Ɛzoanvolɛma Gyima ne 10:9 - BAEBOLO ANZƐƐ BULUKU NWUANZANWUANZA

⁹ Aleɛ hyenle, na mɔɔ bɛlua adenle zo na ɔka ekyii bɛdwu Dwɔpa la, ɛnee Pita ɔdaye yevo yehɔ sua ne mɔɔ ɔwɔ nu la ati zo anwuma kɛ ɔkayɛ ewiazo nzɛlɛlɛ.

Ɛzoanvolɛma Gyima ne 10:9 ပူးပေါင်းရင်းမြစ်များ

2 Sam 11:2

Kenle ko, mɔɔ sɛnzɛne ne tolole aze bie, na Devidi vi ye ewiazo nafelɛ nu dunwuele la, ɔvole suakunlu ɛkɛ ne sua ne ati zo ɔkpɔsɛkpɔsale zolɛ. Na ɔnwunle kɛ raalɛ bie ɛlɛbia. Raalɛ ne anwo yɛ fɛ bo zolɛ.

Edwɛndolɛ Buluku ne 55:17

Nɔsolɛ nu, nwonlomɔ nee ewiazo meka me nyane na mesu, na ɔbadie me ne.

Gyɛlɛmaya Buluku ne 19:13

Azua mɔɔ wɔ Gyɛlusalɛm, Dwuda arelemgbunli azua, yɛɛ azua mɔɔ bɛkpu ɛyɛlɛ zolɛ bɛmaa anwumaneamra na bɛva nwanye bɛgua bɛbɔ azu bɛmaa nyamenle gyɛne gyɛne la, evinli ɛha bɛ kɛ Tofɛte la.”

Gyɛlɛmaya Buluku ne 32:29

Babeloniama mɔɔ nee suakpole ye azo amra ɛlɛko la barado senle suakpole ye azo ayela ye, nee azua mɔɔ bɛkpu ɛyɛlɛ wɔ zolɛ bɛmaa bozonle Beeyale ne, na bɛva nza bɛye ɛdɛne zolɛ bɛmaa nyamenle gyɛne gyɛne bɛva bɛha me ɛya la.

Daneɛle Buluku ne 6:10

Daneɛle nwunle kɛ bɛlie mɛla ne bɛdo nu na belemgbunli ɛva ɔ sa ɛwula ɔ bo la, ɔhɔle sua nu, ɔbukebukele ye nvɛnzɛlɛ ne mɔ mɔɔ kɔne Gyɛlusalɛm afoa nu la ɔguale nwolɛ, na kenle ko biala ɔhotole ɔzɛlɛle na ɔyɛle ye Nyamenle ne mo fane nsa, kɛmɔ ɛnee ɔyɛ ye dɛba ne la.

Zɛfanaya Buluku ne 1:5

Bɛdabɛ mɔɔ bɛgyinla sua ti zo bɛbɔ bɛ ti aze bɛmaa anwumaneamra, bɛdabɛ mɔɔ bɛdi amonle bɛkile Ɛdɛnkɛma na eza bɛali amonle bɛahile bozonle Molɛke noko,

Edwɛkpa ne kɛmɔ Mateyu hɛlɛle la 20:5

Na bɛhɔle. Eza bɛbɔle dɔne bulu nee nwiɔ nee dɔne nsa la ɔvindele na ɔhɔyɛle zɔhane ala.

Edwɛkpa ne kɛmɔ Mateyu hɛlɛle la 24:17

Mɔɔ wɔ ye sua ti zo anwuma la mmaka kɛ ɔdwu aze yearava ye ninyɛne wɔ ye sua ne anu.

Edwɛkpa ne kɛmɔ Mateyu hɛlɛle la 27:45

Mɔɔ ɔdwule sɛnzɛngyinla la awozinli vale azɛlɛ ye kɔsɔɔti azo toonwo dɔnehwele nsa.

Edwɛkpa ne kɛmɔ Mateyu hɛlɛle la 6:6

Na bɛmɛ, saa bɛyɛ nzɛlɛlɛ a, bɛhɔvea bɛ sua kunlu ɛkɛ ne, bɛdo anlenkɛ ne anu na bɛyɛ nzɛlɛlɛ bɛvɛlɛ bɛ Ze mɔɔ wɔ anwuma mɔɔ bɛnnwu ye la, na bɛ Ze mɔɔ wɔ anwuma na ɔnwu fealera nu edwɛkɛ la bayila bɛ.

Edwɛkpa ne kɛmɔ Maake hɛlɛle la 1:35

Aleɛbahye ne ala, Gyisɛse dwazole vile sua ne azo na ɔhɔveale ɛleka bie ɔzɛlɛle.

Edwɛkpa ne kɛmɔ Maake hɛlɛle la 6:46

Ɔ nee menli ne wiele nrɛlaleɛ di la, akee ɔhɔle boka bie azo kɛ ɔkazɛlɛ.

Ɛzoanvolɛma Gyima ne 10:3

Kenle ko ewiazo kɛyɛ dɔne nsa ɔhɔle nzɛlɛlɛ ɛyɛlɛ la ɔnwunle ɛnyelɛzodeɛnwunlɛ. Nyamenle soanvolɛ ragyinlanle ɔ nyunlu ɛkɛ na ɔvɛlɛle ye kɛ, “Kɔnileɛse!”

Ɛzoanvolɛma Gyima ne 6:4

amaa yɛdayɛ noko yɛanyia mekɛ yɛayɛ nzɛlɛlɛ nee Edwɛkpa ne ɛhanlɛ gyima ne.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:18

Bɛva nzɛlɛlɛ bɛyɛ ɛhye mɔ amuala na bɛbiza Nyamenle moalɛ. Mekɛ biala bɛzɛlɛ kɛmɔ sunsum ne kile la. Zɔhane ati bɛmaa bɛ nye ɛbolo bɛbodo bɛzɛlɛ kpalɛ wɔ Sunsum ne anu dahuu. Bɛyɛ bɛ nye gyɛlɛmgbɛɛnye na bɛmmamaa bɛ sa kpa; bɛzɛlɛ dahuu bɛmaa Nyamenle menli ne noko,

1 Tem 2:8

Saa bɛyia nuhua kɛ bɛsonle a, mekpondɛ kɛ mrenya ala a yɛ nzɛlɛlɛ a. Ɔwɔ kɛ mrenya zɛhae mɔ yɛ menli mɔɔ bɛdu bɛ nwo bɛmaa Nyamenle na bɛkola bɛmaa bɛ sa zo bɛsɛlɛ mɔɔ ɛya anzɛɛ kpolerazulɛ biala ɛnle nu a.

1 Sam 9:25

Mɔɔ bɛvi ɛzonlenlɛ ɛleka ne bɛhɔle sua nu la, bɛzieziele dabelɛ wɔ sua ne ati zo bɛmanle Sɔɔlo,