Ɛzoanvolɛma Gyima ne 12:23 - BAEBOLO ANZƐƐ BULUKU NWUANZANWUANZA

²³ Na arɛlevilɛ nu ala Awulae soanvolɛ rabɔle Hɛlɔdo dole aze manle ɔ nwo dole ye, ɔlɔle azonlɛ na ɔwule, ɔluakɛ yeanva anyunlunyia yeammaa Nyamenle.

Ɛzoanvolɛma Gyima ne 12:23 ပူးပေါင်းရင်းမြစ်များ

2 Arl 19:35

Kenle ko ne nɔe ne Ɛdɛnkɛma soanvolɛ hɔle Aseleama azokoɛleɛ ne hɔhunle ɛlɔnema ne anu apenle ngoko ɛya ko abulatwɛ nee nnu. Aleɛ kahye la ɛnee bɛwu bɛgua ɛkɛ.

2 Edk 32:21

Na Nyamenle manle ye soanvolɛ rahunle Aseleama safohyenlema nee mgbanyima nee katakyiema kɔsɔɔti mɔɔ wɔ Aseleama azokoɛleɛ ne la. Yemɔti Aselea belemgbunli ne vale nyiane ziale hɔle ye maanle nu. Mɔɔ ɔhɔdwule ye bozonle ne anyunlu la, ɔdaye ɔ kunlu mralɛ mrenya ne bie mɔ rahunle ye.

Dwobu Buluku ne 19:26

nzinlii mɔɔ bɛkɛzɛkye me nwonane ye la, mevi nwonane ɛhye anu mebanwu Nyamenle,

Dwobu Buluku ne 7:5

Melɔ azonlɛ, me nwo ɛzi bile, me nwo nwoma di wulate.

Edwɛndolɛ Buluku ne 115:1

Tɛ yɛmɛ, O Ɛdɛnkɛma, tɛ yɛmɛ, na wɔmɔ yɛɛ ɔwɔ kɛ anyunlunyia ka wɔ, wɔ wɔ ɛhulolɛ kpundii ne nee wɔ nɔhalɛlilɛ ne ati a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:3

Yemɔti Mosisi nee Aalɔn hɔle belemgbunli ne ɛkɛ hɔzele ye kɛ, “Kɛ Ɛdɛnkɛma, Hibuluma Nyamenle ne se la ɛne, ‘Kenlenzu yɛɛ ɛkɛkpo kɛ ɛnrɛmemaa ɛ nwo zo ɛnrɛhile me a? Maa me menli ne ɛhɔ, amaa bɛazonle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:12

“Ɔluakɛ mebapɛ nu Yigyibiti azɛlɛ zo kenle ko ne nɔe ne. Mebahu Yigyibiti belamunli mralɛ muala, menli nee nyɛmoa, na meabua Yigyibiti awozonle kɔsɔɔti ndɛne. Medame a mele Ɛdɛnkɛma a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:23

Ɔluakɛ Ɛdɛnkɛma barapɛ nuhua yeahɔhu Yigyibitima. Saa ɔnwu mogya ne mɔɔ wɔ felɛmo ne anwo la a ɔbapɛ nuhua; ɔnrɛmaa sɛkyevolɛ ne ɛnrɛwolo bɛ azua nu ɛnrɛhu bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:29

Alevinli mu nwiɔ avinli Ɛdɛnkɛma hunle belamunli mralɛ kɔsɔɔti mɔɔ wɔ Yigyibiti azɛlɛ zo la, ɔvi belemgbunli ne mɔɔ de ebia ne azo la belamunli ralɛ ne anwo zo toonwo kɔdwu sonla mɔɔ la efiade la belamunli ralɛ ne anwo zo; ɔhunle nyɛmoa kɔsɔɔti amra mɔɔ lumua la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:17

Noko ɛtɛmemaa ɛ nwo zo ɛtɛkile me menli ne, ɛnrɛmaa bɛnrɛhɔ.

Mrɛlɛbulɛ Buluku ne 12:8

Sonla adwenle kpalɛ yɛɛ bɛfa bɛkanvo ye a, na sonla mɔɔ ye adwenle ɛnle kpalɛ la, bɛkpo ye.

Ayezaya Buluku ne 14:11

Getaa ɛbɔlɛ mgbole mɔɔ bɛvale bɛlile ɛ nzi, nee enililɛ kpole ne ɛrawie Ɛbolɔ; azonlɛ ɛyɛ wɔ ɛkpa ɛla zo, yɛɛ azone a le wɔ kundu mɔɔ gua ɛ nwo a.’

Ayezaya Buluku ne 37:23

Nwane a wɔgolo ɔ nwo, wɔyɛ ye aholoba la? Nwane a wɔmaa ɛ nloa ɛdo ye na wɔholoholo ɛ nye wɔhile ye la? Wɔyɛ wɔtia medame Yizilayɛ Nwuanzanwuanza Ko ne!

Ayezaya Buluku ne 51:8

Ɔluakɛ ɛlɛtɛba bali bɛ kɛ bɛdi ɛdanlɛ, yɛɛ sone bali bɛ kɛ bɛdi boane enrinli la; na me konimlilɛ ne badɛnla ɛkɛ ne dahuu, me ngoanelielɛ ne badwu awolɛndoazo kɔsɔɔti anwo zo.”

Ayezaya Buluku ne 66:24

Na bɛbavinde bɛaranlea menli mɔɔ ɛde me nwo atua la avunli. Bɛ nwo azone ne mɔ ɛnrɛwu ɛlɛ, senle mɔɔ ɛlɛyela bɛ la ɛnrɛnlu ɛlɛ, na bɛbayɛ kyibadeɛ bɛamaa menli kɔsɔɔti.”

Yizikeɛle Buluku ne 28:2

Ɔse, “Sonla ra, ka kile Taya belemgbunli ne kɛ, medame Awulae Nyamenle mese: Kɛmɔ ɛtu ɛ nwo la ati, wɔha mgbole kɛ, ‘Medame, mele nyamenle, mede nyamenle ne mɔ kɔsɔɔti ebia nu, wɔ nyevile kunlu nehane,’ noko ɛle sonla, ɛnle nyamenle. Ɛyɛ ɛ nwo kɛ ɛze nrɛlɛbɛ kɛ nyamenle bie,

Yizikeɛle Buluku ne 28:9

Asoo ɛbaha kɛ, ‘Mele nyamenle,’ wɔ menli mɔɔ ɛlɛku wɔ la anyunlu? Ɛle sonla, ɛnle nyamenle wɔ menli mɔɔ ɛlɛbodɛboda wɔ la asa anu.

Ɛzoanvolɛma Gyima ne 12:22

Menli ne mɔ bɔle ɔse zele kɛ, “Ɛhye, yemɔ nyamenle bie ane ɔ, na tɛ sonla ne ɔ.”

Ɛzoanvolɛma Gyima ne 5:19

Na kenle ko ne nɔe ne, Awulae soanvolɛ rabukele efiade ne nlenkɛ ne mɔ na ɔvale bɛ ɔvindele na ɔzele bɛ kɛ,

2 Tɛs 2:4

Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

1 Sam 25:38

Ye kenle bulu ne azo Ɛdɛnkɛma manle ɔwule.