Ɛzoanvolɛma Gyima ne 10:5 - BAEBOLO ANZƐƐ BULUKU NWUANZANWUANZA

⁵ Yemɔti soa maa bɛhɔ Dwɔpa bɛhɔva nrenya bie mɔɔ bɛfɛlɛ ye Saemɔn Pita la.

Ɛzoanvolɛma Gyima ne 10:5 ပူးပေါင်းရင်းမြစ်များ

Edwɛkpa ne kɛmɔ Maake hɛlɛle la 3:16

Menli bulu nee nwiɔ ne mɔɔ Gyisɛse vɛlɛle bɛ la a le ɛhye mɔ: Saemɔn mɔɔ Gyisɛse manle ye duma bieko kɛ bɛfɛlɛ ye Pita la,

Dw 1:42

Na ɔ nee Saemɔn bɛrale Gyisɛse ɛkɛ. Gyisɛse nleanle Pita koonwu na ɔzele ye kɛ, “Wɔmɔ a ɛle Saemɔn, mɔɔ le Dwɔn ara ne. Bɛbavɛlɛ wɔ Sifase.” (“Sifase” yemɔ ala a le “Pita” na ɔ bo a le “Bodane”.)

Ɛzoanvolɛma Gyima ne 10:18

Bɛvɛlɛle na bɛbizale kɛ, “Ɛyɛvolɛ bie wɔ ɛke mɔɔ bɛfɛlɛ ye Saemɔn Pita ɔ?”

Ɛzoanvolɛma Gyima ne 10:32

Yemɔti soa awie wɔ Dwɔpa maa ɔhɔva nrenya ne mɔɔ bɛfɛlɛ ye Saemɔn Pita la. Ɔ nee Saemɔn mɔɔ yɛ nwoma nwo gyima la a de a, wɔ nyevilenloa ɛkɛ.’

Ɛzoanvolɛma Gyima ne 15:7

Na bɛhehanle nwolɛ bie dedee la, Pita dwazole na ɔzele bɛ kɛ, “Ayi mɔ, bɛze kɛ mekɛ bie mɔɔ ɛraze ɛhɔ la, Nyamenle yele me bɛ avinli manle mengɔmbɔle Edwɛkpa ne nolo mengilele bɛdabɛ mɔɔ bɛnle Dwuuma la, amaa bɛdabɛ noko bɛade edwɛkɛ ne na bɛalie bɛali.

Ɛzoanvolɛma Gyima ne 16:9

Nɔe ne Pɔɔlo nwunle ɛnyelɛzodeɛnwunlɛ kɛ nrenya bie vi Masidonea ɛragyinla ɔ nyunlu ɛkɛ ne na ɔlɛkpa ye kyɛlɛ kɛ, “Bɛla Masidonea maanzinli nu na baboa yɛ!”

Ɛzoanvolɛma Gyima ne 9:36

Dwɔpa noko, raalɛ bie wɔ ɛkɛ, bɛfɛlɛ ye Tabeta. (Ye duma ne Giliki nu a le Dɔkase.) Ɔle ɛdoavolɛ. Raalɛ ɛhye vale ye mekɛ yɛle ahunlunyele gyima na ɔboale ehyianvolɛma.

Ɛzoanvolɛma Gyima ne 9:38

Dwɔpa nee Leda anwa biala. Yemɔti mɔɔ diedima ne mɔɔ wɔ Dwɔpa la dele kɛ Pita wɔ Leda la, bɛzoanle menli nwiɔ bɛmanle bɛhɔvale nrɛlaleɛ bɛhɔmanle ye kɛ. “Yɛsɛlɛ wɔ, bɔ mɔdenle ka ɛ nwo bɛla.”

Ɛzoanvolɛma Gyima ne 9:42

Edwɛkɛ ɛhye kpondenle Dwɔpa amuala, na menli somaa ne ala liele Awulae lile.

Ɛzoanvolɛma Gyima ne 9:43

Pita dɛnlanle Dwɔpa hyɛle dɔɔnwo wɔ nrenya bie mɔɔ yɛ nwoma nwo gyima mɔɔ bɛfɛlɛ ye Saemɔn la sua nu.