Ɛzoanvolɛma Gyima ne 10:31 - BAEBOLO ANZƐƐ BULUKU NWUANZANWUANZA

³¹ na ɔzele me kɛ, ‘Kɔnileɛse! Wɔ nzɛlɛlɛ ɛdwu Nyamenle anyunlu na yenwu wɔ ahunlunyele gyima ne amuala.

Ɛzoanvolɛma Gyima ne 10:31 ပူးပေါင်းရင်းမြစ်များ

Ayezaya Buluku ne 38:5

Ɔse, “Kɔ na kɔze Hɛzikaya kɛ, medame Ɛdɛnkɛma, ɛ nlenya Devidi Nyamenle ne, mede wɔ nzɛlɛlɛ ne yɛɛ menwu wɔ monle mɔɔ wɔhwi la. Nea, mebava ɛvolɛ bulu nee nnu meaboka wɔ ngoane mekɛ ne anwo.

Daneɛle Buluku ne 10:12

Ɔhanle ɔhilele me kɛ “Daneɛle, mmasulo, ɔluakɛ ɔvi kenle ko ne mɔɔ ɛnyianle adwenle kɛ ɛbɛlɛ ɛ nwo aze wɔamaa Nyamenle, wɔakpondɛ ndelebɛbo la yɛɛ wɔ ɛbizalɛdeɛ ne dwule Nyamenle anyunlu a, na mɔɔ wɔbiza la ati yɛɛ mera a.

Daneɛle Buluku ne 9:23

Ɛbɔle ɔ bo kɛ ɛyɛ wɔ modolɛ nzɛlɛlɛ ne ala la yɛɛ Nyamenle diele wɔ a, na mera kɛ mebaha meahile wɔ, ɔluakɛ ɔkulo wɔ kpole. Yemɔti tie na te wɔ ɛnyelɛzodeɛnwunlɛ ne abo.

Sɛlɛ 2:2

na ɔfa ɔbɛlɛ Aalɔn amra sɛlɛvolɛma ne. Akee ɔwɔ kɛ sɛlɛvolɛ ne fula esamo ne mɔɔ nwole nee ɛyɛlɛ evuanlɛ ne bie wɔ nu la ɔ sa ko, kɛ ɔle ahenle ne afoa nu ɛdeɛ, na ɔyela yemɔ wɔ azukponle ne azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 2:9

Akee sɛlɛvolɛ ne bava bie ahile kɛ bɛva bɛra kɛ ɔle azubɔdeɛ, na yeayela ye wɔ azukponle ne azo, kɛ azubɔdeɛ mɔɔ bɛva senle bɛbɔ la, na ye evuanlɛ sɔ Ɛdɛnkɛma anye.

Sɛlɛ 5:12

Ɔwɔ kɛ ɔfa ɔbɛlɛ sɛlɛvolɛ ne, na sɛlɛvolɛ ne avula ɔ sa ko, na yeayela ye wɔ azukponle ne azo yeaboka ɛyelalɛ. azubɔdeɛ mɔɔ le Ɛdɛnkɛma ɛdeɛ la anwo. Ɔle ɛtane azubɔdeɛ.

Edwɛkpa ne kɛmɔ Luku hɛlɛle la 1:13

Nyamenle soanvolɛ ne zele ye kɛ, “Zɛkalaya, mmasulo! Nyamenle ɛde wɔ nzɛlɛlɛ ne, ɛ ye Ɛlezabɛte bawo ralɛ nrenya, na ɛbavɛlɛ ye Dwɔn.

Ɛzoanvolɛma Gyima ne 10:30

Kɔnileɛse zele ye kɛ, “Ɛnɛ le kenle nna, kɛyɛ bekezɛ ala, ɛnee melɛyɛ ewiazo dɔne nsa nzɛlɛlɛ wɔ me sua ye anu, na nrenya bie mɔɔ wula tɛladeɛ fufule la ragyinlanle me nyunlu ɛkɛ

Ɛzoanvolɛma Gyima ne 10:32

Yemɔti soa awie wɔ Dwɔpa maa ɔhɔva nrenya ne mɔɔ bɛfɛlɛ ye Saemɔn Pita la. Ɔ nee Saemɔn mɔɔ yɛ nwoma nwo gyima la a de a, wɔ nyevilenloa ɛkɛ.’

Ɛzoanvolɛma Gyima ne 10:4

Ɔnwunle Nyamenle soanvolɛ ne la, ɛzulolɛ hanle ye na ɔhanle kɛ, “Yɛmenle, duzu edwɛkɛ ɔ?” Nyamenle soanvolɛ ne buale ye kɛ, “Nyamenle ɛde wɔ nzɛlɛlɛ na yenwu wɔ ahunlunyele gyima ne amuala.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

Yekile 5:8

Ɔyɛle ɛhye la, tease abɔdeɛ nna ne nee mgbanyima abulanwiɔ nee nna ne mɔ dule guale Boaneralɛ ne agyakɛ anu. Ko biala lɛ ɛto yɛɛ ezukoa nvutuke dwora mɔɔ ɛyɛlɛ evuanlɛ wɔ nu la. Ɛyɛlɛ ɛhye mɔ a le Nyamenle menli ne dahudahu nzɛlɛlɛ ne a.