Ɛzoanvolɛma Gyima ne 12:1 - BAEBOLO ANZƐƐ BULUKU NWUANZANWUANZA

¹ Mekɛ ɛhye anu ala Belemgbunli Hɛlɔdo vale ɔ nye wulale diedima ne bie mɔ anyunlu.

Ɛzoanvolɛma Gyima ne 12:1 ပူးပေါင်းရင်းမြစ်များ

Edwɛndolɛ Buluku ne 125:3

Amumuyɛma ɛnrɛli belemgbunli wɔ tenlenema azɛlɛ zo dahuu; anrɛɛ tenlenema kɛdwazo kɛli ɛtane.

Edwɛkpa ne kɛmɔ Mateyu hɛlɛle la 14:1

Mekɛ ne anu ala Hɛlɔdo mɔɔ ɛnee le amɛnlado mɔɔ sie Galeli maanle ne la dele Gyisɛse nganeɛ,

Edwɛkpa ne kɛmɔ Mateyu hɛlɛle la 14:3

Na yemɔ a le kɛ, Hɛlɔdo manle bɛhyele Dwɔn, bɛguale ye nwɔnzɔnwɔnzɔ na bɛdole ye efiade. Ɔ diema Felepe aye Hɛlɔdease ati a ɔyɛle ɛhye a,

Edwɛkpa ne kɛmɔ Mateyu hɛlɛle la 14:6

Kenle ko Hɛlɔdo awolɛ kenle dwule na ɔdi ye ɛvoyia la, Hɛlɔdease ara raalɛ ne razile agole lieliele menli ne anye. Hɛlɔdo anye liele ye agolezilɛ ne anwo kpole,

Edwɛkpa ne kɛmɔ Mateyu hɛlɛle la 24:9

“Akee bɛbahye bɛ na bɛahɔye bɛ bɛamaa bɛadea bɛ na bɛahu bɛ. Aleɛabo amra amuala bakpɔ bɛ wɔ me ti.

Edwɛkpa ne kɛmɔ Luku hɛlɛle la 22:53

Dahuu me nee bɛ a wɔ Ɛzonlenlɛ Sua ne anu a, na bɛangola bɛangye me. Na awozinli nu tumi ne ɛdwazo, yemɔti bɛ mekɛ ne ala ɛne!”

Dw 15:20

Bɛhakye mɔɔ meha mehile bɛ la; ‘Akɛlɛ ɛnle kpole ɛndɛla ɔ menle.’ Saa bɛyɛle me kpɔdekpɔde a ɛnee bɛbayɛ bɛdabɛ noko kpɔdekpɔde; saa bɛlile me ngilehilelɛ zo a, ɛnee bɛbali bɛdabɛ noko bɛ ngilehilelɛ zo.

Dw 16:2

Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

Ɛzoanvolɛma Gyima ne 11:30

Bɛyɛle ɛhye na bɛvale mɔɔ bɛnyianle ye la bɛmanle Baanabase nee Sɔɔlo hɔmanle mgbanyima ne mɔ wɔ Gyɛlusalɛm.

Ɛzoanvolɛma Gyima ne 12:2

Ɔmanle bɛpɛle Dwɔn adiema Gyemise ati.

Ɛzoanvolɛma Gyima ne 4:30

Kile wɔ tumi wɔ ayileyɛlɛ nu, na boa maa yɛlua wɔ Sonvolɛ Nwuanzanwuanza Gyisɛse duma nu yɛyɛ nwanwane ninyɛne.”

Ɛzoanvolɛma Gyima ne 9:31

Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.