Ɛzoanvolɛma Gyima ne 13:22 - BAEBOLO ANZƐƐ BULUKU NWUANZANWUANZA

²² Mɔɔ Nyamenle yele ye ɛkɛ ne la, ɔyɛle Devidi bɛ belemgbunli. Na Nyamenle hanle ɔ nwo edwɛkɛ kɛ, ‘Menwu Gyɛsi ara Devidi kɛ yemɔ a ɔle sonla mɔɔ sɔ me nye a, na yemɔ a ɔbali gyima mɔɔ mekpondɛ la amuala a.’

Ɛzoanvolɛma Gyima ne 13:22 ပူးပေါင်းရင်းမြစ်များ

2 Sam 2:4

Na Dwudama rale raziele Devidi belemgbunli. Devidi dele kɛ Gyeebɛhyema mɔɔ wɔ Geleade la ɛzie Sɔɔlo la,

2 Sam 7:15

Menrɛye me nye ɔ nwo zo, kɛmɔ menyele menvile Sɔɔlo anwo zo la, menvale ye menziele ahane, amaa wɔali belemgbunli la.

2 Sam 7:8

“Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

1 Arl 15:3

Ɔvale ɔ ze agyakɛ na ɔyɛle ɛtane mɔɔ ɔ ze yɛle la amuala bie. Yeanli Ɛdɛnkɛma ye Nyamenle ne mɛla zo nɔhalɛ nu, kɛmɔ ɔ nlenya Devidi lile la.

1 Arl 15:5

Ɔboalekɛ Devidi nyɛleɛ zɔle Ɛdɛnkɛma anye yɛɛ ɔyɛle debie biala mɔɔ Ɛdɛnkɛma zele ye la. Ɛleka mɔɔ ɔvonle la a le edwɛkɛ ne mɔɔ fane Hɛtenli Yulaya anwo la ala.

1 Edk 10:13

Sɔɔlo wule, ɔboalekɛ yeanli nɔhalɛ yeammaa Ɛdɛnkɛma. Yeanli Ɛdɛnkɛma mɛla ne mɔ azo, yɛɛ eza ɔbizale moalɛ ɔvile mɔwuamra lɔ.

1 Edk 2:12

Obɛde, yɛɛ Gyɛsi.

Edwɛndolɛ Buluku ne 2:6

Ɔse, “Wɔ Zayɔn, me boka nwuanzanwuanza ne azo, yɛɛ mezie me belemgbunli ne a.”

Gyɛlɛmaya Buluku ne 33:21

ɛnee noko awie kola sɛkye ngyekyeleɛ mɔɔ wɔ me nee me sonvolɛ Devidi avinli la, amaa yeannyia ɔ bo zo sonla andɛnla ye belemgbunli ebia ne azo. Zɔhane ala yɛɛ ɛnee awie kɛhola kɛzɛkye ngyekyeleɛ mɔɔ wɔ me nee me sɛlɛvolɛma mɔɔ le Livae abo zo amra avinli la, na ɔnrɛmaa bɛnrɛzonle me a.

Gyɛlɛmaya Buluku ne 33:26

ɛnee mebakpo Gyekɔbo nee me sonvolɛ Devidi abo zo amra ne mɔ, yɛɛ menrɛmaa Devidi abo zo sonla ɛnrɛzie Ebileham, Ayezeke, yɛɛ Gyekɔbo abo zo amra. Ɔluakɛ mebaze bɛ anwunvɔne na meamaa bɛakpazi.”

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Hozia Buluku ne 3:5

Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Ɛzoanvolɛma Gyima ne 13:36

Devidi zonlenle ye Nyamenle wɔ ye mekɛ zo na ɔwule, bɛziele ye wɔ ɔ nlenya mɔ avinli, na ɔkpɔlɔle.

Ɛzoanvolɛma Gyima ne 15:8

Na Nyamenle mɔɔ ze sonla ahonle nu la hilele kɛ yelie bɛdabɛ mɔɔ bɛnle Dwuuma la noko, na ɔmanle bɛ Sunsum Nwuanzanwuanza ne bie, kɛmɔ ɔvale ɔmanle yɛdayɛ ala la.

Ɛzoanvolɛma Gyima ne 7:46

Nyamenle anye zɔle Devidi na Devidi zɛlɛle Nyamenle kɛ ɔmaa ye adenle ɔmaa ɔzi sua ɔmaa Gyekɔbo Nyamenle ne.

1 Sam 12:25

Na saa bɛandie na bɛyɛ ninyɛndane a, ɔbazɛkye bɛ nee bɛ belemgbunli ne bɔkɔɔ.”

1 Sam 15:11

ɔluakɛ yehakyi ɔ nzi yezi me. Yeanli me mɛla ne mɔ azo.” Samoɛle vale ɛya, na ɔzɛlɛle Ɛdɛnkɛma nɔe ne toonwo alehyenlɛ.

1 Sam 15:23

Atuadelɛ le kɛ mizemiza ɛtaneyɛlɛ, yɛɛ anzosesebɛ le ɛtane kɛ amumuyɛ ɛyɛlɛ nee awozonle ɛzonlenlɛ. Kɛmɔ wɔkpo Ɛdɛnkɛma edwɛkɛ ne la, ɔdaye noko yekpo wɔ kɛ ɛnle belemgbunli.”

1 Sam 15:26

Na Samoɛle zele Sɔɔlo kɛ, “Me nee wɔ ɛnrɛhɔ, ɔluakɛ wɔkpo Ɛdɛnkɛma anloa edwɛkɛ, na ɔdaye noko yekpo wɔ kɛ ɛnle Yizilayɛma belemgbunli bieko.”

1 Sam 15:28

Na Samoɛle zele ye kɛ, “Ɛdɛnkɛma ɛza wɔ ɛlie Yizilayɛ belemgbunlililɛ ne ɛvi ɛ sa nu ɛnɛ na yeva yemaa sonla mɔɔ le kpalɛ tɛla wɔ la.

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 16:13

Samoɛle vale ɔlivi nwole ɛweɛne ko ne na ɔwolale ɔguale ɔ ti zo wɔ ɔ mediema ne mɔ anyunlu ɛkɛ. Ɛkɛ ne ala Ɛdɛnkɛma Sunsum ne dwule Devidi anwo zo na ɔvi mekɛ ne anu ɔhale ɔ nwo bɔkɔɔ. Na Samoɛle ziale hɔle Releema.

1 Sam 28:16

Na Samoɛle zele kɛ, “Duzu ati a ɔwɔ kɛ ɛfɛlɛ me, wɔ mekɛ mɔɔ Ɛdɛnkɛma mumua ne ɛhakyi ɔ nzi ɛzi wɔ na yeyɛ wɔ kpɔvolɛ la a?

1 Sam 31:6

Ɛnee kɛ Sɔɔlo, ɔ mra mrenya nsa ne nee kpavolɛ ne mɔɔ soa Sɔɔlo konle ninyɛne ne la zile wule la ɛne. Sɔɔlo ɛlɔnema ne kɔsɔɔti wule konle ne anu kenle ko ne.