Ɛzoanvolɛma Gyima ne 11:3 - BAEBOLO ANZƐƐ BULUKU NWUANZANWUANZA

³ na bɛbizale ye kɛ, “Kɛ ɔyɛle mɔɔ ɛhɔle menli mɔɔ ɛtɛyɛle bɛ mrenyanu nzonlɛ la sua nu na ɛ nee bɛ dole bɛ sa ɛyɛba ko anu ɛ?”

Ɛzoanvolɛma Gyima ne 11:3 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 9:11

Falasiima bie mɔ nwunle ye na bɛzele Gyisɛse ɛdoavolɛma ne kɛ, “Duzu ati a bɛ menle nee adwuledievolɛma nee bɛdabɛ mɔɔ awie ɛmbu bɛ la to bɛ sa ɛyɛba ko anu ɛ?”

Edwɛkpa ne kɛmɔ Luku hɛlɛle la 15:2

Na Falasiima ne nee mɛla kilehilevolɛma ne mɔ dendɛle bɛ nzo abo kɛ, “Nrenya ɛhye nee ɛtanevolɛma tu na ɔ nee bɛ to bɛ sa ɛyɛba ko anu.”

Dw 18:28

Bɛvale Gyisɛse bɛvile Kayafase sua nu na bɛ nee ye hɔle Wulomu amɛnlado ne suakunlu; ɛnee asɛɛ maanle nu ɛtete. Dwuuma ne angɔ amɛnlado ne suakunlu ɛkɛ ne bie, ɔboalekɛ ɛnee bɛkulo kɛ bɛsie bɛ nwo bɔkɔbɔkɔ, kɛmɔ bɛ ɛzonlenlɛ ne kile la, amaa bɛanyia adenle bɛali Akpabɛnwo Ɛvoyia aleɛ ne bie.

Ɛzoanvolɛma Gyima ne 10:23

Na Pita vale bɛ hɔle sua nu na ɔmanle bɛ ɛleka bɛlale. Aleɛ hyenle la ɔboɔboale ɔ nwo na ɔ nee bɛ hɔle; diedima bie mɔ mɔɔ wɔ Dwɔpa la nee ye hɔle.

Ɛzoanvolɛma Gyima ne 10:28

Na ɔzele bɛ kɛ, “Bɛdabɛ bɛze ye wienyi kɛ wɔ Dwuu ɛzonlenlɛ ne anu, bɛmmaa adenle bɛmmaa yɛ nee bɛdabɛ mɔɔ bɛnle Dwuuma la ɛnfonla. Noko Nyamenle ɛye ɛhile me kɛ memmabu awie biala kɛ ɔ nwo ɛnde.

Ɛzoanvolɛma Gyima ne 10:32

Yemɔti soa awie wɔ Dwɔpa maa ɔhɔva nrenya ne mɔɔ bɛfɛlɛ ye Saemɔn Pita la. Ɔ nee Saemɔn mɔɔ yɛ nwoma nwo gyima la a de a, wɔ nyevilenloa ɛkɛ.’

Ɛzoanvolɛma Gyima ne 10:48

Yemɔti ɔmanle bɛzɔnenle bɛ wɔ Gyisɛse Kelaese duma nu. Na bɛzɛlɛle ye bɛ nee ye dɛnlanle mekɛ ekyi.

1 Kɔl 5:11

Na mɔɔ mekpondɛ meaha la a le kɛ, bɛ nee awie biala mɔɔ fɛlɛ ɔ nwo Keleseɛnenli na ɔbɔ ɛbɛla mgbane mgbane, ɔle anyebolo, ɔsonle awozonle, ɔ nloa ɛdendɛlɛ ɛnyɛ fɛ, ɔle nzanli anzɛɛ ɔle awule la mmatu. Bɛ nee sonla zɛhae mmatɛnla ɛkponle nwo bɔbɔ di debie.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:12

Alumua ne mɔɔ ɛnee menli bie mɔɔ Gyemise zoanle bɛ la ɛtɛbale la, ɛnee Pita nee mediema mɔɔ ɛnle Dwuuma la a di debie a. Na mɔɔ menli ne mɔ dwule ala la yɛɛ Pita hwenle ɔ nwo a, kɛ akee ɔ nee bɛ ɛnrɛdo ɛsalɛ bieko, ɔboalekɛ ɔsulo bɛdabɛ mɔɔ bɛ adwenle a le kɛ ɔwɔ kɛ bɛyɛ bɛ mrenyanu nzonlɛ la.

2 Dw 1:10

Saa awie ba bɛ ɛkɛ ne na ɔngilehile mɔɔ Kelaese hilehilele la a, bɛmmadie ye bɛkɔ bɛ azua nu; bɛmmayɛ ye akoaba bɔbɔ.