Ɛzoanvolɛma Gyima ne 12:20 - BAEBOLO ANZƐƐ BULUKU NWUANZANWUANZA

²⁰ Hɛlɔdo vale menli mɔɔ wɔ Taya nee Saedɛn la anwo ɛya, ɛhye ati bɛdule menli kɛ bɛhɔnwu ye. Bɛlumuale bɛ sa hanle Belasetɛse mɔɔ nea belemgbunli suakunlu ɛkɛ ne la moalɛ, na akee bɛhɔle Hɛlɔdo anyunlu bɛhɔkpɔdale ye. Ɔluakɛ bɛ aleɛ mɔɔ bɛnyia ye la amuala vi belemgbunli ne maanle nu.

Ɛzoanvolɛma Gyima ne 12:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:15

Keena ara nrenya kpanyinli a le Saedɛn. Nzinlii ɔwole Hɛte, bɛ bo zo amra a bɛfa bɛ aluma bɛfɛlɛ bɛ la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:19

manle Keenama ɛweɛne ne anloa dwule Saedɛn nyiakɛ mɔɔ kɔ Gilaa mɔɔ zua Gaza la, eza ɔdɛlɛle ɔhɔle aduduleɛ ɔhɔdwule Sodɔm, Gomɔla, Ademaa, yɛɛ Zɛboyem mɔɔ zua Leehya la.

2 Edk 2:10

Mebamaa wɔ menli ne mɔɔ bu mbaka ne la abɛlɛ tone nu tɔno apenle nwiɔ, baale tɔno apenle nwiɔ, nwanye litili apenle ngoko ɛya nna, yɛɛ ɔlivi nwole litili apenle ngoko ɛya nna.”

2 Edk 2:15

Zɔhane ati maa bɛva hwiiti, baale, nwole yɛɛ nwanye ne mɔɔ ɛlile bɛ edwɛkɛ la bɛrɛlɛ yɛ.

Ɛzela Buluku ne 3:7

Akee bɛvale ezukoa bɛmanle menli mɔɔ si sua la nee kapentama, yɛɛ bɛvale aleɛ, nza, nee nwole bɛhɔmanle menli mɔɔ wɔ Saedɛn nee Taya la, amaa bɛava sida mbaka mgbole bɛalua nyevile nye bɛvi Lɛbanɔn bɛara Dwɔpa. Pɛhyea Maanle Maanle Belemgbunli Saelɛse a manle adenle kɛ bɛyɛ ye zɔhane a.

Mrɛlɛbulɛ Buluku ne 17:14

Mgbonde bo ɛbɔlɛ le kɛ azuledukuelɛ, yemɔti twe ɛ nwo kolaa na butule ne abɔ ɔ bo.

Mrɛlɛbulɛ Buluku ne 20:18

Folɛdulɛ zo yɛɛ bɛdua bɛfa adwenle a; dua nrɛlɛbɛ folɛdulɛ zo na wɔaha konle.

Mrɛlɛbulɛ Buluku ne 25:8

Mmapele ndɛndɛ ɛfa mɔɔ wɔnwu ye la ɛkɔ kɔɔto, ɔluakɛ saa akee ɛ gɔnwo ne gua ɛ nyunlu aze a, duzu a ɛkɛyɛ a?

Nolo 10:4

Saa wɔ belemgbunli fa ɛ nwo ɛya a, mmagyakyi gyima ɛkɛ ne ala; saa ɛsie ɛ nwo diinyi a, wɔannea a wɔ ɛtane mgbole mɔɔ wɔyɛ bɔbɔ la, bɛbava bɛahyɛ wɔ.

Yizikeɛle Buluku ne 27:17

Dwudama nee Yizilayɛma nee wɔ lile gua. Bɛrɛlɛle wɔ hwiiti, ɔlivi, feege, wolɛ, nwole, yɛɛ ɛnlomedazia na bɛliele wɔ ninyɛne ne mɔ bie.

Edwɛkpa ne kɛmɔ Luku hɛlɛle la 16:8

“Na nrenya sukoavolɛ ne hanvole gyaneavolɛ anyebolo ne wɔ ye nrɛlɛbɛ mɔɔ ɔbɔle ɔyɛle ye alane gyima ne la anwo, ɔluakɛ ɔnwunle kɛ ɛtane ewiade ye anu amra ze awule nwo nrɛlɛbɛ fa yɛ nwule ninyɛne nea bɛ nwo tɛla wienyi nu amra.”

Ɛzoanvolɛma Gyima ne 12:21

Kenle mɔɔ bɛhilele la dwule la, Hɛlɔdo wulale ye belemgbunli tɛladeɛ ne na ɔhɔdɛnlanle ye ebia nu na ɔdendɛle ɔhilele menli ne mɔ.

Ɛzoanvolɛma Gyima ne 21:3

Yɛradwule ɛleka bie mɔɔ ɛnee yɛ nye dua Saepelɛse la yɛwɔnenle yɛ ti nyiakɛ yɛpɛle yɛdɔle Selea. Yɛradwule Taya, na kɛmɔ ɛkɛ ne yɛɛ ɛlɛne ne tu ye ninyɛne ne agua la ati, yɛdwule aze yɛhɔle sua zo.

Ɛzoanvolɛma Gyima ne 21:7

Yɛzɔle yɛ adendulɛ ne azo, yɛvi Taya yɛhɔle Tɔlɛmeeyese, yɛhɔkpɔlale diedima mɔɔ wɔ ɛkɛ ne la na yɛlale ɛkɛ ne.

Dwɔhyua Buluku ne 19:29

Ɛweɛne ne akee fa ye wɔ Saedɛn ɛkɛ, ɔbele ɔkɔ Releema, ɔkɔ suakpole Taya mɔɔ bɛlie nwolɛ bane la; akee ɔbele ɔkɔ Hosa na yeahɔwie Mɛdetɛlenia Nyevile ne anloa. Azua ɛhye mɔ wɔ zolɛ: Mahalabe, Akezebe,