Ɛzoanvolɛma Gyima ne 11:8 - BAEBOLO ANZƐƐ BULUKU NWUANZANWUANZA

⁸ Na menganle kɛ, ‘Kyɛkyɛ, Awulae, debie mɔɔ le kyibadeɛ anzɛɛ nwolɛ ɛnde la metɛdile bie ɛlɛ.’

Ɛzoanvolɛma Gyima ne 11:8 ပူးပေါင်းရင်းမြစ်များ

Hozia Buluku ne 9:3

Yizilayɛma ɛnrɛdɛnla Ɛdɛnkɛma azɛlɛ ne azo; Yifelaemma bazia ahɔ Yigyibiti na bɛali aleɛ mɔɔ nwolɛ ɛnde la wɔ Aselea.

Sɛlɛ 10:10

Ɔwɔ kɛ bɛnwu mɔɔ le nwuanzanwuanza la na bɛnwu mɔɔ anwo ɛngyia la; ɔwɔ kɛ bɛnwu mɔɔ anwo te la na bɛnwu mɔɔ anwo ɛnde la.

Sɛlɛ 11:47

Mɛla ne kile ninyɛne mɔɔ anwo te nee mɔɔ anwo ɛnde, nee debie biala mɔɔ lɛ ngoane mɔɔ ɔwɔ kɛ bɛdi nee mɔɔ ɔnle kɛ bɛdi la.

Edwɛkpa ne kɛmɔ Maake hɛlɛle la 7:2

Na bɛnwunle kɛ ye ɛdoavolɛma ne bie mɔ lɛ bɛ sa anwo evinli ɛlɛdi debie, yemɔ a le kɛ, bɛanrinzi bɛ sa anwo wɔ adenle mɔɔ Falasiima ne kile kɛ ɔwɔ kɛ bɛyɛ ye la anu. (

Ɛzoanvolɛma Gyima ne 11:7

Na mendele kɛ ɛnelɛ bie se, ‘Pita, dwazo na ku bie di!’

Ɛzoanvolɛma Gyima ne 11:9

Na ɛnelɛ ne vi anwuma rale bieko kɛ, ‘Debie biala mɔɔ Nyamenle ɛde nwolɛ la mmabu ye kɛ nwolɛ ɛnde!’

Wulo 14:14

Sumunli kɛ me nee Awulae Gyisɛse lile ngamɔnu la menwu ye kɔsɔɔ kɛ aleɛ biala ɛnle ɛkɛ mɔɔ anwo ɛnde a. Na saa awie dwenle kɛ bie anwo ɛnde a, ɛnee nwolɛ ɛnde ɛmmaa ɔdaye ɔ ngome,

1 Kɔl 7:14

Ɔluakɛ diedinli yelɛ ne te kunli ne mɔɔ ɛnlɛ diedi la anwo maa ɔsɔ Nyamenle anye, yɛɛ diedinli nrenya ne te ɔ ye ne mɔɔ ɛnlɛ diedi la anwo maa ɔsɔ Nyamenle anye. Saa yeamba ye zɔhane a bɛ mra ne mɔ anwo ɛnrɛde, na ɔnle zɔ, bɛ nwo te.