Ɛzoanvolɛma Gyima ne 10:11 - BAEBOLO ANZƐƐ BULUKU NWUANZANWUANZA

¹¹ kɛ anwuma ɛbuke, na bɛlɛdwula debie bie mɔɔ le kɛ ɛdanlɛ mɔɔ bɛsosɔ ɔ nloa nna ne amuala anu la aze.

Ɛzoanvolɛma Gyima ne 10:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Ayezaya Buluku ne 43:6

Mebaha meahile sɔlɔ amra kɛ, ‘Bɛgyakyi bɛ,’ na meaze nyiakɛ amra kɛ, ‘Bɛmmafa bɛ sa bɛka bɛ;’ me mra mrenya ne mɔ vi moa moa, yɛɛ me mra mraalɛ ne mɔ vi ewiade ɛleka biala bara.

Ayezaya Buluku ne 56:8

Awulae Nyamenle ne mɔɔ boɔboa Yizilayɛma mɔɔ awie ɛmbu bɛ bie la anloa la se, “Mebaboɔboa menli gyɛne noko anloa meaboka bɛdabɛ mɔɔ meboɔboa bɛ nloa dɛba la anwo.”

Yizikeɛle Buluku ne 1:1

Wɔ ɛvolɛ abulasa ne anu, siane nna ne, ye kenle nnu ne azo, ɛnee medame, sɛlɛvolɛ Yizikeɛle, mɔɔ me ze a le Buzi la mewɔ Dwuuma mɔɔ bɛhye bɛ, bɛ nee bɛ ɛhɔ nlɔnu la avinli wɔ Azule Kibaa ne anloa. Na menwunle kɛ anwuma ɛbuke, na Nyamenle yele ɔ nwo hilele me.

Edwɛkpa ne kɛmɔ Mateyu hɛlɛle la 8:11

Bɛhakye ɛhye: Menli dɔɔnwo vi aduduleɛ nee adɔleɛ bara bɛ nee bɛ nlenya mɔ Ebileham nee Ayezeke nee Gyekɔbo aradɛnla ɛkponle nwo wɔ Anwuma Belemgbunlililɛ nu.

Edwɛkpa ne kɛmɔ Luku hɛlɛle la 3:21

Mɔɔ bɛzɔnenle menli ne amuala bɛwiele la, nzinlii bɛzɔnenle Gyisɛse ɔdaye noko, na mɔɔ ɔyɛ nzɛlɛlɛ la, anwuma bukele,

Dw 1:51

Na ɔhanle ɔhilele bɛ muala kɛ, “Meka nɔhalɛ ne meahile bɛ: bɛbanwu kɛ anwuma ɛbuke na Sonla Ra ne ati, Nyamenle soanvolɛma ɛlɛfo dwu.”

Dw 11:52

yɛɛ tɛ Dwuuma angome bɔbɔ, na kɛ ɔkɛva Nyamenle amra mɔɔ ɛde ɛkponde ewiade amuala la kɔsɔɔti ɔkarabɔ nu ɔkɛyɛ bɛ menli ko.

Dw 12:32

Na mame, saa bɛmaa me zo wɔ azɛlɛ ye azo a, mebahwe menli kɔsɔɔti meamaa me nwo.”

Ɛzoanvolɛma Gyima ne 10:12

Wɔ deɛ ne anu, ɔnwunle nane, nwɔlɛ, yɛɛ nloma ngakyile dɔɔnwo.

Ɛzoanvolɛma Gyima ne 11:5

Ɔse, “Ɛnee mewɔ suakpole ne mɔɔ bɛfɛlɛ ye Dwɔpa la azo melɛyɛ nzɛlɛlɛ, na me nye hɔle dɔɔnwo, na menwunle debie bie mɔɔ le kɛ ɛdanlɛ mɔɔ bɛdedɛ ɔ nloa nna ne amuala anu la kɛ ɔvi anwuma na bɛlɛdwula ye aze, na ɔradwule me nyunlu ɛkɛ ne la, ɔgyinlanle.

Ɛzoanvolɛma Gyima ne 7:56

Na ɔzele bɛ kɛ, “Bɛnlea, menwu kɛ anwuma ɛbuke, na menwu kɛ Sonla Ra ne gyi Nyamenle asa fema zo.”

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Wulo 9:4

Bɛle Yizilayɛma mɔɔ le Nyamenle ɔdaye ye menli mɔɔ yeyɛ bɛ ɔ mra, yeye ye anyunlunyia yehile bɛ, ɔ nee bɛ ɛyɛ ngyekyeleɛ, na yeva ye mɛla yemaa bɛ a; bɛlɛ nɔhalɛ ɛzonlenlɛ kpalɛ ne; bɛnyia Nyamenle ɛwɔkɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:15

Ɔle nɔhalɛ kɛ bɛwole yɛ Dwuuma, na yɛnle kɛ menli mɔɔ ɛnle Dwuuma mɔɔ ɛnze Nyamenle la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:28

Zɔhane ati ngakyile biala ɛnle Dwuuma nee sonla mɔɔ ɛnle Dwuunli la avinli, akɛlɛ nee dehelɛ, anzɛɛ nrenya nee raalɛ avinli. Ɔluakɛ Kelaese ati bɛ muala bɛle menli ko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:10

Ngyehyɛlɛ ɛhye, mɔɔ ye mekɛ dwu a Nyamenle bamaa yeali munli la a le kɛ, ɔkuohua abɔdeɛ muala mɔɔ wɔ anwuma nee aze la anloa, na yeava Kelaese yeazie bɛ ti.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:6

Edwɛkɛ mɔɔ ɛnee vea ɛkɛ ne la a le kɛ, ɔlua Edwɛkpa ne azo, bɛdabɛ mɔɔ bɛnle Dwuuma nee Dwuuma bɔ nu nyia Nyamenle nyilalɛ ne mɔ; bɛyɛ menli ko na bɛnyia Nyamenle ɛwɔkɛ ne mɔɔ Kelaese Gyisɛse ati ɔbɔle la.

Kɔlɔ 3:11

Zɔhane ati, ansolo bɛdabɛ mɔɔ bɛnle Dwuuma la nee Dwuuma, ansolo menli mɔɔ bɛyɛ bɛ mrenyanu nzonlɛ nee bɛdabɛ mɔɔ bɛtɛyɛle bɛ bie la, ansolo nyɛvolɛ, ansolo menli mɔɔ anye ɛtɛtele, ansolo ahanra, yɛɛ ansolo alehelɛ. Kelaese a le ninyɛne kpokpoti a. Kelaese wɔ ye kpokpoti anu.

Yekile 11:19

Na bɛbukele Nyamenle Ɛzonlenlɛ Sua ne mɔɔ wɔ anwuma lɔ la, na Ngyekyeleɛ Ɛlɛka ne anwo lale ɛkɛ ne wienyi. Na ɛsɛlɛmanye kpakyekpakyele, maanle nu hulule, azɛlɛ kpusule, na ezuawolɛ dɔle kpole bie.

Yekile 19:11

Akee menwunle kɛ anwuma ɛbuke, na nrenya bie de ɛkpɔnwɔ fufule zo gyi ɛkɛ. Nrenya ne mɔɔ de ɛkpɔnwɔ fufule ne azo la bɛfɛlɛ ye Diedinli nee Nɔhavo; ɔfa pɛlepɛle a ɔbua ndɛne, ɔko konle a.

Yekile 4:1

Ɛhye anzi, mendole me nye, na menwunle kɛ bɛbuke anlenkɛ bie wɔ anwuma lɔ. Na ɛnelɛ ne mɔɔ dielie kɛ aweɛne tendenle, mɔɔ lumuale dendɛle hilele me la zele me kɛ, “Fo bɛla anwuma ɛke maa mengile wɔ mɔɔ bazi ɛhye anzi la.”