Ɛzoanvolɛma Gyima ne 12:3 - BAEBOLO ANZƐƐ BULUKU NWUANZANWUANZA

³ Na mɔɔ ɔnwunle kɛ ɛhye ɛyɛ Dwuuma fɛ la, ɔdoale zo na ɔhyele Pita ɔdaye. (Ɛhye zile Angye Ɛvoyia ne anu.)

Ɛzoanvolɛma Gyima ne 12:3 ပူးပေါင်းရင်းမြစ်များ

Edwɛndolɛ Buluku ne 76:10

Sonla ɛyavalɛ wie Nyamenle ayɛlɛyelɛ ɛyavalɛ nee konle ne anzi, bɛdabɛ mɔɔ bɛkɛha la bali wɔ eni.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:15

“Bɛli Angye Ɛvoyia ne wɔ siane Ebebe ne anu, kɛmɔ menzele bɛ la. Bɛbali kpanwo mɔɔ mgbɔvonle ɛnle nu la kenle nsuu, ɔluakɛ siane ɛhye anu a bɛvile Yigyibiti a. Biala mmafa ɔ sa mgbane ba me nyunlu.

Edwɛkpa ne kɛmɔ Mateyu hɛlɛle la 26:17

Angye Ɛvoyia ne kenle ne mɔɔ lumua la anu, Gyisɛse ɛdoavolɛma ne rabizale ye kɛ, “Nienwu a ɛkulo kɛ yɛsiezie Akpabɛnwo Ɛvoyia aleɛ ne yɛmaa wɔ a?”

Dw 12:43

Bɛkulo menli nganvolɛ bɛtɛla Nyamenle nganvolɛ.

Dw 19:11

Gyisɛse buale ye kɛ, “Ɛlɛ me nwo zo tumi, ɔluakɛ Nyamenle yɛɛ ɛva ɛmaa wɔ a. Yemɔti sonla ne mɔɔ vale me rawulale ɛ sa nu la a di ɛzonle kpole kpalɛ a.”

Dw 21:18

Meka nɔhalɛ ne meahile wɔ: Mekɛ mɔɔ ɛle kpavolɛ la, ɛnee ɛdawɔ ɛkola ɛmaa ɛ nwo zo ɛkɔ ɛleka biala mɔɔ ɛkulo la, na saa ɛyɛ kpanyinli a, ɛbadenrɛ ɛ sa na awie akyekye bɛ na yeava wɔ yeahɔ ɛleka mɔɔ ɛngulo kɛ ɛkɔ la.”

Ɛzoanvolɛma Gyima ne 12:4

Mɔɔ bɛhyele Pita la, ɔdole ye efiade na ɔyele sogyama nna-nna ekpunli nna kɛ bɛzinza ye. Hɛlɔdo yɛle kɛ saa bɛdi Akpabɛnwo Ɛvoyia ne bɛwie a yɛɛ ɔkɛli ye edwɛkɛ a.

Ɛzoanvolɛma Gyima ne 2:14

Na Pita nee ɛzoanvolɛma bulu nee ko ne mɔɔ hale la dwazole na ɔmanle ɔ ne zo ɔzele ɛlɔne ne kɛ, “Ebiamɔ Dwuuma nee bɛdabɛ mɔɔ bɛwɔ Gyɛlusalɛm ɛke la amuala, bɛdie bɛmaa mengile bɛ ɛhye mɔ abo.

Ɛzoanvolɛma Gyima ne 20:6

Na mɔɔ Angye Ɛvoyia ne pɛle nu la, yɛvale ɛlɛne yɛvile Felepae; ye kenle nnu ne azo yɛhɔdole bɛ wɔ Tulowase na yɛlile dapɛne ko wɔ ɛkɛ.

Ɛzoanvolɛma Gyima ne 24:27

Mɔɔ ɛvolɛ nwiɔ pɛle nu la, Pɔseɛse Fɛsetɛse ralile amɛnlado Filekese agyakɛ anu. Na kɛmɔ ɛnee Filekese kulo kɛ ɔnyia ɔ nyunlu wɔ Dwuuma anyunlu la ati, ɔmanle Pɔɔlo hale efiade ne.

Ɛzoanvolɛma Gyima ne 25:9

Na kɛmɔ Fɛsetɛse kpondɛ ɔ nyunlu wɔ Dwuuma anyunlu la ati, ɔbizale Pɔɔlo kɛ, “Ɛkɛhulo kɛ ɛkɛhɔ Gyɛlusalɛm na ɛkɔhɔye ɛzonledonlɛ ɛhye mɔ anloa wɔ me nyunlu ɔ?”

Ɛzoanvolɛma Gyima ne 4:13

Ɔyɛle ayiama ne azibɛnwo kɛ Pita nee Dwɔn ɛnyia akɛnrasesebɛ mɔɔ le zɛhae a, ɔluakɛ bɛze kɛ bɛle menli mɔɔ ɛnze nwoma a, na bɛliele bɛdole nu kɛ bɛ nee Gyisɛse a anrɛɛ lua a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:10

Ɛnee ɔyɛ bɛ kɛ kɛkala akee mekpondɛ menli nganvolɛ, anzɛɛ Nyamenle nganvolɛ ɔ? Anzɛɛ mekpondɛ me nyunlu wɔ menli nu ɔ? Kyɛkyɛ! Saa mekpondɛ me nyunlu wɔ menli nu a, ɛnee menle Kelaese akɛlɛ.

1 Tɛs 2:4

Mɔɔ yɛyɛle la a le kɛ dahuu yɛtendɛ, kɛmɔ Nyamenle kpondɛ kɛ yɛtendɛ la, ɔboalekɛ yemaa yɛzɔ ɔ nye na yeva ye Edwɛkpa ne yewula yɛ sa nu. Ɛhye ati yɛmbɔ mɔdenle kɛ yɛsɔ menli nye. Nyamenle mɔɔ ze yɛ ahonle nu la yɛɛ yɛkulo kɛ yɛsɔ ɔ nye a.