Ɛzoanvolɛma Gyima ne 11:5 - BAEBOLO ANZƐƐ BULUKU NWUANZANWUANZA

⁵ Ɔse, “Ɛnee mewɔ suakpole ne mɔɔ bɛfɛlɛ ye Dwɔpa la azo melɛyɛ nzɛlɛlɛ, na me nye hɔle dɔɔnwo, na menwunle debie bie mɔɔ le kɛ ɛdanlɛ mɔɔ bɛdedɛ ɔ nloa nna ne amuala anu la kɛ ɔvi anwuma na bɛlɛdwula ye aze, na ɔradwule me nyunlu ɛkɛ ne la, ɔgyinlanle.

Ɛzoanvolɛma Gyima ne 11:5 ပူးပေါင်းရင်းမြစ်များ

Yizikeɛle Buluku ne 2:9

Na menwunle kɛ bɛdende ɛsalɛ bie me nwo na ɔlɛ nwoma mɔɔ bɛhɛlɛ nu la.

Emɔzo Buluku ne 8:2

Ɛdɛnkɛma bizale me kɛ, “Emɔso, duzu a ɛnwu ye la?” Membuale ye kɛ, “Menwu mbakama kɛndɛne ko.” Ɛdɛnkɛma zele me kɛ, “Me menli Yizilayɛma awieleɛ kenle ne ɛdwu. Menrɛhakyi me adwenle, ɛdeanlɛ ne ala a metea bɛ a.

Ɛzoanvolɛma Gyima ne 22:17

“Menziale mengɔle Gyɛlusalɛm na mɔɔ mewɔ Ɛzonlenlɛ Sua ne anu melɛyɛ nzɛlɛlɛ la, me nye hɔle dɔɔnwo,

Ɛzoanvolɛma Gyima ne 9:10

Kelaese ɛdoavolɛ bie wɔ Dɛmasekɛse, bɛfɛlɛ ye Ananayase. Wɔ ɛnyelɛzodeɛnwunlɛ nu, ɔdele kɛ Awulae se, “Ananayase!” Ɔliele zolɛ kɛ, “Awulae, medame ɛ.”

Ɛzoanvolɛma Gyima ne 9:36

Dwɔpa noko, raalɛ bie wɔ ɛkɛ, bɛfɛlɛ ye Tabeta. (Ye duma ne Giliki nu a le Dɔkase.) Ɔle ɛdoavolɛ. Raalɛ ɛhye vale ye mekɛ yɛle ahunlunyele gyima na ɔboale ehyianvolɛma.

Ɛzoanvolɛma Gyima ne 9:38

Dwɔpa nee Leda anwa biala. Yemɔti mɔɔ diedima ne mɔɔ wɔ Dwɔpa la dele kɛ Pita wɔ Leda la, bɛzoanle menli nwiɔ bɛmanle bɛhɔvale nrɛlaleɛ bɛhɔmanle ye kɛ. “Yɛsɛlɛ wɔ, bɔ mɔdenle ka ɛ nwo bɛla.”

Ɛzoanvolɛma Gyima ne 9:42

Edwɛkɛ ɛhye kpondenle Dwɔpa amuala, na menli somaa ne ala liele Awulae lile.