Ɛzoanvolɛma Gyima ne 10:4 - BAEBOLO ANZƐƐ BULUKU NWUANZANWUANZA

⁴ Ɔnwunle Nyamenle soanvolɛ ne la, ɛzulolɛ hanle ye na ɔhanle kɛ, “Yɛmenle, duzu edwɛkɛ ɔ?” Nyamenle soanvolɛ ne buale ye kɛ, “Nyamenle ɛde wɔ nzɛlɛlɛ na yenwu wɔ ahunlunyele gyima ne amuala.

Ɛzoanvolɛma Gyima ne 10:4 ပူးပေါင်းရင်းမြစ်များ

2 Edk 32:24

Mekɛ ne anu Belemgbunli Hɛzikaya anwo dole ye mɔɔ ɔhale ye nee ewule a. Ɔzɛlɛle Ɛdɛnkɛma, na Ɛdɛnkɛma diele ye na ɔmanle ye sɛkɛlɛneɛ.

2 Edk 6:33

tie ye wɔ anwuma lɔ, ɛleka mɔɔ ɛde la na yɛ debie biala mɔɔ ɔkpondɛ la maa ye. Ɛhye bamaa menli kɔsɔɔti mɔɔ wɔ aleɛabo la anwu wɔ na bɛazulo wɔ, kɛmɔ wɔ menli Yizilayɛma ɛnwu wɔ na bɛsulo wɔ la. Eza bɛbanwu kɛ amgba ɔwɔ kɛ bɛsonle wɔ wɔ Ɛzonlenlɛ Sua ɛhye mɔɔ mezi memaa wɔ la anu.

Edwɛndolɛ Buluku ne 141:2

Maa me nzɛlɛlɛ ɛyɛ kɛ ɛyɛlɛ evuanlɛ wɔ ɛ nyunlu, na fa me sa mɔɔ memaa ye zo la kɛ nɔsolɛ azubɔlɛ.

Edwɛndolɛ Buluku ne 20:3

Ɔmaa wɔ azubɔdeɛ ne mɔ amuala ɛzɔ ɔ nye, na ɔlie wɔ ɛyelalɛ azubɔlɛ ne mɔ.

Ayezaya Buluku ne 43:26

“Bɛhakye me adwenle; bɛrɛla bɛmaa yɛvedevede nu, bɛha bɛ tendile ne bɛhile kɛ bɛdi benle.

Ayezaya Buluku ne 45:19

Meanga ye fealera nu, wɔ awozinli azɛlɛ bie azo; meanga meangile Gyekɔbo abo zo amra kɛ, ‘Bɛva basabasayɛlɛ bɛkpondɛ me bo zo.’ Medame Ɛdɛnkɛma, meka nɔhalɛ ne, meka mɔɔ le nɔhalɛ la meto gua.”

Daneɛle Buluku ne 10:11

Na ɔzele me kɛ, “O Daneɛle mɔɔ Nyamenle kulo wɔ a, dwazo gyinla ɛ gyakɛ anu na tie mɔɔ melɛka meahile wɔ la, ɔboalekɛ bɛzoa me ɛ nwo ɛke.” Mɔɔ ɔ nloa wɔ zolɛ ɔlɛka edwɛkɛ ɛhye yeahile me la, mendwazole mengyinlanle; ɛnee me nwo tɛwozo me.

Sɛlɛ 2:2

na ɔfa ɔbɛlɛ Aalɔn amra sɛlɛvolɛma ne. Akee ɔwɔ kɛ sɛlɛvolɛ ne fula esamo ne mɔɔ nwole nee ɛyɛlɛ evuanlɛ ne bie wɔ nu la ɔ sa ko, kɛ ɔle ahenle ne afoa nu ɛdeɛ, na ɔyela yemɔ wɔ azukponle ne azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Malakae Buluku ne 3:16

Na bɛdabɛ mɔɔ bɛsulo Ɛdɛnkɛma la dule bɛ nwo azukue. Ɛdɛnkɛma diele bie, yɛɛ ɔdele ɔ muala. Bɛdabɛ mɔɔ bɛsulo Ɛdɛnkɛma na bɛdwenle ɔ nwo la, bɛhɛlɛle bɛ muala aluma wɔ ngakyelɛ buluku nu, ɔla Nyamenle anyunlu.

Edwɛkpa ne kɛmɔ Mateyu hɛlɛle la 26:13

Na bɛhakye ɛhye, aleɛabo ɛleka biala mɔɔ bɛkɛbɔ Edwɛkpa ɛhye nolo la, bɛkɛha mɔɔ raalɛ ye ɛyɛ la bɛkɛva bɛkɛhakye ye.”

Edwɛkpa ne kɛmɔ Luku hɛlɛle la 1:29

Mɛle dele soanvolɛ ne ahyebizalɛ ne la, ɔ ti akunlu yɛle ye kesee, na ɔdwenlenle deɛ mɔɔ zɛhae ahyebizalɛ ne kile la anwo.

Edwɛkpa ne kɛmɔ Luku hɛlɛle la 24:5

Ɛzulolɛ hanle bɛ la ati, bɛbutubutule bɛ nye aze, na menli ne mɔ bizale bɛ kɛ, “Duzu ati a bɛlɛkpondɛ mɔɔ de aze la wɔ mɔwuamra anu ɛ?

Ɛzoanvolɛma Gyima ne 10:31

na ɔzele me kɛ, ‘Kɔnileɛse! Wɔ nzɛlɛlɛ ɛdwu Nyamenle anyunlu na yenwu wɔ ahunlunyele gyima ne amuala.

Ɛzoanvolɛma Gyima ne 14:9

Ɛnee nrenya ɛhye ɛlɛtie Pɔɔlo kpalɛ. Na Pɔɔlo nwunle kɛ nrenya ne ɛnyia diedi mɔɔ kola yɛ ye ayile la, ɔnleanle ye koonwu

Ɛzoanvolɛma Gyima ne 22:10

Na membizale kɛ, ‘Awulae, duzu a menyɛ a?’ Na Awulae zele me kɛ, ‘Dwazo na kɔ Dɛmasekɛse, na ɛkɛ ne yɛɛ bɛbaha debie mɔɔ Nyamenle ɛhyehyɛ kɛ ɔmaa wɔayɛ la bɛahile wɔ a.’

Ɛzoanvolɛma Gyima ne 3:4

Bɛnleanle ye koonwu, na Pita zele ye kɛ, “Nea yɛ!”

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:6

Bɛmmadwenle debie biala anwo. Wɔ debie biala anu bɛyɛ moyɛlɛ nzɛlɛlɛ na bɛva mɔɔ bɛhyia nwolɛ la bɛdo Nyamenle anyunlu.

Kɛlata mɔɔ bɛhɛlɛle bɛhɔmanle Hibuluma la 13:16

Bɛmmamaa bɛ rɛle fi kɛ bɛkɛyɛ kpalɛ na bɛkɛboa bɛ nwo ngoko ngoko, ɔboalekɛ ɛhye a le azubɔlɛ mɔɔ sɔ Nyamenle anye a.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

Yekile 8:4

Ɛyɛlɛ ne esike ne nee Nyamenle menli ne nzɛlɛlɛ ne vi Nyamenle soanvolɛ ne asa nu hɔle Nyamenle anyunlu wɔ anwuma.

1 Sam 3:10

Ɛdɛnkɛma ragyinlanle ɛkɛ ne na kɛmɔ ɔyɛ ye dɛba ne ala la, ɔvɛlɛle Samoɛle bieko, “Samoɛle, Samoɛle!” Samoɛle liele zolɛ, “Tendɛ, wɔ sonvolɛ ɛlɛtie.”