Ɛzoanvolɛma Gyima ne 13:27 - BAEBOLO ANZƐƐ BULUKU NWUANZANWUANZA

²⁷ Menli mɔɔ wɔ Gyɛlusalɛm nee bɛ mgbanyima ne mɔ annwu kɛ yemɔ a ɔle Ngoanedievolɛ ne a, yɛɛ bɛande Nyamenle kpɔmanvolɛma edwɛkɛ ne mɔɔ bɛkenga ye dahuu wɔ Ɛnwomenlelielɛ Kenle ne la abo. Noko bɛbule Gyisɛse ewule fɔlɛ bɛmanle Nyamenle kpɔmanvolɛma edwɛkɛ ne mɔɔ hanle la yɛle nɔhalɛ.

Ɛzoanvolɛma Gyima ne 13:27 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:20

Bɛmɛ ɛdeɛ, ɛnee bɛkpondɛ me nee munzule, na Nyamenle kpondɛle me nee saleɛ, amaa yeara ye zɔhane na mealie menli dɔɔnwo ngoane, kɛmɔ ɛnɛ bɛde la.

Edwɛkpa ne kɛmɔ Mateyu hɛlɛle la 22:29

Gyisɛse buale bɛ kɛ, “Bɛvo kpole! Ɔboalekɛ bɛnze Nyamenle Edwɛkɛ ne anzɛɛ Nyamenle tumi ne kɛ si de la.

Edwɛkpa ne kɛmɔ Luku hɛlɛle la 22:34

Gyisɛse zele ye kɛ, “Pita, meka meahile wɔ, ɛnɛ nɔe, mɔɔ akɔlɛ kabɔ la ɛnee wɔha ye fane nsa kɛ ɛnze me.”

Edwɛkpa ne kɛmɔ Luku hɛlɛle la 23:13

Paelɛte vɛlɛle sɛlɛvolɛ mgbanyinli ne, mgbanyima ne mɔ yɛɛ ɛlɔne ne amuala manle bɛyiale,

Edwɛkpa ne kɛmɔ Luku hɛlɛle la 24:20

Yɛ sɛlɛvolɛ mgbanyinli nee mgbanyima ne mɔ yele ye manle bɛbule ye ewule fɔlɛ, na bɛbɔle ye meanubaka nu.

Dw 15:21

Bɛbayɛ bɛ ɛhye mɔ amuala ɔboalekɛ bɛmɛ, bɛle me ɛdeɛ, na ɛtane ewiade ɛnze mɔɔ zoanle me la.

Dw 16:3

Bɛbayɛ ɛhye mɔ amuala, ɔluakɛ bɛnze Selɛ ne yɛɛ bɛnze me.

Dw 5:39

Bɛmɛ, bɛsukoa Nyamenle Edwɛkɛ ne, ɔluakɛ bɛdwenle kɛ nuhua yɛɛ bɛkɛnwu ngoane mɔɔ ɛnlɛ awieleɛ ne a. Nyamenle Edwɛkɛ mumua ne ɔdaye ɔka me nwo edwɛkɛ.

Dw 8:28

Yemɔti Gyisɛse zele bɛ kɛ, “Saa bɛmaa medame Sonla Ra zo wɔ meanubaka ne azo anwuma a yɛɛ bɛkɛnwu kɛ ‘Medame a le Medame’ a; na bɛanwu kɛ menva me ngome me tumi menyɛ debie, na meka mɔɔ Selɛ ne kɛhilehile me la ala.

Ɛzoanvolɛma Gyima ne 15:21

Ɔluakɛ Mosisi mɛla ne, bɛkenga ye Ɛnwomenlelielɛ Kenle biala wɔ nyianu azua ne mɔ anu, yɛɛ ɔ nloa edwɛkɛ noko bɛbɔ ye nolo wɔ sua biala azo.”

Ɛzoanvolɛma Gyima ne 28:23

Na bɛ nee Pɔɔlo hilele kenle. Kenle ne dwule la, menli dɔɔnwo rayiale ɛleka mɔɔ Pɔɔlo de la. Na ɔhanle Nyamenle Belemgbunlililɛ ne anwo edwɛkɛ ɔhilehilele nu ɔhilele bɛ, na ɔbɔle mɔdenle kɛ ɔmaa bɛalie Gyisɛse anwo edwɛkɛ ne mɔɔ Nyamenle kpɔmanvolɛma nee Mosisi mɛla ne ka la bɛali. Ɔdendɛle ɛhye anwo ɔvi nwonlomɔ mangyee ne toonwo aledwolɛ.

Ɛzoanvolɛma Gyima ne 3:17

“Na mediema, meze kɛ mɔɔ bɛ nee bɛ mgbanyima ne mɔ yɛle Gyisɛse la, tɛ bɛ ɔ.

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

1 Kɔl 2:8

Nrɛlɛbɛ ɛhye, bɛdabɛ mɔɔ bɛsie ewiade la annwu ye, ɔluakɛ saa bɛnwunle ye a, anrɛɛ bɛambɔ anyunlunyia Awulae ne meanubaka nu.

2 Kɔl 3:14

Bɛhedale bɛ adwenle zo amgba; ɔluakɛ ɛnɛ nee ɛnɛ ala, saa bɛlɛkenga Ngyekyeleɛ Dɛba ne a, ɔle kɛ asɛɛ ɛdanlɛ ko ne ala tɛkeda zolɛ, ɔboalekɛ ɔlua Kelaese angome anwo zo ala yɛɛ bɛkola bɛye ɛdanlɛ ne a.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

1 Tem 1:13

Mekɛ bie mɔɔ ɛraze ɛhɔ la menganle munzule edwɛkɛ mentiale ye, menyɛle ye kpɔdekpɔde na menguale ɔ nyunlu aze. Na Nyamenle nwunle me anwunvɔne, ɔluakɛ ɛnee menlɛ diedi, yemɔti ɛnee menze mɔɔ melɛyɛ la.