Ɛzoanvolɛma Gyima ne 13:23 - BAEBOLO ANZƐƐ BULUKU NWUANZANWUANZA

²³ Devidi ɛhye alɔnra a le Gyisɛse mɔɔ Nyamenle ɛyɛ ye Yizilayɛma Ngoanedievolɛ, kɛmɔ ye ɛwɔkɛ ne se la.

Ɛzoanvolɛma Gyima ne 13:23 ပူးပေါင်းရင်းမြစ်များ

2 Sam 7:12

Saa mekɛ dwu na ɛsia ɛkɔ wɔ ɛkɛla nzi, na bɛwula wɔ mrɛlatɛlɛ nu wɔ wɔ mgbanyinli avinli a, mebakpogya ɛ bo zo amra ne mɔ ko zo na meakyekye ye belemgbunli maanle ne kpundii meamaa ye.

Edwɛndolɛ Buluku ne 132:11

Ɛdɛnkɛma bɔle Devidi ɛwɔkɛ, na ɔnrɛhakyi ɔ nloa ɛlɛ. Ɔse, “Ɛ mra mrenya ne mɔ mɔɔ wɔwo bɛ la anu ko yɛɛ mebava meazie wɔ ebia ne azo a.

Ayezaya Buluku ne 11:1

Gyɛsi dosinli ne (Belemgbunli Devidi), bakpuke ɛnyelɛ wɔ ye ndinli ne mɔ anu anyi ayɛ Baka Ɛhane.

Ayezaya Buluku ne 11:10

Mekɛ ne anu Belemgbunli Devidi abo zo sonla ne bagyinla kɛ sɛkɛlɛneɛ la yeamaa maanle maanle. Maanle maanle bakpondɛ ye, na ɛleka mɔɔ ɔde la bayɛ anyelielɛ.

Ayezaya Buluku ne 43:11

“Medame, medame ala a mele Ɛdɛnkɛma a, ɛye me a dievolɛ bieko ɛnle ɛkɛ.

Ayezaya Buluku ne 45:21

Bɛha bɛ tendile ne bɛdo gua; bɛ muala bɛva adwenle! Nwane a dɛbadɛba ne hanle ɛhye a? Nwane a vale dole gua wɔ mɔmoane a? Medame Ɛdɛnkɛma a menganle a, yɛɛ ɛye me a nyamenle bieko ɛnle ɛkɛ. Mele Nyamenle tenlene yɛɛ medie ngoane, ɛye me a bieko ɛnle ɛkɛ.

Ayezaya Buluku ne 7:13

Ayezaya buale ye kɛ, “Ɛnee bɛmɛ Devidi abo zo amra, bɛdie! Bɛdwenle kɛ ɔle nzɛmedɛ kɛ bɛkɛgyegye menli, mɔɔ yemɔti bɛlɛgyegye me Nyamenle ɔdaye noko a?

Gyɛlɛmaya Buluku ne 30:9

Bɛbazonle medame, Ɛdɛnkɛma bɛ Nyamenle ne, nee Devidi abo zo sonla ne mɔɔ mebaye ye meamaa bɛ kɛ ɔli belemgbunli la.

Emɔzo Buluku ne 9:11

Ɛdɛnkɛma se, “Mekɛ ɛlɛba mɔɔ mebava Devidi belemgbunli maanle ne mɔɔ ɛtete kɛ sua mɔɔ ɛyɛ kpasakpasa la gyinlabelɛ ne meamaa ye bieko. Mebalie ye bane ne mɔ fofolɛ meazie bɛ bo zo ne mɔ, na meakyekye maanle ne fofolɛ meayɛ ye kɛ ye dɛba ne ala la.

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Edwɛkpa ne kɛmɔ Mateyu hɛlɛle la 1:1

Gyisɛse Kelaese abusua ɛlɔnwɔne ne ɛne. Gyisɛse le Devidi angabɛnzo yɛɛ Devidi le Ebileham alɔnra.

Edwɛkpa ne kɛmɔ Mateyu hɛlɛle la 1:21

Ɔbawo ralɛ nrenya na wɔado ye duma Gyisɛse, ɔboalekɛ ɔbalie ye menli ne yeavi bɛ ɛtane nu.”

Edwɛkpa ne kɛmɔ Mateyu hɛlɛle la 21:9

Na menli dɔɔnwo ne mɔɔ li ɔ nyunlu nee ɔ nzi la deɛdeanle nuhua kɛ, “Ayɛlɛyelɛ ɛha Devidi Ara ne! Nyamenle ɛyila mɔɔ lua Awulae duma nu ɛlɛba la! Bɛye Nyamenle ayɛlɛ!”

Edwɛkpa ne kɛmɔ Mateyu hɛlɛle la 22:42

“Kɛ bɛsi bɛdwenle Mɛzaya ne anwo ɛ? Nwane dehelɛ ɔ?” Bɛbuale kɛ, “Devidi dehelɛ ɔ.”

Edwɛkpa ne kɛmɔ Luku hɛlɛle la 1:69

Yemaa yɛ Ngoanedievolɛ kpole bie mɔɔ vi ye sonvolɛ Devidi abusua nu a.

Dw 4:42

na bɛhanle bɛhilele raalɛ ne kɛ, “Kɛkala, tɛ mɔɔ ɛhanle la ati yɛɛ ɛmaa yɛlie ye yɛli a. Yɛlie ye yɛli, ɔluakɛ yɛdayɛ noko yɛde ɔ nloa edwɛkɛ yɛ nzo nu na yɛnwu kɛ amgba yemɔ a ɔle ewiade Ngoanedievolɛ ne a.”

Dw 7:42

Nyamenle Edwɛkɛ ne se Mɛzaya ne bayɛ Belemgbunli Devidi dehelɛ, yɛɛ bɛbawo ye wɔ Bɛtelɛhɛm, ɛleka mɔɔ Devidi dɛnlanle la.”

Ɛzoanvolɛma Gyima ne 13:32

Na yɛdayɛ noko yɛra ɛke kɛ yɛfa Edwɛkpa ne yɛarɛlɛ bɛ kɛ, Nyamenle ɛwɔkɛ ne mɔɔ ɔbɔle yɛ nlenya mɔ la, yelua Gyisɛse mɔɔ yedwazo ye yera ngoane nu la anwo zo yeyɛ yemaa yɛmɛ mɔɔ yɛle bɛ nlɔnra la. Edwɛndolɛ ne mɔɔ tɔ zolɛ nwiɔ la se, ‘Wɔmɔ, ɛle me ra; ɛnɛ merayɛ ɛ ze.’

Ɛzoanvolɛma Gyima ne 2:30

Ɔle Nyamenle kpɔmanvolɛ yɛɛ ɔze ɛwɔkɛ mɔɔ Nyamenle ɛbɔ ye a: Nyamenle hanle ndane dole zolɛ kɛ ɔbamaa Devidi abo zo amra ne bie ali belemgbunli kɛ ɔdaye Devidi la.

Ɛzoanvolɛma Gyima ne 3:26

Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

Ɛzoanvolɛma Gyima ne 4:12

Ɔ nwo zo yɛɛ yɛlua a yɛkɛnyia ngoane a, ɔluakɛ awie bieko ɛnle aleɛabo mɔɔ Nyamenle ɛva ye duma ɛmaa mɔɔ yɛdua ɔ nwo zo a yɛkɛnyia ngoane a.”

Wulo 1:3

Edwɛkpa ɛhye fane ɔ Ra ne, mɔɔ le yɛ Awulae Gyisɛse Kelaese, mɔɔ saa nwonane nu a ɔle Devidi anlɔnra,

Wulo 11:26

Na ɛhye bamaa Yizilayɛma amuala anyia ngoane, kɛmɔ Nyamenle Edwɛkɛ ne se la. Ɔse, “Ngoanedievolɛ ne vi Zayɔn bara, na yearaye amumuyɛ muala yeavi Gyekɔbo nlɔnra ne mɔ anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:4

Melɛkɛlɛ wɔ, Taetɛse, mɔɔ ɛle me ra kpalɛ la wɔ diedi ne mɔɔ yɛlɛ nu la ati. Egya Nyamenle nee Kelaese Gyisɛse, yɛ Ngoanedievolɛ ne ɛlo wɔ na ɔmaa wɔ anzonudwolɛ.

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.

2 Pit 1:11

Zɛhae nyɛleɛ zo ala yɛɛ bɛlua a bɛkɛnyia yɛ Awulae nee Dievolɛ Gyisɛse Kelaese belemgbunlililɛ ne mɔɔ ɛmbɔ aze ɛlɛ la a.

2 Pit 2:20

Ɔluakɛ saa menli nwu yɛ Awulae nee Dievolɛ Kelaese Gyisɛse, na ɔlua ɔ ti bɛfi ewiade ninyɛndane nu na eza bɛsia bɛ nzi bɛmaa ninyɛne zɔhane mɔ fo bɛ nwo zo a, ɛnee noko bɛ gyakɔ; bɛbazɛkye kpalɛ wɔ awieleɛ ne bɛadɛla alumua ne.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

2 Pit 3:2

amaa bɛadwenle edwɛkɛ mɔɔ Nyamenle kpɔmanvolɛma nwuanzanwuanza ne mɔ ɛha ɛdo ɛkɛ ne nee Awulae Dievolɛ ne ngyehyɛlɛ mɔɔ ɛzoanvolɛma ne mɔ ɛva ɛmaa bɛ la anwo.

1 Dw 4:14

Yɛnwu ye yɛɛ yɛdi daselɛ kɛ Selɛ ne ɛzoa ɔ Ra ne kɛ yemɔ a ɔle ɛtane ewiade ye amra ngoanedievolɛ a.

Dwuudu Kɛlata ne 1:25

Nyamenle kokye ne mɔɔ le yɛ Ngoanedievolɛ ne, yemɔ yɛɛ anyunlunyia, belemgbunlililɛ, kpoleyɛlɛ, nee tumi ɛlua yɛ Awulae Gyisɛse Kelaese anwo zo ɛyɛ ye ɛdeɛ wɔ ɛnɛ nee mekɛ mɔɔ ɛnlɛ awieleɛ la a! Amen.

Yekile 22:16

“Medame Gyisɛse, yɛɛ mezoa me soanvolɛ kɛ ɔrabɔ ɛhye mɔ nolo ɔhile bɛ wɔ asɔne ne mɔ ati a. Mele Devidi anlɔnra; mame a mele nwonlomɔ ɛwɔlɔra ne mɔɔ ta kpole la a.”