Ɛzoanvolɛma Gyima ne 11:20 - BAEBOLO ANZƐƐ BULUKU NWUANZANWUANZA

²⁰ Diedima ne bie mɔ mɔɔ vi Saepelɛse nee Saelin la noko hɔhanle Edwɛkpa ne wɔ Anteɔko hilele bɛdabɛ mɔɔ bɛnle Dwuuma la.

Ɛzoanvolɛma Gyima ne 11:20 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 27:32

Bɛzile nu mɔɔ bɛkɔ la, bɛ nee nrenya bie mɔɔ bɛfɛlɛ ye Saemɔn mɔɔ vi Saelini maanle nu la yiale, na bɛhyele ye mialera nu bɛmanle ɔzoale Gyisɛse meanubaka ne.

Dw 7:35

Dwuu mgbanyima ne hanle ye wɔ bɛ nwo ɛkɛ ne kɛ, “Ɛnee nienwu ɛleka a ɔkɔ mɔɔ yɛkpondɛ ye a yɛnrɛnwu ye a? Ɛnee ɔkɔ Giliki azuamgbole ne mɔ bie azo ɛleka mɔɔ Dwuuma bie mɔ wɔ la yeahɔhilehile Gilikima ɔ?

Ɛzoanvolɛma Gyima ne 11:19

Sitivin ɛhunlɛ ne anzi, kpɔdekpɔde mɔɔ bɛyɛle diedima ne la manle bɛbɔle asande, bie mɔ hɔvindele Fonehyea, Saepelɛse nee Anteɔko bɛhɔhanle Edwɛkpa ne bɛhilele Dwuuma mɔɔ wɔ lɔ la ala.

Ɛzoanvolɛma Gyima ne 11:22

Gyɛlusalɛm asɔne ne dele ɛhye, na bɛzoanle Baanabase wɔ Anteɔko.

Ɛzoanvolɛma Gyima ne 11:26

Mɔɔ ɔnwunle ye la ɔ nee ye rale Anteɔko. Bɛ mu nwiɔ bɛ nee asɔnema ne dɛnlanle ɛvolɛ ko na bɛhilehilele bɛ. Na Anteɔko ɛkɛ yɛɛ bɛlumuale bɛvɛlɛle ɛdoavolɛma ne Keleseɛnema a.

Ɛzoanvolɛma Gyima ne 11:27

Mekɛ ne anu ala Nyamenle kpɔmanvolɛma bie vi Gyɛlusalɛm rale Anteɔko.

Ɛzoanvolɛma Gyima ne 13:1

Nyamenle kpɔmanvolɛma nee kilehilevolɛma wɔ Anteɔko asɔne ne anu, bɛmɛ a le Baanabase, Semɛyɔn (mɔɔ bɛfɛlɛ ye Bile), Luseɛse (mɔɔ vi Saelin), Maneeyen (mɔɔ bɛtetele ye nee Amɛnlado Hɛlɔdo), yɛɛ Sɔɔlo.

Ɛzoanvolɛma Gyima ne 14:26

Bɛvi ɛkɛ ne la bɛvale ɛlɛne bɛziale bɛrale Anteɔko. Ɛke a bɛdule bɛ bɛwulale Nyamenle ɛlolɛ ne abo kolaa na bɛabɔ bɛ gyima ɛhye mɔɔ bɛwie ye di la abo a.

Ɛzoanvolɛma Gyima ne 15:22

Ɛzoanvolɛma ne nee mgbanyima ne mɔ, nee asɔnema ne mɔ amuala akee bɔle kpɔkɛ kɛ bɛsoa menli bɛamaa bɛ nee Pɔɔlo nee Baanabase ahɔ Anteɔko. Bɛdule menli nwiɔ mɔɔ bɛbu bɛ kpalɛ la bɛmanle bɛ nee bɛ hɔle. Bɛmɛ a le Dwudase mɔɔ eza bɛfɛlɛ ye Baasabase la, yɛɛ Saelase.

Ɛzoanvolɛma Gyima ne 15:23

Na bɛvale kɛlata ɛhye bɛmanle bɛ kɛ bɛva bɛhɔ: “Yɛdayɛ bɛ mediema ɛzoanvolɛma nee asɔne mgbanyima, yɛlɛ mediema ɛhulolɛ yɛbiza mediema mɔɔ ɛnle Dwuuma mɔɔ wɔ Anteɔko, Selesea, yɛɛ Selea la amuala ahye.

Ɛzoanvolɛma Gyima ne 15:30

Menli mɔɔ bɛzoanle bɛ la hɔdwule Anteɔko la, bɛboɔboale diedima ne kɔsɔɔti anloa na bɛyele kɛlata ne bɛmanle bɛ.

Ɛzoanvolɛma Gyima ne 17:18

Eku nwiɔ bie mɔɔ Ɛpekulɛse nee Zɛno a dele la anu kilehilevolɛma rale na bɛ nee Pɔɔlo razule kpolera na bɛzele kɛ, “Na sonlamgbane ɛhye, duzu edwɛkɛ yɛɛ ɔkpondɛ yeaha a?” Bie mɔ noko se, “Ɔzɔho kɛ ɔlɛbɔ ɛzonlenlɛ fofolɛ bie anwo nolo.” Bɛhanle ɛhye, ɔluakɛ Pɔɔlo hanle Gyisɛse nee ewudwazo nwo edwɛkɛ.

Ɛzoanvolɛma Gyima ne 18:22

Ɔradwule Sizalia la ɔbɔle hwii ɔhɔle Gyɛlusalɛm ɔhɔkpɔlale asɔnema ne mɔ na ɔpɛle nu ɔhɔle Anteɔko.

Ɛzoanvolɛma Gyima ne 2:10

Felegyea, Pamefelea, Yigyibiti nee Lebea maanzinli ne mɔɔ bikye Saelin. Yɛ bie mɔ noko vi Wulomu,

Ɛzoanvolɛma Gyima ne 4:36

Zɔhane ala yɛɛ Dwosefi ɔdaye noko ɔyɛle a. Nrenya ɛhye boka Livae abusua ne anwo. Bɛwole ye wɔ bɔra ne mɔɔ bɛfɛlɛ ye Saepelɛse la azo na ɛzoanvolɛma ne donle ye Baanabase. (Wɔ Hibulu aneɛ ne anu a duma ne abo a le “Sonla mɔɔ maa akɛnrasesebɛ la.”)

Ɛzoanvolɛma Gyima ne 5:42

Yemɔti dahuu bɛhɔle Ɛzonlenlɛ Sua ne anu nee azua nu bɛhilehilele na bɛbɔle Edwɛkpa ne mɔɔ fane Gyisɛse anwo la nolo kɛ yemɔ a ɔle Mɛzaya ne a.

Ɛzoanvolɛma Gyima ne 6:1

Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

Ɛzoanvolɛma Gyima ne 6:5

Ɛzoanvolɛma ne mɔ nzuzulɛ ne zɔle bɛ kɔsɔɔti bɛ nye, na bɛyele Sitivin, mɔɔ lɛ diedi ne anu kpundii na Sunsum Nwuanzanwuanza ne ɛyi ye tɛkɛɛ la, Felepe, Polɔkɔlɛse, Nekanɔ, Taemɔn, Paamɛnase, yɛɛ Nekɔlɔso mɔɔ vi Anteɔko, mɔɔ ɛnle Dwuunli na yehakyi ɔsonle Dwuuma Nyamenle ne la.

Ɛzoanvolɛma Gyima ne 6:9

Yemɔti menli bie mɔɔ fɛlɛ bɛ nwo “Fanwodi Sukuluma” na bɛvi Saelin nee Alɛzandelea, nee bie mɔ mɔɔ vi Selesea nee Ehyea la bɔle ɔ bo kɛ bɛ nee Sitivin su kpolera.

Ɛzoanvolɛma Gyima ne 8:35

Na Felepe bɔle ɔ bo wɔ Nyamenle Edwɛkɛ ɛhye azo, na ɔhanle Edwɛkpa ne mɔɔ fane Gyisɛse anwo la ɔhilele ye.

Ɛzoanvolɛma Gyima ne 8:5

Felepe hɔle Samɛlea suakpole bie azo hɔhanle Mɛzaya ne anwo edwɛkɛ hilele menli mɔɔ wɔ ɛkɛ ne la.

Ɛzoanvolɛma Gyima ne 9:20

na ɔhɔle nyianu azua ne mɔ anu ɔhɔbɔle nolo kɛ Gyisɛse, “Yemɔ a ɔle Nyamenle Ara ne a.”

Ɛzoanvolɛma Gyima ne 9:29

Eza ɔ nee Dwuuma mɔɔ ka Giliki la zule kpolera ɔmanle bɛnyianle adwenle kɛ bɛku ye.

1 Kɔl 2:2

Ɔluakɛ membɔle me ti anu kpɔkɛ kɛ me rɛle kɛvi debie biala wɔ mekɛ mɔɔ me nee bɛ de la na ɔkɛha Gyisɛse Kelaese angome nee ye meanubaka ne azo ewule ne ala,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:11

Na mɔɔ Pita rale Anteɔko la, ɔmanle mendwile ɔ nyunlu, ɔluakɛ ɛnee mɔɔ ɔlɛyɛ la ɛnle kpalɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,