maake hɛlɛle la 15:42

Aleɛ ne bɔle ɔ nloa aze la, Dwosefi mɔɔ vi Arelematia la rale. Ɔle Ayia mgbanyima ne mɔ ko mɔɔ menli di ye eni kpalɛ a. Ɔ nye la Nyamenle Belemgbunlililɛ ne ɛralɛ adenle. Kɛmɔ kenle ne le Anwoziezielɛ Kenle, na aleɛ kye a ɔkye Ɛnwomenlelielɛ Kenle la ati, Dwosefi zile ye ahonle hɔle Paelɛte ɛkɛ ne na ɔhɔzɛlɛle ye kɛ ɔdie Gyisɛse funli ne.

Edwɛkpa ne kɛmɔ Luku hɛlɛle la 23:50

Nrenya bie wɔ ɛkɛ, bɛfɛlɛ ye Dwosefi. Ɔvi Arelematia mɔɔ wɔ Dwudiya maanzinli nu la. Nrenya ne le sonlakpalɛ, ɔdi nɔhalɛ na ɔlɛkendɛ Nyamenle Belemgbunlililɛ ne ɛralɛ. Ɔboka Ayiama ne anwo, noko yeanlie bɛ kpɔkɛbɔlɛ ne nee mɔɔ bɛyɛle la yeando nu.

Edwɛkpa ne kɛmɔ Luku hɛlɛle la 23:53

Ɔdwulale funli ne aze, ɔvale lenen ɛdanlɛ ɔkyekyele funli ne na ɔvale ye ɔdole nla bie mɔɔ bɛpɛ ye wɔ bolɛ bie anu na bɛtɛsiele awie biala nu la anu.

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Dw 19:28

Gyisɛse nwunle kɛ akee debie biala ɛli munli ɛwie. Yemɔti amaa Nyamenle Edwɛkɛ ne ayɛ nɔhalɛ la, ɔhanle kɛ, “Nzuhɔne ɛlɛku me.”

Dw 19:30

Gyisɛse liele nwanye ne na ɔhanle kɛ, “Yewie!” Akee ɔbɔle ɔ ti aze na ɔwule.

Ɛzoanvolɛma Gyima ne 13:27

Menli mɔɔ wɔ Gyɛlusalɛm nee bɛ mgbanyima ne mɔ annwu kɛ yemɔ a ɔle Ngoanedievolɛ ne a, yɛɛ bɛande Nyamenle kpɔmanvolɛma edwɛkɛ ne mɔɔ bɛkenga ye dahuu wɔ Ɛnwomenlelielɛ Kenle ne la abo. Noko bɛbule Gyisɛse ewule fɔlɛ bɛmanle Nyamenle kpɔmanvolɛma edwɛkɛ ne mɔɔ hanle la yɛle nɔhalɛ.

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 26:22

Noko Nyamenle moalɛ ti, ɛnɛ megyi ɛke metɛdi daselɛ metɛkile bɛ mgbanyinli nee bɛ ngakula muala. Mɔɔ Mosisi nee Nyamenle kpɔmanvolɛma hanle dole ɛkɛ ne kɛ ɔbazi la, yemɔ ala a le mɔɔ melɛka la.

Ɛzoanvolɛma Gyima ne 4:28

Bɛyiale nu bɛvale adwenle bɛyɛle debie biala, kɛmɔ ɛdawɔ wɔ tumi ɛhulolɛ ngyehyɛlɛ ne de la.

Ɛzoanvolɛma Gyima ne 5:30

Yɛ nlenya mɔ Nyamenle ne dwazole Gyisɛse mɔɔ bɛmɛ bɛbɔle ye meanubaka nu bɛhunle ye la vile ewule nu.

1 Kɔl 15:4

Bɛziele ye na ye kenle nsa ne azo, Nyamenle dwazole ye rale ngoane nu, kɛmɔ Nyamenle Edwɛkɛ ne se la.