Ɛzoanvolɛma Gyima ne 11:26 - BAEBOLO ANZƐƐ BULUKU NWUANZANWUANZA

²⁶ Mɔɔ ɔnwunle ye la ɔ nee ye rale Anteɔko. Bɛ mu nwiɔ bɛ nee asɔnema ne dɛnlanle ɛvolɛ ko na bɛhilehilele bɛ. Na Anteɔko ɛkɛ yɛɛ bɛlumuale bɛvɛlɛle ɛdoavolɛma ne Keleseɛnema a.

Ɛzoanvolɛma Gyima ne 11:26 ပူးပေါင်းရင်းမြစ်များ

Ayezaya Buluku ne 65:15

Me menli ne mɔɔ mekpa nu meye bɛ la bava bɛ duma awa amonle, yɛɛ Awulae Nyamenle ne bahu bɛ; na me sonvolɛma ne ɛdeɛ, mebava duma fofolɛ meavɛlɛ bɛ.

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Dw 2:2

yɛɛ bɛdole ɛsalɛ bɛvɛlɛle Gyisɛse nee ye ɛdoavolɛma ne mɔ noko.

Ɛzoanvolɛma Gyima ne 1:15

Mekɛ ne anu diedima ne yiale nu. Bɛ nloa kɛyɛ ɛya ko abulanwiɔ. Pita dwazole zele bɛ kɛ,

Ɛzoanvolɛma Gyima ne 11:20

Diedima ne bie mɔ mɔɔ vi Saepelɛse nee Saelin la noko hɔhanle Edwɛkpa ne wɔ Anteɔko hilele bɛdabɛ mɔɔ bɛnle Dwuuma la.

Ɛzoanvolɛma Gyima ne 11:22

Gyɛlusalɛm asɔne ne dele ɛhye, na bɛzoanle Baanabase wɔ Anteɔko.

Ɛzoanvolɛma Gyima ne 11:27

Mekɛ ne anu ala Nyamenle kpɔmanvolɛma bie vi Gyɛlusalɛm rale Anteɔko.

Ɛzoanvolɛma Gyima ne 11:29

Yemɔti diedima ne bɔle kpɔkɛ kɛ bɛkeha bɛ sa aze na mɔɔ bɛkɛnyia ye la bɛava bɛahɔboa mediema mɔɔ wɔ Dwudiya la.

Ɛzoanvolɛma Gyima ne 14:20

Na mɔɔ diedima ne rabɔle yiale ye la, ɔ nye rale zolɛ na ɔdwazole ɔ nee bɛ hɔle sua nu. Aleɛ hyenle la ɔ nee Baanabase bɛhɔle Dɛbi.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 14:23

Bɛzieziele mgbanyima bɛmanle bɛ, na bɛvale ɛhɔnehyelɛ nee nzɛlɛlɛ bɛdule bɛ bɛwulale Awulae ne mɔɔ bɛva bɛ rɛle bɛwule ye nu la asa anu.

Ɛzoanvolɛma Gyima ne 14:27

Mɔɔ bɛradwule Anteɔko la, bɛyiale asɔnema ne amuala na bɛhanle mɔɔ Nyamenle ɛva bɛ ɛyɛ la amuala bɛhilele bɛ, nee kɛ yezi yebuke diedi adenle yemaa bɛdabɛ mɔɔ bɛnle Dwuuma la.

Ɛzoanvolɛma Gyima ne 14:28

Na bɛ nee diedima ne dɛnlanle ɛkɛ ne hyɛle dɔɔnwo.

Ɛzoanvolɛma Gyima ne 18:27

Apɔlɔso yɛle ye adwenle kɛ ɔkaluolua Akaya (Giliki maanle nu) yeaha Nyamenle edwɛkɛ ne, zɔhane ati mediema ne mɔ boale ye na bɛhɛlɛle kɛlata bɛmanle ɔhɔmanle mediema mɔɔ wɔ nehane la, kɛ bɛlie ye kɛnlɛma gyɛlɛɛnye. Ɔhɔdwule la ɔyɛle moalɛ kpole ɔmanle bɛdabɛ mɔɔ bɛlua Nyamenle ɛlolɛ zo bɛrayɛ diedima la.

Ɛzoanvolɛma Gyima ne 19:9

Na kɛmɔ bie mɔ ahonle ɛsolo la ati, bɛ muala bɛanlie bɛanli. Bie mɔ dendɛle ɛtane tiale Awulae Adenle ne wɔ menli somaa ne anyunlu. Zɔhane ati Pɔɔlo gyakyile bɛ na ɔ nee diedima ne mɔ akee kɔtendɛ na ɔkilehile bɛ wɔ Taelanɛse sukulu sua ne anu alehyenlɛ biala.

Ɛzoanvolɛma Gyima ne 20:1

Nzinlii mɔɔ nzakadolɛ ne guale la, Pɔɔlo vɛlɛle ɛdoavolɛma ne na ɔmanle bɛ akɛnrazilɛ, ɔ nee bɛ lile nrɛlaleɛ na ɔhɔle Masidonea.

Ɛzoanvolɛma Gyima ne 20:30

Mekɛ bara mɔɔ menli vi bɛ avinli badwazo araha edwɛkɛ adalɛ ahwe diedima ne bie mɔ ahɔli bɛ nzi a.

Ɛzoanvolɛma Gyima ne 21:4

Yɛnwunle diedima ne bie mɔ wɔ ɛkɛ, na yɛ nee bɛ hɔdɛnlanle dapɛne ko. Na bɛluale Sunsum Nwuanzanwuanza ne anwo zo bɛzele Pɔɔlo kɛ ɔmmakɔ Gyɛlusalɛm.

Ɛzoanvolɛma Gyima ne 26:28

Agelepa bizale Pɔɔlo kɛ, “Ɛnee ɛdwenle kɛ mekɛ ekyi ɛhye ala anu ɛmaa meayɛ Keleseɛnenli ɔ?”

Ɛzoanvolɛma Gyima ne 6:1

Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

Ɛzoanvolɛma Gyima ne 6:5

Ɛzoanvolɛma ne mɔ nzuzulɛ ne zɔle bɛ kɔsɔɔti bɛ nye, na bɛyele Sitivin, mɔɔ lɛ diedi ne anu kpundii na Sunsum Nwuanzanwuanza ne ɛyi ye tɛkɛɛ la, Felepe, Polɔkɔlɛse, Nekanɔ, Taemɔn, Paamɛnase, yɛɛ Nekɔlɔso mɔɔ vi Anteɔko, mɔɔ ɛnle Dwuunli na yehakyi ɔsonle Dwuuma Nyamenle ne la.

Ɛzoanvolɛma Gyima ne 9:19

Akee ɔlile debie na ɔ nwo gyinlanle ye. Sɔɔlo nee ɛdoavolɛma ne dɛnlanle mekɛ ekyi wɔ Dɛmasekɛse,

Ɛzoanvolɛma Gyima ne 9:38

Dwɔpa nee Leda anwa biala. Yemɔti mɔɔ diedima ne mɔɔ wɔ Dwɔpa la dele kɛ Pita wɔ Leda la, bɛzoanle menli nwiɔ bɛmanle bɛhɔvale nrɛlaleɛ bɛhɔmanle ye kɛ. “Yɛsɛlɛ wɔ, bɔ mɔdenle ka ɛ nwo bɛla.”

1 Kɔl 11:18

Mɔɔ lumua, mede kɛ bɛyia nu a ɛnee bɛ avinli ɛkpakyekpakye. Na ɔyɛ medame noko kɛ ɛhye foa ko bie le nɔhalɛ.

1 Kɔl 12:12

Kɛmɔ sonlabaka ne le ko na ye nvɛyeba ne mɔ zonle, na biala le ngakyile la, zɔhane ala yɛɛ Kelaese de a.

1 Kɔl 14:23

Yemɔti, saa asɔnema kɔsɔɔti yia nu na awie biala bɔ ɔ bo kɛ ɔka aneɛ ngakyile, na saa menli mɔɔ ɛnze Nyamenle anzɛɛ bɛnlie bɛnli la bie mɔ ba ayia ne abo a, asoo bɛnrɛha kɛ bɛ muala bɛbɔ ɛlane ɔ?

1 Kɔl 4:17

Ɛhye ala ati a melɛsoa Temɔte, mɔɔ le me ra mɔɔ mekulo ye, na Awulae ati ɔdi nɔhalɛ la wɔ bɛ nwo lɔ a. Ɔbahakyehakye bɛ ɛbɛla ɛbɔlɛ fofolɛ ndenle ne mɔ mɔɔ Kelaese ati melua nu melɛkilehile asɔne ne mɔ mɔɔ wɔ ɛleka biala la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:15

mɔɔ ye nehane a abusua biala mɔɔ wɔ anwuma nee aze la nyia ye nɔhalɛ duma la,

Gyemise Kɛlata ne 2:7

Asoo tɛ sukoavolɛma a ka duma kpalɛ ne mɔɔ bɛfa bɛfɛlɛ bɛ la anwo edwɛkɛ ɛtane ɛtane la?

1 Pit 4:14

Saa Kelaese duma nu ti bɛkile bɛ nyane a, nyilalɛ ɛha bɛ, ɔluakɛ ɛhye kile kɛ anyunlunyia sunsum ne mɔɔ le Nyamenle Sunsum ne wɔ bɛ nwo zo.

1 Pit 4:16

Na saa awie le Kelaese ɛdoavolɛ la ati ɔnwu amaneɛ a, ɔmmamaa ɔyɛ ye nyiane, na ɔyɛ Nyamenle mo kɛ ɔlɛ Kelaese duma ne anu a.

1 Dw 2:27

Bɛmɛ, Sunsum ne mɔɔ Kelaese ɛwola ɛgua bɛ nwo zo la tɛbɔ bɛ nwo, yemɔti bɛngyia kilehilevolɛ bieko, ɔluakɛ ye Sunsum ne bahilehile bɛ debie biala, yɛɛ ɔnle adalɛ, ɔka nɔhalɛ. Ngilehilelɛ mɔɔ yeva yemaa bɛ la bɛli zo na bɛ nee Kelaese ɛyɛ ko ɛdɛnla.

Yekile 3:18

Ɛhye ati metu wɔ folɛ kɛ badɔ ezukoa nvutuke kpalɛ mɔɔ bɛva senle bɛdu nuhua la fi me ɛkɛ, amaa wɔanyia ɛ nwo. Badɔ adɛladeɛ fufule wula keda wɔ amumuyɛ nee wɔ anyiemgba mɔɔ ɛla ali la azo. Badɔ ayile gua ɛ nye zo, amaa wɔanwu debie.