Ɛzoanvolɛma Gyima ne 12:7 - BAEBOLO ANZƐƐ BULUKU NWUANZANWUANZA

⁷ Arɛlevilɛ nu ala Nyamenle soanvolɛ rale ɛkɛ na wienyi kpole bie dale efiade ne. Nyamenle soanvolɛ ne bɔle Pita abati dunwuele ye na ɔzele ye kɛ, “Maa ɔyɛ ndɛ dwazo!” Na ɛkɛ ne ala nwɔnzɔnwɔnzɔ ne vi ɔ sa wɔlɔle guale.

Ɛzoanvolɛma Gyima ne 12:7 ပူးပေါင်းရင်းမြစ်များ

2 Sam 22:29

O Ɛdɛnkɛma, wɔmɔ, ɛle me kɛnlaneɛ; O me Nyamenle, ɛkpa me awozinli.

1 Arl 19:5

Ɔhale baka ne abo ɔlafele; Nyamenle soanvolɛ radunwuele ye na ɔzele ye kɛ, “Dwazo na di debie.”

1 Arl 19:7

Nyamenle soanvolɛ ne rale bieko radunwuele ye zele ye kɛ, “Dwazo na di debie na anrɛɛ adenle ne kɛde wɔ somaa.”

Edwɛndolɛ Buluku ne 107:14

Ɔyele bɛ ɔvile awozinli ne nee arɛlebɔlɛ ne anu, na ɔbubule bɛ anga ne mɔ.

Edwɛndolɛ Buluku ne 116:16

O Ɛdɛnkɛma, mele wɔ sonvolɛ; mele wɔ sonvolɛ, wɔ sonvolɛ raalɛ ara nrenya. Wɔzianyi me nwɔnzɔnwɔnzɔ ne.

Edwɛndolɛ Buluku ne 146:7

Ɔbua mɔɔ bɛlɛsisi ye la ndɛne pɛlepɛle na ɔmaa mɔɔ ɛhɔne ku ye la aleɛ. Ɛdɛnkɛma dwula pilizama;

Edwɛndolɛ Buluku ne 34:7

Ɛdɛnkɛma soanvolɛ sinza bɛdabɛ mɔɔ bɛsulo ye la, na ɔdie bɛ ngoane.

Edwɛndolɛ Buluku ne 68:6

Nyamenle maa mɔɔ ɛnlɛ bie la awuke maa ɔboa nu; ɔye pilizama ɔfinde ɔmaa bɛkpazi; na ɔmaa atuadelɛma tɛnla azɛlɛ mɔɔ ɛhwie la azo.

Ayezaya Buluku ne 37:30

Na Ayezaya hanle hilele Belemgbunli Hɛzikaya kɛ, “Mɔɔ bazi la anwo sɛkɛlɛneɛ ɛne: ɛvolɛ ɛhye nee ɛvolɛ bieko, bɛbali ma mɔɔ bɛ ngome bɛfifi la, na ɛvolɛ ne mɔɔ tɔ zolɛ nsa la anu, bɛbazo ɛya bɛalua na bɛabu; bɛbayɛ vanye egyinli na bɛali zolɛ ma ne bie.

Ayezaya Buluku ne 60:1

Bɛdwazo, bɛda, ɔluakɛ bɛ wienyi ne ɛra, Ɛdɛnkɛma anyunlunyia ne ɛlɛta.

Gyɛlɛmaya Buluku ne 40:1

Mɔɔ Safohyenle Nɛbuzaladan dwulale Gyɛlɛmaya wɔ Releema la, Ɛdɛnkɛma dendɛle hilele ye. Mekɛ ne anu ɛnee Gyɛlɛmaya boka Gyɛlusalɛmma nee Dwudama mɔɔ bɛgua bɛ anga bɛ nee bɛ ɛlɛkɔ nlɔnu wɔ Babelonia la anwo.

Yizikeɛle Buluku ne 43:2

Na nea, Yizilayɛ Nyamenle ne anyunlunyia vi aduduleɛ rale. Ye ɛralɛ ne anu alɛra le kɛ azule dɔɔnwo mɔɔ ɛlɛse la ane, ye anyunlunyia ne manle azɛlɛ ye azo dale wienyi.

Daneɛle Buluku ne 3:28

Belemgbunli Nɛbukadenɛza zele kɛ, “Ayɛlɛyelɛ ɛha Hyeedelake, Mihyake, yɛɛ Abɛdenɛgo Nyamenle ne. Ye sonvolɛma ne dule bɛ gye kɛ bɛnrɛli me mɛla ne azo, yɛɛ bɛnrɛdu bɛnrɛgua bɛnrɛzonle nyamenle biala kɛ bɛ Nyamenle ɛdeɛ ne ala. Bɛliele bɛ Nyamenle ne bɛlile na bɛvale bɛ nwonane bɛdole nzeleba, na amgba Nyamenle ɛzoa ye soanvolɛ yemaa yeralie bɛ.

Daneɛle Buluku ne 6:22

Me Nyamenle ne zoanle ye soanvolɛ manle ɔratotole awenade ne mɔ anloa anu, yemɔti bɛanva bɛ nloa bɛanga me. Ɔluakɛ medi benle wɔ me Nyamenle ne anyunlu yɛɛ medi benle wɔ ɛdawɔ noko ɛ nyunlu. Nana, metɛyɛle ɛtane biala.”

Maeka Buluku ne 7:9

Mekponle Ɛdɛnkɛma ndeanlɛ ne azo, ɔboalekɛ meyɛ ɛtane metia ye. Na nzinlii ɔbanwu me anwunvɔne na yeali me edwɛkɛ yeamaa me. Ɔbava me yeara wienyi nu; mebanwu ye ngoanelielɛ ne.

Habakɛke Buluku ne 3:11

Sɛnzɛne ne nee siane ne gyinlanle bɛ bo zo ne mɔ, mekɛ mɔɔ wɔ ɛda mbaka ne mɔ ɛlɛsɔ se, na wɔ atwɛ ne mɔ ɛlɛpɛ memeamemea se la.

Habakɛke Buluku ne 3:4

Ye wienyi ne le kɛ ɛsɛlɛmanye, ɔ sa akunlu ta kɛ sɛnzɛne, na ɛkɛ a ye tumi ne wɔ a.

Edwɛkpa ne kɛmɔ Mateyu hɛlɛle la 2:13

Mɔɔ bɛhɔle la, Awulae soanvolɛ yele ɔ nwo hilele Dwosefi wɔ ɛlalɛ nu na ɔzele ye kɛ, “Belemgbunli Hɛlɔdo barakpondɛ kakula ye ahu ye, yemɔti dwazo na fa ye nee ɔ nli nriandi kɔ Yigyibiti maanle nu kɔdɛnla ɛkɛ ne kɔkpula mekɛ mɔɔ menwɔze wɔ kɛ akee ɛvi ɛkɛ ne la.”

Edwɛkpa ne kɛmɔ Luku hɛlɛle la 2:9

Nyamenle soanvolɛ vindele bɛ nwo ɛkɛ ne, na Awulae anyunlunyia ne dale bɛ nwo zo manle ɛzulolɛ kpole hanle bɛ.

Edwɛkpa ne kɛmɔ Luku hɛlɛle la 24:4

Bɛ adwenle yɛle bɛ kpomgbondee, na arɛlevilɛ nu ala mrenya nwiɔ mɔɔ wula adɛladeɛ nwohyee la ragyinlanle bɛ nwo ɛkɛ ne.

Ɛzoanvolɛma Gyima ne 10:30

Kɔnileɛse zele ye kɛ, “Ɛnɛ le kenle nna, kɛyɛ bekezɛ ala, ɛnee melɛyɛ ewiazo dɔne nsa nzɛlɛlɛ wɔ me sua ye anu, na nrenya bie mɔɔ wula tɛladeɛ fufule la ragyinlanle me nyunlu ɛkɛ

Ɛzoanvolɛma Gyima ne 12:23

Na arɛlevilɛ nu ala Awulae soanvolɛ rabɔle Hɛlɔdo dole aze manle ɔ nwo dole ye, ɔlɔle azonlɛ na ɔwule, ɔluakɛ yeanva anyunlunyia yeammaa Nyamenle.

Ɛzoanvolɛma Gyima ne 12:6

Nɔe ne mɔɔ ɛnee aleɛ kye a Hɛlɔdo kɛye Pita kɛmaa menli ne la, ɛnee Pita la sogyama nwiɔ mɔɔ ɛlɛsinza ye la avinli, na bɛva nwɔnzɔnwɔnzɔ nwiɔ bɛgua ye, na bɛva bɛsosɔ sogyama nwiɔ ne, yɛɛ eza sogyama bie mɔ noko gyigyi anlenkɛ ne anloa ɛlɛsinza.

Ɛzoanvolɛma Gyima ne 12:8

Na Nyamenle soanvolɛ ne zele ye kɛ, “Fa wɔ tɛladeɛ ne nee wɔ mgbɔlaboa ne wula.” Pita yɛle ye zɔhane na Nyamenle soanvolɛ ne eza zele ye kɛ, “Akee fa wɔ tabule ne kye na toa me.”

Ɛzoanvolɛma Gyima ne 16:26

Arɛlevilɛ nu ala azɛlɛ kpusule kpole bie na efiade ne adiabo ne kpusule. Na ɛkɛ ne ala efiade ne nlenkɛ ne mɔ amuala bukebukele na nwɔnzɔnwɔnzɔ mɔɔ dedɛ bɛ la amuala kpolokpolole guale.

Ɛzoanvolɛma Gyima ne 2:24

Na Nyamenle dwazole ye vile mɔwuamra anu na ɔyele ye ɔvile ewule asa nu; ɔluakɛ ɔnle kɛ ewule di ɔ nwo zo konim.

Ɛzoanvolɛma Gyima ne 5:19

Na kenle ko ne nɔe ne, Awulae soanvolɛ rabukele efiade ne nlenkɛ ne mɔ na ɔvale bɛ ɔvindele na ɔzele bɛ kɛ,

Ɛzoanvolɛma Gyima ne 9:3

Mɔɔ ɔlua adenle zo na ɔka ekyii ɔdwu Dɛmasekɛse la, wienyi kpole bie vi anwomanyunlu rabɔle yiale ye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:14

ɔluakɛ debie biala mɔɔ kɛla ali la, ɛnee yeyɛ wienyi. Yemɔti a bɛha ye kɛ, “Wɔmɔ mɔɔ wɔlafe a, tunwue na ɛvi mɔwuamra anu dwazo! Na Kelaese wienyi ne kɛda ɛ nwo.”

Kɛlata mɔɔ bɛhɛlɛle bɛhɔmanle Hibuluma la 1:14

Ɛnee Nyamenle soanvolɛma a le nwane mɔ? Bɛmɛ a le sunsum bie mɔ mɔɔ sonle Nyamenle na ɔsoɔzoa bɛ ɔmaa bɛkɔboa bɛdabɛ mɔɔ ɔwɔ kɛ bɛnyia ngoane la.

Yekile 18:1

Ɛhye anzi menwunle kɛ Nyamenle soanvolɛ ko noko vi anwuma ɛlɛdwu aze. Ɔlɛ tumi kpole, na kɛ ɔ nwo si ta la manle ewiade ye amuala yɛle wienyi.