Ɛzoanvolɛma Gyima ne 10:22 - BAEBOLO ANZƐƐ BULUKU NWUANZANWUANZA

²² Bɛbuale ye kɛ, “Safohyenle Kɔnileɛse a ɛzoa yɛ a. Ɔle sonlakpalɛ somaa, ɔsulo Nyamenle, yɛɛ Dwuuma amuala bu ye bie kpalɛ. Ɛkenle Nyamenle soanvolɛ bie zele ye kɛ ɔrava wɔ ɔhɔ ye sua nu, na ɔdie mɔɔ ɛlɛ ye ɛka wɔahile ye la.”

Ɛzoanvolɛma Gyima ne 10:22 ပူးပေါင်းရင်းမြစ်များ

Hozia Buluku ne 14:9

Bɛdabɛ mɔɔ bɛze nrɛlɛbɛ la, bɛde edwɛkɛ ɛhye mɔ abo; bɛdabɛ mɔɔ bɛlɛ deɛnwunlɛ la, bɛnwu ninyɛne ɛhye mɔ. Ɔluakɛ Ɛdɛnkɛma ndenle ne mɔ le fɔɔnwo, tenlenema fa bɔ bɛ ɛbɛla, yɛɛ ɛtanevolɛma tu nwolɛ koti.

Habakɛke Buluku ne 2:4

Nea, awie biala mɔɔ ɛnle tenlene la bakpo aze, noko tenlenenli ne balua ye diedi zo anyia ngoane.”

Edwɛkpa ne kɛmɔ Mateyu hɛlɛle la 1:19

Kɛmɔ ɛnee Dwosefi le sonla mɔɔ di pɛlepɛle na yeangulo kɛ ɔkɛbɔ ye anyiemgba la, ɔdwenlenle nwolɛ kɛ ɔfa ahane yeahɔye ɔ nloa wɔ ɔ nwo.

Edwɛkpa ne kɛmɔ Mateyu hɛlɛle la 2:12

Na Nyamenle hanle bɛ ɛlalɛ kɛ bɛmmasia bɛkɔ Belemgbunli Hɛlɔdo anwo lɔ bieko, yemɔti bɛvale adenle gyɛne zo bɛziale bɛhɔle bɛ maanle nu.

Edwɛkpa ne kɛmɔ Maake hɛlɛle la 6:20

Hɛlɔdo zulole, ɔboalekɛ Dwɔn le sonla mɔɔ ye ɛbɛla tenrɛ na ɔ nwo te a, yemɔti ɔvale ye ɔziele kpalɛ. Ɔhulole kɛ ɔkɛdie Dwɔn anloa edwɛkɛ, noko kenle mɔɔ ɔkɛdie ye la ɛnee ɔ ti akunlu ɛzɛkye bɔkɔɔ.

Edwɛkpa ne kɛmɔ Maake hɛlɛle la 8:38

Yemɔti saa awie annea boɛ na ɔmaa me nwo nee me ngilehilelɛ ne yɛ ye nyiane wɔ ɛtane nee amumuyɛ mekɛ ye anu a, ɛnee noko ahenle ɛnwu ye kɛ, ɔdaye noko ɔ nwo bayɛ Medame Sonla Ra nyiane wɔ mekɛ mɔɔ me nee me anwuma soanvolɛma nwuanzanwuanza ne yɛkɛra Egya anyunlunyia ne anu la.”

Edwɛkpa ne kɛmɔ Luku hɛlɛle la 2:25

Mekɛ ne anu ɛnee nrenya bie mɔɔ bɛfɛlɛ ye Semɛyɔn la wɔ Gyɛlusalɛm. Nrenya ɛhye le sonlakpalɛ. Nyamenle nwo ɛzulolɛ wɔ ye nu na ɔlɛkendɛ Yizilayɛma ngoanelielɛ ne. Sunsum Nwuanzanwuanza ne wɔ ye nu,

Edwɛkpa ne kɛmɔ Luku hɛlɛle la 23:50

Nrenya bie wɔ ɛkɛ, bɛfɛlɛ ye Dwosefi. Ɔvi Arelematia mɔɔ wɔ Dwudiya maanzinli nu la. Nrenya ne le sonlakpalɛ, ɔdi nɔhalɛ na ɔlɛkendɛ Nyamenle Belemgbunlililɛ ne ɛralɛ. Ɔboka Ayiama ne anwo, noko yeanlie bɛ kpɔkɛbɔlɛ ne nee mɔɔ bɛyɛle la yeando nu.

Edwɛkpa ne kɛmɔ Luku hɛlɛle la 9:26

Awie biala mɔɔ me nwo nee me ngilehilelɛ ne kɛyɛ ye nyiane wɔ ɛtane ewiade ye anu la, ɔdaye noko ɔ nwo bayɛ medame Sonla Ra nyiane wɔ mekɛ mɔɔ menwɔra anyunlunyia nee Selɛ ne nee Anwuma soanvolɛma nwuanzanwuanza ne anyunlunyia nu la.

Dw 13:20

Meka nɔhalɛ ne meahile bɛ: Awie mɔɔ kɛlie awie biala mɔɔ menwɔzoa ye la ɛlie medame noko, yɛɛ mɔɔ kɛlie me la ɛlie ahenle mɔɔ zoanle me la.”

Dw 17:20

“Menzɛlɛ memmaa bɛ ngome. Mesɛlɛ meamaa bɛdabɛ noko mɔɔ wɔ edwɛkɛ ne ati bɛdie me bɛdi la.

Dw 17:8

Nrɛlaleɛ mɔɔ ɛvale ɛmanle me la, meva memaa bɛ, yɛɛ bɛzɔ nu noko; bɛze kɛ ɔle nɔhalɛ kɛ mevi ɛ nwo lɔ a membale a, yɛɛ bɛdie bɛdi kɛ ɛdawɔ a ɛzoanle me a.

Dw 5:24

“Meka nɔhalɛ ne meahile bɛ: Mɔɔ kɛdie me edwɛkɛ na ɔkɛlie mɔɔ zoanle me la kɛli la lɛ ngoane mɔɔ ɛnlɛ awieleɛ. Bɛnrɛbua ye ndɛne, na ɔvi ewule nu yera ngoane nu.

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Dw 6:68

Saemɔn Pita buale ye kɛ, “Awulae, nwane ɛkɛ a yɛkɔ a? Wɔmɔ a ɛlɛ edwɛkɛ mɔɔ maa ngoane mɔɔ ɛnlɛ awieleɛ a.

Ɛzoanvolɛma Gyima ne 10:2

Ɔle sonla mɔɔ sulo Nyamenle a, yɛɛ ɔ nee ye sua nu amra amuala bɛsonle Nyamenle. Ɔ sa do Dwuuma ehyianvolɛma anwo zo, yɛɛ ɔnva ye nzɛlɛlɛ wɔ Nyamenle anyunlu ɔndo aze.

Ɛzoanvolɛma Gyima ne 10:21

Pita dwule aze na ɔzele bɛ kɛ, “Ahenle mɔɔ bɛkpondɛ ye la a le medame. Na bɛ ɛdialɛ nu ɛ?”

Ɛzoanvolɛma Gyima ne 10:30

Kɔnileɛse zele ye kɛ, “Ɛnɛ le kenle nna, kɛyɛ bekezɛ ala, ɛnee melɛyɛ ewiazo dɔne nsa nzɛlɛlɛ wɔ me sua ye anu, na nrenya bie mɔɔ wula tɛladeɛ fufule la ragyinlanle me nyunlu ɛkɛ

Ɛzoanvolɛma Gyima ne 10:33

Ɛhye ati a menzoanle kɛ bɛrava wɔ a, yɛɛ ɛdawɔ noko wɔandwenlehwenle ɛ bo aze na wɔra a. Yemɔti yɛ muala yɛyia wɔ Nyamenle anyunlu ɛke kɛ yɛtie mɔɔ Awulae ɛva ɛmaa wɔ kɛ ɛraha ɛhile yɛ la.”

Ɛzoanvolɛma Gyima ne 10:6

Ɔde nrenya bie mɔɔ yɛ nwoma nwo gyima mɔɔ bɛfɛlɛ ye Saemɔn la sua nu, wɔ nyevile ne anloa ɛkɛ ne ala.”

Ɛzoanvolɛma Gyima ne 11:14

na ɔbaha edwɛkɛ mɔɔ kɛmaa ɛ nee wɔ sua nu amra kɛnyia ngoane la.’

Ɛzoanvolɛma Gyima ne 22:12

“Nrenya bie wɔ Dɛmasekɛse ɛkɛ, bɛfɛlɛ ye Ananayase, ɔdi mɛla ne azo kpalɛ, yɛɛ Dwuuma mɔɔ wɔ Dɛmasekɛse la amuala bu ye.

Ɛzoanvolɛma Gyima ne 24:15

Me anyelazo mɔɔ melɛ wɔ Nyamenle anu la le kɛ mɔɔ bɛdabɛ bɛlɛ ye ala la, kɛ menli kɔsɔɔti, ɛtanevolɛma nee kpalɛyɛlɛma badwazo ara ngoane nu.

Ɛzoanvolɛma Gyima ne 6:3

Yemɔti, ayi mɔ, bɛnlea na bɛye bɛ nuhua nsuu mɔɔ menli bu bɛ, mɔɔ Sunsum Nwuanzanwuanza ne wɔ bɛ nwo zo na bɛze nrɛlɛbɛ la bɛmaa yɛ, na yɛva bɛ yɛzie zɛhae gyima ye anloa,

Wulo 1:17

Ɔluakɛ ɔvi mɔlebɛbo ne kɔdwu awieleɛ ne amuala, Nyamenle dua diedi zo a maa menli sɔ ɔ nye a. Nyamenle Edwɛkɛ ne se, “Mɔɔ bɛkɛlua ye diedi zo bɛkɛmaa ɔkɛzɔ Nyamenle anye la banyia ngoane.”

2 Kɔl 5:18

Nyamenle a ɛyɛ ɛhye amuala a, na yelua Kelaese anwo zo yeyɛ yɛ ɔ gɔnwo mɔ, yɛɛ yemaa yɛ gyima kɛ yɛdayɛ noko yɛhwe menli yɛrayɛ bɛ ɔ gɔnwo mɔ.

Mɛla 30:13

Anzɛɛ ɔnle nyevile nzi na bɛaha kɛ, ‘Nwane a pɛ nyevile ye ahɔ ɔ nzi lɔ ahɔva ara, amaa yɛadie bie na yɛali zolɛ a?’

1 Tem 3:7

Ɔwɔ kɛ ɔyɛ sonla mɔɔ bɛdabɛ mɔɔ bɛngɔ asɔne la di ye eni, amaa yeangua ɔ nyunlu aze, yeangɔndɔ Abɔnsam ɛhane nu.

Kɛlata mɔɔ bɛhɛlɛle bɛhɔmanle Hibuluma la 10:38

Diedi zo yɛɛ sonla ne mɔɔ sɔ me nye la balua anyia ngoane a. Saa ɔsia ɔ nzi a, me nye ɛnrɛlie ɔ nwo.”

Kɛlata mɔɔ bɛhɛlɛle bɛhɔmanle Hibuluma la 11:2

Ɔluakɛ bɛ diedi ti yɛɛ mɔmoane amra dɔɔnwo mɔɔ ɛhɔ la zɔle Nyamenle anye a.

Kɛlata mɔɔ bɛhɛlɛle bɛhɔmanle Hibuluma la 12:23

Bɛra anyelielɛ ayia ne mɔɔ Nyamenle amra mgbanyinli ne mɔ mɔɔ bɛhɛlɛ bɛ aluma wɔ anwuma lɔ la a kɔ la bie. Bɛra Nyamenle mɔɔ le menli kɔsɔɔti ndɛnebuavolɛ la ɛkɛ, yɛɛ bɛra fɔɔnwoma mɔɔ bɛmaa bɛ sunsum ɛli munli la ɛkɛ.

2 Pit 3:2

amaa bɛadwenle edwɛkɛ mɔɔ Nyamenle kpɔmanvolɛma nwuanzanwuanza ne mɔ ɛha ɛdo ɛkɛ ne nee Awulae Dievolɛ ne ngyehyɛlɛ mɔɔ ɛzoanvolɛma ne mɔ ɛva ɛmaa bɛ la anwo.

3 Dw 1:12

Awie biala ka Dimiteleɛse anwo edwɛkɛ kpalɛ; nɔhalɛ ne ɔdaye ɔka ɔ nwo edwɛkɛ kpalɛ, na medame noko medi ɔ nwo daselɛ, yɛɛ ɛze noko kɛ mɔɔ meka la le nɔhalɛ.

Yekile 14:10

kɛnwu kɛ Nyamenle ɛya ne mɔɔ gyi ye ɛya dwora ne anu la ɛzulolɛ si de la. Bɛdabɛ mɔɔ bɛyɛ zɔhane deɛ ne la, bɛbahile bɛ nyane wɔ senle nee sɔlefa nu wɔ soanvolɛma nwuanzanwuanza nee Boaneralɛ ne anyunlu.