Ɛzoanvolɛma Gyima ne 13:26 - BAEBOLO ANZƐƐ BULUKU NWUANZANWUANZA

²⁶ “Me mediema, Ebileham nlɔnra nee bɛdabɛ mɔɔ bɛnle Dwuuma na bɛsulo Nyamenle mɔɔ bɛwɔ ɛke la amuala, yɛmɛ yɛ ti yɛɛ bɛvale ngoanelielɛ nwo Edwɛkpa ɛhye bɛzoanle a!

Ɛzoanvolɛma Gyima ne 13:26 ပူးပေါင်းရင်းမြစ်များ

2 Edk 20:7

O yɛ Nyamenle, ɛdawɔ yɛɛ ɛvoanle menli mɔɔ ɛnee de azɛlɛ ye azo la ɛvile Yizilayɛma anyunlu, na ɛvale azɛlɛ ne ɛmanle ɛ gɔnwo Ebileham abo zo amra bɔkɔɔ a.

Ayezaya Buluku ne 41:8

“Na bɛmɛ Yizilayɛma, me sonvolɛ Gyekɔbo abo zo amra mɔɔ mekpa nu meye bɛ, me gɔnwo Ebileham nlɔnra,

Ayezaya Buluku ne 46:13

Memaa bɛ ngoanelielɛ kenle ne ɛbikye, ɔnle moa fee, yɛɛ ɔnrɛhyɛ na me ngoanelielɛ ne ara. Mebalie Gyɛlusalɛm na meava anyunlunyia meamaa Yizilayɛ.”

Ayezaya Buluku ne 48:1

O Gyekɔbo abo zo amra, bɛdie ɛhye, bɛfa Yizilayɛ duma bɛfɛlɛ bɛ, yɛɛ bɛle Dwuda mogya ne bie; bɛfa Ɛdɛnkɛma duma bɛka ndane, na bɛbɔ Yizilayɛ Nyamenle ne duma, noko bɛmbɔ ye nɔhalɛ nu nee fɔɔnwo zo.

Edwɛkpa ne kɛmɔ Mateyu hɛlɛle la 10:6

bɛhɔ Yizilayɛma mɔɔ ɛminli la ɛkɛ ne.

Edwɛkpa ne kɛmɔ Mateyu hɛlɛle la 3:9

Bɛmmadwenle bɛka kɛ, ‘Yɛmɛ yɛ nlenya a le Ebileham.’ Meka meahile bɛ kɛ Nyamenle kola maa awolɛ ɛhye mɔ dwazo yɛ Ebileham nlɔnra.

Edwɛkpa ne kɛmɔ Luku hɛlɛle la 1:69

Yemaa yɛ Ngoanedievolɛ kpole bie mɔɔ vi ye sonvolɛ Devidi abusua nu a.

Edwɛkpa ne kɛmɔ Luku hɛlɛle la 1:77

na wɔamaa ye menli ne anwu kɛ bɛbava bɛ ɛtane bɛahyɛ bɛ na bɛalie bɛ ngoane.

Edwɛkpa ne kɛmɔ Luku hɛlɛle la 24:47

Akee bɛbɔ ɔ bo wɔ Gyɛlusalɛm ɛke bɛva me duma bɛbɔ anlubɛnwo nolo bɛhile maanle maanle kɔsɔɔti, na saa bɛdie bɛdi a, Nyamenle ava bɛ ɛtane ahyɛ bɛ.

Dw 6:68

Saemɔn Pita buale ye kɛ, “Awulae, nwane ɛkɛ a yɛkɔ a? Wɔmɔ a ɛlɛ edwɛkɛ mɔɔ maa ngoane mɔɔ ɛnlɛ awieleɛ a.

Ɛzoanvolɛma Gyima ne 10:2

Ɔle sonla mɔɔ sulo Nyamenle a, yɛɛ ɔ nee ye sua nu amra amuala bɛsonle Nyamenle. Ɔ sa do Dwuuma ehyianvolɛma anwo zo, yɛɛ ɔnva ye nzɛlɛlɛ wɔ Nyamenle anyunlu ɔndo aze.

Ɛzoanvolɛma Gyima ne 10:35

Awie biala mɔɔ sulo ye na ɔdi boɛ la ɔdie ye ɔto nu, yɛɛ ɔnnea ɛleka mɔɔ ɔvi nee maanle holɛ ko mɔɔ ɔvi nu la.

Ɛzoanvolɛma Gyima ne 13:43

Nzinlii mɔɔ bɛkpɔnenle la, Dwuuma nee bɛdabɛ mɔɔ bɛnle Dwuuma mɔɔ boka Dwuuma Nyamenlezonlenlɛ ne anwo la dɔɔnwo doale Pɔɔlo nee Baanabase, na ɛzoanvolɛma ne zile bɛ ahonle kɛ bɛzɔ Nyamenle ɛlolɛ ne anu kpundii.

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 16:17

Ɔdoale yɛ nee Pɔɔlo na ɔlile yɛ nzi ɔdeɛdeanle nu kɛ, “Anwuma Anwuma Nyamenle ne sonvolɛma, mɔɔ bɔ ngoanelielɛ adenle ne anwo nolo la ɛne!”

Ɛzoanvolɛma Gyima ne 22:5

Sɛlɛvolɛ Kpanyinli ne nee ayia mgbanyima ne mɔ amuala di daselɛ kɛ mɔɔ melɛka la le nɔhalɛ. Menliele ngɛlata wɔ bɛ lɔ kɛ melɛ mekamaa mediema Dwuuma mɔɔ wɔ Dɛmasekɛse la. Na menzile nu kɛ mekahye menli ɛhye mɔ meagua bɛ anga na meava bɛ meara Gyɛlusalɛm, amaa bɛadea bɛ, kɛmɔ ɔfɛta la.

Ɛzoanvolɛma Gyima ne 28:28

Akee Pɔɔlo dwulale ye edwɛkɛ ne zɛhae, “Yemɔti bɛnwu ye kɛ bɛlɛ Nyamenle ngoanelielɛ nwo nrɛlaleɛ ne bɛkamaa bɛdabɛ mɔɔ bɛnle Dwuuma la, na bɛbadie!” [

Ɛzoanvolɛma Gyima ne 3:26

Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

Ɛzoanvolɛma Gyima ne 4:12

Ɔ nwo zo yɛɛ yɛlua a yɛkɛnyia ngoane a, ɔluakɛ awie bieko ɛnle aleɛabo mɔɔ Nyamenle ɛva ye duma ɛmaa mɔɔ yɛdua ɔ nwo zo a yɛkɛnyia ngoane a.”

Ɛzoanvolɛma Gyima ne 5:20

“Bɛhɔ Ɛzonlenlɛ Sua ne anu na bɛhɔha ngoane fofolɛ ɛhye anwo edwɛkɛ bɛhile menli kɔsɔɔti.”

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:13

Bɛdabɛ noko, kɛmɔ bɛdele nɔhalɛ edwɛkɛ ne, mɔɔ le Edwɛkpa ne mɔɔ vale ngoanelielɛ rɛlɛle bɛ, na bɛliele Kelaese bɛlile la ati, Nyamenle vale ye Sunsum Nwuanzanwuanza ne, mɔɔ ɔvale ɔbɔle ɛwɔkɛ la ɔmanle bɛ, ɔvale ɔyɛle bɛ nzonlɛ kɛ bɛle ye menli.

Kɔlɔ 1:5

ɔboalekɛ bɛlɛ anyelazo bie mɔɔ bɛ sa baha ye wɔ anwuma a. Anyelazo ɛhye a bɛdele nwolɛ edwɛkɛ alumua ne, wɔ mekɛ mɔɔ bɛvale Edwɛkpa ne bɛrɛlɛle bɛ la.