Ɛzoanvolɛma Gyima ne 13:21 - BAEBOLO ANZƐƐ BULUKU NWUANZANWUANZA

²¹ Akee bɛbizale kɛ Nyamenle ɛmaa bɛ belemgbunli, yemɔti Nyamenle manle bɛvale Sɔɔlo mɔɔ le Kehye ara nrenya ne mɔɔ vi Bɛngyaman abusua nu la bɛyɛle bɛ belemgbunli ɛvolɛ abulanla.

Ɛzoanvolɛma Gyima ne 13:21 ပူးပေါင်းရင်းမြစ်များ

1 Sam 10:1

Akee Samoɛle vale dwora mɔɔ nwole wɔ nu la, ɔwolale ɔguale Sɔɔlo ati zo, ɔvole ɔ nvoka anwo na ɔzele kɛ, “Ɛdɛnkɛma ɛye wɔ kɛ ɛzie ye menli Yizilayɛma. Ɛbazie bɛ na wɔalie bɛ wɔavi bɛ kpɔvolɛma asa anu. Na ɛhye a le sɛkɛlɛneɛ mɔɔ bahile kɛ Ɛdɛnkɛma ɛye wɔ kɛ ɛzie ye menli ne la a.

1 Sam 11:15

Yemɔti bɛ kɔsɔɔti bɛhɔle Gelegale bɛhɔziele Sɔɔlo belemgbunli wɔ Ɛdɛnkɛma anyunlu. Bɛbɔle anzonudwolɛ azu bɛmanle Ɛdɛnkɛma wɔ ɛkɛ ne. Na Sɔɔlo nee menli ne kɔsɔɔti lile fɛlɛko.

1 Sam 15:1

Samoɛle zele Sɔɔlo kɛ, “Ɛdɛnkɛma zoanle me manle memkpokpale wɔ nwole menziele wɔ Yizilayɛma belemgbunli, zɔhane ati tie Ɛdɛnkɛma nrɛlaleɛ ne.

1 Sam 8:5

Na bɛzele ye kɛ, “Nea, wɔyɛ kpanyinli yɛɛ ɛ mra ne mɔ noko anva ɛ gyakɛ. Yemɔti ye sonla maa ɔli yɛ belemgbunli, kɛmɔ maanle gyɛne gyɛne ne mɔ yɛ ye la.”

1 Sam 9:1

Nrenya sukoavolɛ bie wɔ ɛkɛ. Bɛfɛlɛ ye Kehye, ɔvi Bɛngyaman abusua ekpunli ne anu. Ɔ ze a le Abayɛle. Abayɛle ɔ ze a le Zilɔ, Zilɔ ɔ ze a le Bɛkɔla, yɛɛ Bɛkɔla ɔ ze a le Afaya.

1 Sam 9:15

Kenle mɔɔ aleɛ kye a Sɔɔlo kɛra la, Ɛdɛnkɛma yele hilele Samoɛle kɛ,