Ɛzoanvolɛma Gyima ne 12:12 - BAEBOLO ANZƐƐ BULUKU NWUANZANWUANZA

¹² Mɔɔ ɔnwunle ye zɛhae la, Pita luale zolɛ hɔle Dwɔn Maake ɔ nli Mɛle sua nu, ɛnee menli dɔɔnwo ɛyia ɛkɛ na bɛlɛyɛ nzɛlɛlɛ.

Ɛzoanvolɛma Gyima ne 12:12 ပူးပေါင်းရင်းမြစ်များ

Ayezaya Buluku ne 65:24

Bɛnrɛvɛlɛ bɔbɔ na mealie bɛ zo; mebade bɛ edwɛkɛ wɔ mekɛ mɔɔ bɛ nloa wɔ zo bɛlɛsɛlɛ la.

Ɛzoanvolɛma Gyima ne 12:25

Baanabase nee Sɔɔlo wiele bɛ gyima ne di la, bɛvi Gyɛlusalɛm bɛhɔle, na bɛvale Dwɔn Maake bɛbokale bɛ nwo.

Ɛzoanvolɛma Gyima ne 12:5

Yemɔti Pita lale efiade ne, na diedima ne noko anye bolole yɛle nzɛlɛlɛ ɛsesebɛ kpalɛ manle ye.

Ɛzoanvolɛma Gyima ne 13:13

Pɔɔlo nee ɔ gɔnwo mɔ vi Peefɔso la bɛvale ɛlɛne bɛrale Pɛga, wɔ Pamefelea maanzinli nu, na Dwɔn Maake gyakyile bɛ ɛkɛ ne ziale hɔle Gyɛlusalɛm.

Ɛzoanvolɛma Gyima ne 13:5

Mɔɔ bɛdwule Salamese la, bɛhanle Nyamenle edwɛkɛ ne wɔ Dwuuma nyianu sua ne anu. Bɛ nee Dwɔn Maake a hɔle a na ɔboale bɛ wɔ gyima ne ɛyɛlɛ nu.

Ɛzoanvolɛma Gyima ne 16:40

Pɔɔlo nee Saelase vi efiade ɛkɛ ne la, bɛhɔle Ledea sua nu. Bɛhɔdole mediema ne bie mɔ wɔ ɛkɛ, bɛdendɛle bɛhilele bɛ, bɛzile bɛ ahonle, na akee bɛhɔle.

Ɛzoanvolɛma Gyima ne 4:23

Mɔɔ bɛgyakyile bɛ la, Pita nee Dwɔn ziale hɔle bɛ gɔnwo mɔ anwo ɛkɛ na bɛhanle mɔɔ sɛlɛvolɛ mgbanyinli nee maanle mgbanyinli ne mɔ hanle la amuala bɛhilele bɛ.

Kɔlɔ 4:10

Alesetaakɛse mɔɔ nee me a la efiade ye la yɛɛ Maake mɔɔ le Baanabase adiema ne biza bɛ ahye. (Memaa bɛde ye dɛba kɛ saa bɛnwu Maake a bɛlie ye gyɛlɛɛnye.)

2 Tem 4:11

Yeha Luku angomekye ala wɔ me nwo ɛke. Nea kɛ ɛ sa kɛha Maake na ɛ nee ye bɛrɛla, ɔluakɛ ɔkɛhola ɔkɛboa me.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:24

Zɔhane ala yɛɛ me gɔnwo mɔ gyimayɛvoma Maake, Alesetaakɛse, Dimase, yɛɛ Luku bɛdabɛ bɛbiza wɔ ahye a.

1 Pit 5:13

Bɛ mediema asɔnema mɔɔ wɔ Babelɔn, mɔɔ bɛdabɛ Nyamenle ɛkpa nu ɛye bɛ la biza bɛ ahye. Me ra Maake noko ɔdaye ɔbiza bɛ ahye.