Ɛzoanvolɛma Gyima ne 13:11 - BAEBOLO ANZƐƐ BULUKU NWUANZANWUANZA

¹¹ Awulae ɛdua wɔ kakɛ, ɔmaa ɛ nye ɛzi ɔhɔkpula mekɛ ekyi bie mɔɔ ɛnnwu debie biala a.” Na ɛkɛ ne ala awozinli vale Ɛlemase manle ɔlile nvuovua na ɔzɛlɛle kɛ awie ɛzɔ ɔ sa ɛhile ye adenle.

Ɛzoanvolɛma Gyima ne 13:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:11

Akee bɛmanle menli mɔɔ ɛrayi anlenkɛ ne anloa la amuala anye zinle; ngakula o, mgbanyinli o, biala ɛnnwu debie, yemɔti bɛlile nvuovua bɛkpondɛle anlenkɛ ne.

2 Arl 6:8

Mekɛ bie mɔɔ ɛnee Selea belemgbunli ne zo konle doa Yizilayɛma la, ɔ nee ye mgbanyima yiale nuhua na bɛvale adwenle bɛhilele ɛleka mɔɔ bɛbayɛ bɛ azokoɛleɛ ne la.

Dwobu Buluku ne 19:21

“Bɛnwu me anwunvɔne, bɛnwu me anwunvɔne, ayi mɔ, bɛnwu me anwunvɔne, ɔluakɛ Nyamenle ɛva ɔ sa ɛha me!

Edwɛndolɛ Buluku ne 32:4

Ɔluakɛ alehyenlɛ nee aledwolɛ kɔsɔɔti ɛ sa yɛle ɛnlomboɛ me nwo zo; me anwosesebɛ ne wiele, ɔwele kɛ nzule mɔɔ wawaa ewia ɛsesa ye la.

Edwɛndolɛ Buluku ne 38:2

Ɔluakɛ wɔ ɛda ne mɔ ɛboda me, yɛɛ ɛ sa ɛla me nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:3

Ɛdɛnkɛma asa ɛnlomboɛ ne badɔ bɛ nlankɛ ne mɔ mɔɔ wɔ bɛ ɛya nu, bɛ mgbɔnwɔ, asoaso, afunlumu, mbɔnkye, yɛɛ mboane ne mɔ anwo zo, yeaye ewule yeado bɛ nwo yeamaa bɛawu.

Ayezaya Buluku ne 29:10

Ɔluakɛ Ɛdɛnkɛma ɛva nafelɛ sunsum ɛwula bɛ na bɛbalafe botoo, na bɛmɛ Nyamenle kpɔmanvolɛma, yeheda bɛ nye, yɛɛ yeheda ɛnyelɛzodeɛnwunlɛma ati zo.

Dw 9:39

Na Gyisɛse zele ye kɛ, “Membale ewiade kɛ mebabua ndɛne, amaa bɛdabɛ mɔɔ bɛ nye ɛzi la anwu debie, na bɛdabɛ mɔɔ bɛnwu debie la anye azi.”

Ɛzoanvolɛma Gyima ne 9:17

Yemɔti Ananayase hɔle sua nu ɛkɛ, ɔvale ɔ sa ɔguale Sɔɔlo ati zo na ɔzele ye kɛ, “Adiema Sɔɔlo, Awulae Gyisɛse, mɔɔ ɛlua adenle zo ɛlɛba ɛke mɔɔ ɔyele ɔ nwo ɔhilele wɔ la ɛzoa me ɛ nwo ɛke, amaa wɔanwu debie bieko na Sunsum Nwuanzanwuanza ne ara ɛ nwo zo.”

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

Kɛlata mɔɔ bɛhɛlɛle bɛhɔmanle Hibuluma la 10:31

Ɔkɛyɛ ɛzulolɛ ɛdeɛ, kɛ ɛkɛdɔ tease Nyamenle ne ɛhane nu a!

2 Pit 2:17

Menli ɛhye mɔ le kɛ nzubula mɔɔ ɛsesa la, bɛle kɛ nzulemungu mɔɔ ahumu ɛlɛbɔ ye ahɔ la. Nyamenle ɛzie bɛ ɛleka wɔ awozinli kabikabi ne anu.

1 Sam 5:11

Yemɔti bɛzoanle bɛmanle bɛhɔvale Filisitia arelemgbunli ne mɔ na bɛzele bɛ kɛ, “Bɛye Yizilayɛ Nyamenle ne Ngyekyeleɛ Ɛlɛka ne ɛke; bɛva bɛhɔzie ɔ bo zo dɛba ne wɔ Yizilayɛ, amaa yeangu yɛ nee yɛ mbusuafoɔ.” Ahunlundetelɛ hanle suakpole ne azo amra kɔsɔɔti, ɔboalekɛ ɛnee Nyamenle ɛmaa bɛ nwo ɛhyele bɛ kpalɛ.

1 Sam 5:9

Ɛdɛnkɛma duale suakpole ne azo amra kakɛ. Ɔhanle bɛ ɛzulolɛ, ɔmanle mutulemutule zanenle suakpole ne azo amra, ngakula nee mgbanyinli kɔsɔɔti.