Ɛzoanvolɛma Gyima ne 13:19 - BAEBOLO ANZƐƐ BULUKU NWUANZANWUANZA

¹⁹ Wɔ Keena noko, Nyamenle zɛkyele maanle maanle nsuu na ɔvale bɛ azɛlɛ ne ɔmanle ye menli ne mɔ.

Ɛzoanvolɛma Gyima ne 13:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:5

Na ɔvale ɔ ye Sɛleeyae, ɔ diema nrenya ara Lɔɔto, yɛɛ bɛ nwo ninyɛne kɔsɔɔti mɔɔ bɛlɛ, nee menli mɔɔ bɛnyia bɛ wɔ Hɛlan la amuala, na bɛzile nu kɛ bɛkɔ Keena azɛlɛ zo. Bɛhɔdwule Keena azɛlɛ zo la,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:8

Na mebava azɛlɛ ne mɔɔ ɛlɛkpɔsakpɔsa zolɛ la meamaa wɔ nee ɛ bo zo amra. Bɛbava Keena azɛlɛ ne kɔsɔɔti bɛayɛ bɛ ɛdeɛ, na mebayɛ bɛ Nyamenle.”

1 Arl 6:1

Yizilayɛma vile Yigyibiti la, ye ɛvolɛ ɛya nna abulatwɛ ne azo mɔɔ ɛnee Sɔlɔmɔn ɛli ɛvolɛ nna wɔ ebia zo la, ɛvolɛ ne anu siane nwiɔ ne mɔɔ bɛfɛlɛ ye “Zive” la anu yɛɛ Sɔlɔmɔn bɔle ɔ bo kɛ ɔsi Ɛdɛnkɛma Ɛzonlenlɛ Sua ne a.

Nihɛmaya Buluku ne 9:24

Bɛlile Keenama anwo zo konim bɛvale azɛlɛ ne, ɛvole menli mɔɔ wɔ ɛkɛ ne la akɔme zo; ɛmanle wɔ menli ne tumi bɛvale Keena arelemgbunli nee menli bɛyɛle mɔɔ bɛdabɛ bɛkulo la.

Edwɛndolɛ Buluku ne 135:11

Amɔle Belemgbunli Saehɔn, yɛɛ Beehyan Belemgbunli Ɔɔgo, na ɔzɛkyele Keena arelemgbunli maanle ne mɔ a.

Edwɛndolɛ Buluku ne 78:55

Ɔvoanle maanle maanle ɔvile bɛ nye zo; ɔhyɛle azɛlɛ ne ɔmanle bɛvale bɛyɛle bɛ ɛdeɛ, na ɔmanle Yizilayɛma dɛnlanle bɛ azua ne mɔ anu.

Ayezaya Buluku ne 34:17

Ɛdɛnkɛma ɔdaye a yegua bɛ ti nzeleba yeye bɛ a. Yehyɛ azɛlɛ ne yemaa bɛ na yegya biala ɛweɛne. Bɛbava bɛayɛ bɛ ɛdeɛ dahuu, na bɛbadɛnla ɛkɛ ne ɔvi awolɛndoazo kɔdwu awolɛndoazo.

Ɛzoanvolɛma Gyima ne 7:45

Nzinlii yɛ nlenya mɔ vale Ɛdanlɛ Sua ne mɔɔ bɛliele ye bɛ ze mɔ ɛkɛ ne la lile bɛ nyunlu na bɛ nee Dwɔhyua hɔle bɛhɔhonle bɛvale maanle maanle mɔɔ Nyamenle manle bɛlile bɛ nwo zo konim la. Na ɔwoale bɛ nwo ɛkɛ ne toonwo ɔradwule Devidi mekɛ zo.

Mɛla 7:1

“Ɛdɛnkɛma bɛ Nyamenle ne bava bɛ adwu azɛlɛ ne mɔɔ bɛlɛkɔ bɛahɔva bɛayɛ bɛ ɛdeɛ la azo, na yeavoa maanle maanle dɔɔnwo yeamaa bɛ. Ɔbavoa maanle mgbole nsuu mɔɔ anwo yɛ se tɛla bɛ la yeavi bɛ nye zo. Maanle ne mɔ a lɛ Hɛtema, Gɛgahyema, Amɔlema, Keenama, Pɛlɛzema, Haevaema, yɛɛ Gyibɛsema.

Dwɔhyua Buluku ne 14:1

Akee kɛ bɛzile bɛhyɛle Keena azɛlɛ ne mɔɔ wɔ Dwɔdan Adɔleɛ bɛmanle Yizilayɛma la ɛne. Sɛlɛvolɛ Ɛlieza nee Nɛn ara Dwɔhyua yɛɛ Yizilayɛ mbusua ekpunli ekpunli ne anu mgbanyima mɔɔ gyigyi bɛ ti la a hyɛle azɛlɛ ne manle Yizilayɛma a.

Dwɔhyua Buluku ne 18:10

Dwɔhyua guale nzeleba bizale nwolɛ manle bɛ, ɔhyɛle azɛlɛ ne ɔmanle mbusua ekpunli nsuu ne mɔ mɔɔ hale la.

Dwɔhyua Buluku ne 19:51

Sɛlɛvolɛ Ɛlieza nee Nɛn ara Dwɔhyua nee mgbanyinli mɔɔ gyigyi Yizilayɛ mbusua ekpunli ekpunli ne mɔ ati la vale awolɛ guale nzeleba bizale Ɛdɛnkɛma kɛ bɛzi bɛhyɛ azɛlɛ ne la, wɔ Hyaelo. Bɛyɛle ɛhye wɔ Ɛdɛnkɛma Ndanlɛ Sua ne anlenkɛ ne anyunlu bɛhyɛle azɛlɛ ne. Adenle mɔɔ bɛluale nu bɛhyɛle azɛlɛ ne la ɛne.

Dwɔhyua Buluku ne 23:4

Mehyɛ azɛlɛ ne mɔɔ maanle maanle mɔɔ yɛtɛtule bɛ la de zolɛ la, nee maanle maanle mɔɔ ɛbɔ ye Azule Dwɔdan aduduleɛ toonwo mɔɔ kɔgua Mɛdetɛlenia Nyevile ne anu mɔɔ meli bɛ nwo zo konim la memaa bɛ, memaa abusua ekpunli ko biala ɛnyia bie.

Dwɔhyua Buluku ne 24:11

Bɛpɛle Azule Dwɔdan ne bɛrale Gyɛleko. Gyɛlekoma nee bɛ honle; zɔhane ala yɛɛ Amɔlema, Pɛlɛzema, Keenama, Hɛtema, Gɛgahyema, Haevaema, yɛɛ Gyibɛsema noko nee bɛ honle a. Na memanle bɛlile bɛ muala bɛ nwo zo konim.

Maanlebuvolɛma Buluku ne 11:26

Ɛvolɛ ɛya nsa mɔɔ ɛze ɛhɔ, mɔɔ Yizilayɛma radɛnlanle Hɛhyebɔn nee namunamu mɔɔ zuozua ye, Alowɛ nee namunamu mɔɔ zuozua ye, yɛɛ azuamgbole mɔɔ gua Azule Aanɔn bɛne nee fema la, duzu ati yɛɛ bɛangɔndu bɛ bɛanlie azɛlɛ ne a?