Ɛzoanvolɛma Gyima ne 1:8 - BAEBOLO ANZƐƐ BULUKU NWUANZANWUANZA

⁸ Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 1:8 ပူးပေါင်းရင်းမြစ်များ

Edwɛndolɛ Buluku ne 22:27

Ewiade amra amuala bahakye Ɛdɛnkɛma na bɛazia bɛara ɔ nwo ɛkɛ; maanle maanle kɔsɔɔti badu agua ɔ nyunlu azonle ye.

Edwɛndolɛ Buluku ne 98:3

Yehakye ye ɛhulolɛ kpundii ne nee ye nɔhalɛlilɛ ne mɔɔ ɔlɛ ye wɔ Yizilayɛma anwo la. Ewiade amra amuala ɛnwu yɛ Nyamenle ne konimlilɛ ne.

Ayezaya Buluku ne 42:10

Bɛdo edwɛne fofolɛ bɛmaa Ɛdɛnkɛma; ewiade amra amuala, bɛdo ye ayɛlɛyelɛ edwɛne! Nyevile zo amra, bɛye ye ayɛlɛ, bɛdabɛ mɔɔ bɛde ɛnweanloa la, bɛdo edwɛne.

Ayezaya Buluku ne 49:6

“Ɔnyɛ se kɛ ɛkɛyɛ me sonvolɛ, na ɛkɛva Yizilayɛma mɔɔ ɛha la ɛkɛzie bɛ gyinlabelɛ dɛba ne. Mebamaa wɔayɛ maanle maanle ne mɔ kɛnlaneɛ, amaa me ngoanelielɛ ne adwu ewiade ɛleka biala.”

Ayezaya Buluku ne 52:10

Ɛdɛnkɛma ɛva ye tumi nwuanzanwuanza ne ɛwa maanle maanle ne mɔ anye, na ewiade amra amuala bɛanwu yɛ Nyamenle ne ngoanelielɛ ne.

Ayezaya Buluku ne 66:19

na mebayɛ bɛ nzonlɛ. “Bɛdabɛ mɔɔ bɛkɛvi nuhua la, mebava bɛ meahɔ maanle maanle nu moa moa: Sepeen, Lebea anzɛɛ Pɛɛle, yɛɛ Ledea, mɔɔ bɛlɛ menli mɔɔ ze ɛda to kpalɛ kpalɛ la, akee Tubale yɛɛ Gyeevan (Gilisi) nee maanle maanle mɔɔ wɔ moa moa, mɔɔ ɛtɛtele me nganeɛ ɛlɛ anzɛɛ ɛtɛnwunle me anyunlunyia ne ɛlɛ la. Na bɛbaha me anyunlunyia nwo edwɛkɛ bɛahile maanle maanle ne mɔ.

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Maeka Buluku ne 3:8

Na mame, Ɛdɛnkɛma Sunsum ne ɛva tumi ɛyi me tɛkɛɛ, yemaa me pɛlepɛlelilɛ nee anwosesebɛ kɛ membɔ Gyɛkɔbo abo zo amra mɛladonlɛ ne nee Yizilayɛma ɛtane mɔɔ bɛyɛ la nolo mengile bɛ.

Zɛkalaya Buluku ne 4:6

Na ɔzele me kɛ, “Edwɛkɛ mɔɔ Ɛdɛnkɛma ɛlɛka ahile Zɛlubabɛle la ɛne: Tɛ anwosesebɛ anzɛɛ tumi, na me Sunsum ne yɛɛ ɛbava wɔali konim a, medame Tumivolɛ Ɛdɛnkɛma a mese a.

Edwɛkpa ne kɛmɔ Mateyu hɛlɛle la 24:14

Bɛbabɔ Edwɛkpa ɛhye mɔɔ fane Anwuma Belemgbunlililɛ ne anwo la nolo wɔ aleɛabo amuala, amaa yeayɛ daselɛlilɛ yeamaa aleɛabo amra kolaa na awieleɛ ne ara.

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Edwɛkpa ne kɛmɔ Maake hɛlɛle la 16:15

Na akee ɔzele bɛ kɛ, “Bɛhɔ ewiade ahodoka muala anu na bɛhɔbɔ Edwɛkpa ne nolo bɛhile aleɛabo amra kɔsɔɔti.

Edwɛkpa ne kɛmɔ Luku hɛlɛle la 1:35

Nyamenle soanvolɛ ne buale ye kɛ, “Sunsum Nwuanzanwuanza ne bara ɛ nwo zo, na Nyamenle tumi ne baheda ɛ nwo zo. Ɛhye ati bɛbavɛlɛ kakula ne Nwuanzanwuanza, yɛɛ Nyamenle Ara.

Edwɛkpa ne kɛmɔ Luku hɛlɛle la 10:19

Na bɛdie! Memaa bɛ tumi wɔ Kpɔvolɛ ne anwo zo. Eza memaa bɛ tumi kɛ bɛtietia nwɔlɛ nee nyamenleakɛlɛ nwo zo na debie biala ɛnrɛyɛ bɛ.

Edwɛkpa ne kɛmɔ Luku hɛlɛle la 24:29

na bɛzele ye kɛ, “Maa yɛhɔla na mekɛ ne ɛhɔ, aleɛ ɛlɛdwo.” Yemɔti Gyisɛse nee bɛ hɔle sua nu.

Dw 15:27

Na bɛdabɛ noko bɛbaha me nwo edwɛkɛ, ɔboalekɛ ɔvi mɔlebɛbo ne amuala, bɛ nee me a lua a.

Ɛzoanvolɛma Gyima ne 1:5

Dwɔn vale nzule a zɔnenle a, na bɛmɛ, ɔnrɛhyɛ biala, bɛbava Sunsum Nwuanzanwuanza ne a bɛazɔne bɛ a.”

Ɛzoanvolɛma Gyima ne 13:31

na ɔyele ɔ nwo ɔhilele bɛdabɛ mɔɔ bɛ nee ye vi Galeli rale Gyɛlusalɛm la, na ɔmanle bɛnwunle ye fane dɔɔnwo. Na bɛmɛ yɛɛ kɛkala bɛdi ɔ nwo daselɛ bɛkile Yizilayɛma a.

Ɛzoanvolɛma Gyima ne 2:32

Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Ɛzoanvolɛma Gyima ne 22:15

Ɔluakɛ ɛbali ɔ nwo daselɛ wɔaha mɔɔ wɔde nee mɔɔ wɔnwu ye la wɔahile ewiade amra amuala.

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 4:33

Na ɛzoanvolɛma ne vale tumi kpole lile Awulae Gyisɛse ewudwazo ne anwo daselɛ, na Nyamenle lole bɛ nyilalɛ dɔɔnwo.

Ɛzoanvolɛma Gyima ne 5:32

Na yɛmɛ yɛɛ Sunsum Nwuanzanwuanza ne mɔɔ le Nyamenle ahyɛlɛdeɛ ne mɔɔ ɔfa ɔmaa bɛdabɛ mɔɔ bɛtie ye la, yɛdi ɛhye anwo daselɛ.”

Ɛzoanvolɛma Gyima ne 6:8

Nyamenle lole Sitivin dɔɔnwo na ɔmanle ye tumi kpole ɔmanle ɔyɛle nwanwane ninyɛne mgbole ɔhilele menli.

Ɛzoanvolɛma Gyima ne 8:1

Na Sɔɔlo liele ye ɛhunlɛ ne dole nu. Ɔvi kenle ko ne ala bɛbɔle ɔ bo kɛ bɛyɛ diedima mɔɔ wɔ Gyɛlusalɛm la kpɔdekpɔde. Yemɔti diedima ne amuala zandele; bie mɔ hɔle Dwudiya nee Samɛlea maanzinli ne mɔ anu, na ɔhale ɛzoanvolɛma ne ala.

Wulo 10:18

Na mebiza kɛ, asoo ɔle nɔhalɛ kɛ bɛtɛtele Edwɛkpa ne? Bɛde ye bɔkɔɔ, ɔluakɛ Nyamenle Edwɛkɛ ne se, “Bɛ ne ɛdwu ewiade muleɛ muala azo; bɛ edwɛkɛ ɛdwu azɛlɛ ye kodoka biala anu.”

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.