Ɛzoanvolɛma Gyima ne 12:6 - BAEBOLO ANZƐƐ BULUKU NWUANZANWUANZA

⁶ Nɔe ne mɔɔ ɛnee aleɛ kye a Hɛlɔdo kɛye Pita kɛmaa menli ne la, ɛnee Pita la sogyama nwiɔ mɔɔ ɛlɛsinza ye la avinli, na bɛva nwɔnzɔnwɔnzɔ nwiɔ bɛgua ye, na bɛva bɛsosɔ sogyama nwiɔ ne, yɛɛ eza sogyama bie mɔ noko gyigyi anlenkɛ ne anloa ɛlɛsinza.

Ɛzoanvolɛma Gyima ne 12:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:14

Yemɔti Ebileham vɛlɛle ɛleka ne, “Ɛdɛnkɛma bahile.” Na kɛkala bɔbɔ menli ka kɛ, “Wɔ Ɛdɛnkɛma Boka ne azo, ɔdaye ɔbahile.”

Edwɛndolɛ Buluku ne 4:8

Akee mebala mealafe anzonudwolɛ nu, ɔluakɛ, wɔmɔ Ɛdɛnkɛma ala, yɛɛ ɛsinza me a.

Gyɛlɛmaya Buluku ne 40:1

Mɔɔ Safohyenle Nɛbuzaladan dwulale Gyɛlɛmaya wɔ Releema la, Ɛdɛnkɛma dendɛle hilele ye. Mekɛ ne anu ɛnee Gyɛlɛmaya boka Gyɛlusalɛmma nee Dwudama mɔɔ bɛgua bɛ anga bɛ nee bɛ ɛlɛkɔ nlɔnu wɔ Babelonia la anwo.

Gyɛlɛmaya Buluku ne 40:4

Nea, melɛye anga ne mɔɔ gua ɛ sa la ɛnɛ kenle ye. Saa ɛnea na ɔle kpalɛ kɛ ɛ nee me kɛhɔ Babelonia a, ɛnee maa yɛhɔ na mebanlea wɔ gyɛlɛɛnye. Saa ɛnea noko na ɔnle kpalɛ kɛ ɛ nee me kɛhɔ Babelonia a, ɛnee mmaba. Nea, azɛlɛ ne amuala a la ɛkɛ ne tɛtɛtɛlɛlɛ la, tɛnla ɛleka biala mɔɔ ɛnea a ɔle kpalɛ na ɔfɛta kɛ ɛtɛnla la.”

Edwɛkpa ne kɛmɔ Mateyu hɛlɛle la 28:4

Sinzavolɛma ne zulole kpole, bɛ nwo wozole bɛ na bɛyɛle kɛ menli mɔɔ ɛwu la.

Ɛzoanvolɛma Gyima ne 12:5

Yemɔti Pita lale efiade ne, na diedima ne noko anye bolole yɛle nzɛlɛlɛ ɛsesebɛ kpalɛ manle ye.

Ɛzoanvolɛma Gyima ne 21:33

Sogyama kpanyinli ne hɔzɔle Pɔɔlo, na ɔmanle bɛvale nwɔnzɔnwɔnzɔ nwiɔ bɛguale ye. Akee ɔbizale kɛ, “Na nwane a le ɛhye, yɛɛ duzu ɛtane a yeyɛ a?”

Ɛzoanvolɛma Gyima ne 28:20

Ɛhye ati yɛɛ mevɛlɛ bɛ kɛ me nee bɛ badendɛ a. Ɔluakɛ, ɔlua sonla ne mɔɔ Yizilayɛma lɛ anyelazo wɔ ye nu la ati yɛɛ bɛgua me nwɔnzɔnwɔnzɔ a.”

Ɛzoanvolɛma Gyima ne 5:23

“Yɛhɔle la ɛnee efiade ne nlenkɛ ne mɔ wɔ nyinlira nu, yɛɛ sinzavolɛma ne noko amuala gyigyi nlenkɛ ne mɔ anloa; noko yɛbukele nlenkɛ ne mɔ la, yɛannwu awie biala wɔ ɛkɛ.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:20

Edwɛkpa ne ati a mela efiade a, noko mele nwolɛ ɛbɔfoɔ. Bɛzɛlɛ kɛ menwɔva akɛnrasesebɛ menwɔha Edwɛkpa ne kɛmɔ ɔfɛta la.

Mɛla 32:26

Anrɛɛ menwɔha kɛ: Mebabɔ bɛ asande, meagua bɛ moa, na meamaa menli arɛle avi bɛ.

2 Tem 1:16

Awulae ɛnwu Onɛsefɔlɛse awuke nu amra anwunvɔne, ɔboalekɛ ɔkyekyele me rɛle mekɛ dɔɔnwo ne ala. Yeanyɛ ye nyiane kɛ mela efiade a.

Kɛlata mɔɔ bɛhɛlɛle bɛhɔmanle Hibuluma la 13:6

Zɔhane ati, yɛkola yɛsi yɛ kɛnra yɛka kɛ, “Awulae le me boavolɛ, menrɛzulo ɛhwee. Duzu yɛɛ sonla kola yɛ me a?”