Ɛzoanvolɛma Gyima ne 10:47 - BAEBOLO ANZƐƐ BULUKU NWUANZANWUANZA

⁴⁷ “Menli ɛhye mɔ ɛnyia Sunsum Nwuanzanwuanza ne, kɛmɔ yɛnyianle ye ala la. Anzɛɛ awie kɛhola kɛze kɛ ɔnle kɛ yɛfa nzule yɛsɔne bɛ ɔ?”

Ɛzoanvolɛma Gyima ne 10:47 ပူးပေါင်းရင်းမြစ်များ

Ɛzoanvolɛma Gyima ne 10:44

Mɔɔ Pita anloa wɔ zolɛ ɛlɛtendɛ la, Sunsum Nwuanzanwuanza ne rawolole bɛdabɛ mɔɔ bɛlɛtie edwɛkɛ ne la.

Ɛzoanvolɛma Gyima ne 2:4

Sunsum Nwuanzanwuanza ne rayile bɛ tɛkɛɛ na bɛbɔle ɔ bo kɛ bɛka aneɛ ngakyile, kɛmɔ Sunsum ne vale manle bɛ kɛ bɛha la.

Ɛzoanvolɛma Gyima ne 8:12

Na mɔɔ bɛdele Edwɛkpa ne mɔɔ fane Nyamenle Belemgbunlililɛ ne anwo nee Gyisɛse Kelaese duma ne mɔɔ Felepe hanle nwolɛ edwɛkɛ la, mraalɛ nee mrenya kɔsɔɔti liele lile na bɛmanle bɛzɔnenle bɛ.

Ɛzoanvolɛma Gyima ne 8:36

Mɔɔ bɛlua adenle zo bɛlɛkɔ la, bɛrale azule bie anloa, na nrenya ne zele Felepe kɛ, “Nea, nzule ɛ! Duzu a si wɔ adenle mɔɔ ɔmaa ɛsɔne me a ɔnyɛ boɛ a?” [

Wulo 10:12

Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la.

Wulo 4:11

Nzinlii a Ebileham manle bɛyɛle ye mrenyanu nzonlɛ, ɔvale ɔyɛle sɛkɛlɛneɛ anzɛɛ nzonlɛ mɔɔ kile kɛ Nyamenle ɛlua ye diedi zo ɛmaa yezɔ ɔ nye a. Yemɔti Sunsum nu a, ɛnee Ebileham le bɛdabɛ mɔɔ bɛdie Nyamenle bɛdi na yelie bɛ kɛ bɛsɔ ɔ nye, noko bɛtɛyɛle bɛ mrenyanu nzonlɛ la bɛ ze.