Ɛzoanvolɛma Gyima ne 1:9 - BAEBOLO ANZƐƐ BULUKU NWUANZANWUANZA

⁹ Mɔɔ ɔhanle ɛhye la, bɛmanle ye zo anwuma, na mɔɔ bɛ nye gyi ɔ nwo ala la amungu liele ye vile bɛ nye zo.

Ɛzoanvolɛma Gyima ne 1:9 ပူးပေါင်းရင်းမြစ်များ

Edwɛndolɛ Buluku ne 68:18

Ɛvole boka tendenle ne, ɛzanle menli mɔɔ ɛhyele bɛ la nyɛma zo ɛlile ɛ nzi. ɛliele ahyɛlɛ ninyɛne ɛvile menli ɛkɛ, atuadelɛma bɔbɔ hyɛle wɔ bie, amaa Ɛdɛnkɛma Nyamenle ne adɛnla ɛkɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:9

Na Ɛdɛnkɛma zele Mosisi kɛ, “Nea, mebalua amungu kumɔɔnwo bie anu meara, amaa saa me nee wɔ ɛlɛtendɛ a, menli ne ade me ne na bɛalie wɔ bɛali dahuu.” Akee Mosisi hanle mɔɔ menli ne hanle la hilele Ɛdɛnkɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:5

Na Ɛdɛnkɛma dwule aze amungu ne anu, ɔragyinlanle ɔ nwo ɛkɛ na ɔbɔle ye duma Ɛdɛnkɛma ne.

Ayezaya Buluku ne 19:1

Ɛdɛnkɛma nrɛlaleɛ mɔɔ fane Yigyibiti anwo la ɛne. Bɛnlea, Ɛdɛnkɛma de amungu zo ɛlɛba waa zɛhae, ɔlɛba Yigyibiti. Awozonle mɔɔ wɔ Yigyibiti la nwu ye a bɛ nwo bawozo bɛ, na Yigyibitima ahonle badu.

Daneɛle Buluku ne 7:13

“Wɔ nɔe ne ɛnyelɛzodeɛnwunlɛ ne anu, menwunle debie bie mɔɔ zɔho sonla ra la kɛ ɔlua amungu nu ɔlɛba, na ɔrale Tetenli ne anyunlu na bɛvale ye bɛhilele ye.

Edwɛkpa ne kɛmɔ Maake hɛlɛle la 16:19

Awulae Gyisɛse nee ye ɛdoavolɛma ne dendɛle wiele la, bɛvale ye bɛhɔle anwuma na ɔhɔdɛnlanle Nyamenle asa fema zo.

Edwɛkpa ne kɛmɔ Luku hɛlɛle la 21:27

Na akee bɛbanwu medame, Sonla Ra kɛ melua amungu ne anu, melɛ tumi nee anyunlunyia kpole melɛba.

Dw 6:62

Na saa akee bɛnwu Sonla Ra ne kɛ ɔlɛkɔ anwuma, ɛleka mɔɔ ɔvi ɔrale la ɛ?

Ɛzoanvolɛma Gyima ne 1:11

“Galelima, duzu ati a bɛgyi ɛke na bɛ nye ɛha anwuma ɛ? Gyisɛse ɛhye mɔɔ bɛrava ye wɔ bɛ avinli ɛke bɛhɔ anwuma la bazia alua adenle zɔhane ala azo ara bieko, kɛmɔ bɛnwu ye kɛ ɔlɛkɔ la.”

Ɛzoanvolɛma Gyima ne 1:2

ɔhɔdwule mekɛ mɔɔ bɛvale ye bɛhɔle anwuma la. Mɔɔ bɛbava ye bɛahɔ anwuma la, ɔluale Sunsum Nwuanzanwuanza ne azo ɔhilehilele ye ɛzoanvolɛma ne mɔɔ yekpa nu yeye bɛ la debie mɔɔ ɔwɔ kɛ bɛyɛ la amuala.

1 Tɛs 4:17

na akee yɛdayɛ mɔɔ mekɛ ne anu yɛtɛte aze anzɛɛ yɛtɛwule la bɛakpogya yɛ zo anwuma na yɛ nee bɛ yɛ muala yɛahuohua yɛ nloa wɔ amungu ne anu, na yɛahɔyia Awulae wɔ anwomanyunlu. Na akee yɛ nee Awulae adɛnla dahuu.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.

Yekile 11:12

Nyamenle kpɔmanvolɛma nwiɔ ne dele kɛ ɛnelɛ kpole bie vi anwuma, ɔse, “Bɛrɛla anwuma ɛke!” Na mɔɔ bɛ kpɔvolɛma ne mɔ anye gyi bɛ nwo ala la, amungu ravale bɛ hɔle anwuma.

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.