Ɛzoanvolɛma Gyima ne 13:17 - BAEBOLO ANZƐƐ BULUKU NWUANZANWUANZA

¹⁷ Yizilayɛ Nyamenle ne kpale nu yele yɛ nlenya mɔ na ɔyɛle bɛ ɛlɔne kpole wɔ mekɛ mɔɔ ɛnee bɛle nyɛvolɛ bɔbɔ wɔ Yigyibiti azɛlɛ zo la. Nyamenle vale ye tumi kpole ne yele bɛ vile Yigyibiti azɛlɛ zo,

Ɛzoanvolɛma Gyima ne 13:17 ပူးပေါင်းရင်းမြစ်များ

Edwɛndolɛ Buluku ne 135:4

Ɔluakɛ Ɛdɛnkɛma ɛkpa nu ɛye Gyekɔbo ɛmaa ɔ nwo, yeva Yizilayɛ yeyɛ ye ɛdeɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:51

Na kenle ko zɔhane, Ɛdɛnkɛma yele Yizilayɛma ɛwolaa ne vile Yigyibiti azɛlɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:14

Saa kenle bie bɛ mra biza bɛ kɛ, ‘Ɛhye abo a le duzu?’ a, bɛha bɛhile bɛ kɛ, ‘Ɛdɛnkɛma vale tumi kpole a yele yɛ vile Yigyibiti wɔ akɛlɛzonlenlɛ nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:16

Ɔbayɛ ngakyedeɛ nee sɛkɛlɛneɛ yeamaa bɛ wɔ bɛ sa anwo anzɛɛ bɛ nwoma azo; ɔluakɛ Ɛdɛnkɛma vale tumi kpole a yele yɛ vile Yigyibiti a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:8

Ɛdɛnkɛma manle Yigyibiti belemgbunli ne ahonle yɛle se. Ɔbulule debie biala azo na ɔdoale Yizilayɛma wɔ mekɛ mɔɔ ɛnee bɛlua adenle nu konimlilɛ nu bɛlɛkɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:11

Na kɛkala, menwu kɛ Ɛdɛnkɛma le kpole tɛla nyamenle biala, ɔboalekɛ ɔliele menli ne ɔvile Yigyibitima asa anu wɔ mekɛ mɔɔ ɛnee bɛlɛyɛ bɛ mgbane mgbane la.”

Ayezaya Buluku ne 44:1

Ɛdɛnkɛma se, “Yizilayɛma, me sonvolɛma, bɛdie, Gyekɔbo abo zo amra mɔɔ mekpa nu meye bɛ a!

Emɔzo Buluku ne 2:10

Eza menyele bɛ menvile Yigyibiti azɛlɛ zo, na menlile bɛ nyunlu wɔ fienemgbole ne anu toonwo ɛvolɛ abulanla, na menvale Amɔlema azɛlɛ ne memanle bɛ, memanle bɛvale bɛyɛle bɛ ti anwo ɛdeɛ.

Maeka Buluku ne 6:4

Ɔluakɛ me nee bɛ vi Yigyibiti azɛlɛ zo a rale a, memkpɔnenle bɛ menvile akɛlɛzonlenlɛ nu. Memanle Mosisi, Aalɔn, yɛɛ Meleam a lile bɛ ti a.

Mɛla 10:22

Bɛ nlenya mɔ kɔ Yigyibiti la, bɛlua menli abulasuu. Na ɛnɛ noko ɛ? Ɛdɛnkɛma bɛ Nyamenle ne ɛmaa bɛ nwo ɛzo bɛyɛ dɔɔnwo kɛ anwomanyunlu nwɔlɔra.

Mɛla 14:2

Ɔluakɛ bɛle Ɛdɛnkɛma bɛ Nyamenle ne menli mɔɔ anwo te a. Ɛdɛnkɛma ɛkpa nu ɛye bɛ wɔ menli kɔsɔɔti mɔɔ wɔ ewiade la avinli kɛ ɔdaye ye menli a le bɛ.

Mɛla 4:20

Na bɛmɛ, Ɛdɛnkɛma ɛva bɛ na yeye bɛ yevi Yigyibiti bulalɛ fonlomo gɔhyee ne anu kɛ bɛrayɛ ɔdaye ye menli, kɛmɔ bɛde ɛnɛ la.

Mɛla 4:34

Anzɛɛ saa nyamenle bie wɔ ɛkɛ ne, mɔɔ ɔdaye yezi ɔ kɛnra na yeyɛ kɛ ɔkava maanle bie wɔ maanle bie avinli yeayɛ ye ɔdaye ye maanle, na yeva ngyegyelɛ sɛkɛlɛneɛ, nwanwane nyɛleɛ, konle nee tumi kpole nee ɛzulolɛ yeyɛ, kɛmɔ Ɛdɛnkɛma bɛ Nyamenle yɛle wɔ Yigyibiti manle bɛdabɛ bɛnwunle ye la a.

Mɛla 4:37

Kɛmɔ ɔhulole bɛ ze mɔ na ɔkpale nu ɔyele bɛ nee bɛ bo zo amra la ati, ɔyele ɔ nyunlu ɔvale tumi kpole ɔyele bɛ ɔvile Yigyibiti.

Mɛla 7:19

Ɔgyegyele bɛ dɔɔnwo mɔɔ bɛdabɛ bɛnwunle ye a. Nwanwane ninyɛne nee sɛkɛlɛneɛ mgbole, yɛɛ tumi kpole yɛɛ Ɛdɛnkɛma bɛ Nyamenle ne vale yele bɛ a. Na zɔhane ala yɛɛ Ɛdɛnkɛma bɛ Nyamenle ne bava ayɛ menli mɔɔ bɛsulo bɛ la a.

Mɛla 9:5

Tɛ bɛ tenleneyɛlɛ anzɛɛ bɛ boɛ mɔɔ bɛdi la ati yɛɛ Ɛdɛnkɛma bɛ Nyamenle ne ɛlɛtu bɛ a, na amaa ye ɛwɔkɛ ne mɔɔ ɔbɔle bɛ ze mɔ Ebileham, Ayezeke, nee Gyekɔbo la ali munli la ati ɔ.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

1 Sam 4:8

Yɛwie! Nwane a kɛhola kɛlie yɛ kɛvi nyamenle anwo ɛzulolɛ ɛhye mɔ asa anu a? Bɛmɛ a bɛhunle Yigyibitima bɔkɔɔ wɔ fienemgbole ne anu la.