Ɛzoanvolɛma Gyima ne 1:7 - BAEBOLO ANZƐƐ BULUKU NWUANZANWUANZA

⁷ Gyisɛse buale bɛ kɛ, “Egya a kyehyɛ mekɛ nee ɛlobɔ muala a, yemɔti ɔngyia kɛ bɛkɛnwu kenle mɔɔ ɛhye mɔ kɛzi la.

Ɛzoanvolɛma Gyima ne 1:7 ပူးပေါင်းရင်းမြစ်များ

Dwobu Buluku ne 24:1

“Duzu ati a Tumivolɛ ne ɛnzie ndɛnebualɛ mekɛ, na bɛdabɛ mɔɔ bɛze ye la ɛnnwu ye mekɛ ne ɛ?

Daneɛle Buluku ne 2:21

Ɔkakyi mekɛ, ɔkakyi ɛlobɔ; ɔtu arelemgbunli, ɔsie arelemgbunli; ɔmaa nrɛlɛbɛvolɛ nwu nrɛlɛbɛ, na ɔmaa mɔɔ lɛ ndelebɛbo la adwenle;

Edwɛkpa ne kɛmɔ Mateyu hɛlɛle la 20:23

Gyisɛse zele bɛ kɛ, “Nɔhalɛ, bɛkɛhola bɛkɛnlo amaneɛnwunlɛ dwora ne mɔɔ mebanlo nu la anu, noko tɛ me a meye sonla mɔɔ badɛnla me fema zo anzɛɛ me bɛne zo la a, ɔluakɛ ɛleka zɔhane mɔ le menli mɔɔ Egya ɛziezie ɛmaa bɛ la ɛdeɛ.”

Edwɛkpa ne kɛmɔ Mateyu hɛlɛle la 24:36

“Noko akee awie biala ɛnze kenle ne nee mekɛ ne; anwuma soanvolɛma nee Ralɛ ne bɔbɔ ɛnze. Selɛ ne angomekye a ze a.

Edwɛkpa ne kɛmɔ Maake hɛlɛle la 10:40

noko me sa fema nee bɛne zo ɛdɛnlanlɛ ɛdeɛ, tɛ me a mekpa nu meye menli mɔɔ ɔwɔ kɛ tɛnla la a. Selɛ ne a bava amaa bɛdabɛ mɔɔ yeziezie yemaa bɛ la a.”

Edwɛkpa ne kɛmɔ Maake hɛlɛle la 13:32

“Awie biala ɛnze kenle ne anzɛɛ dɔnehwele ko ne. Anwuma soanvolɛma yɛɛ Ralɛ ne bɔbɔ ɛnze. Selɛ ne angome ala a ze a.

Edwɛkpa ne kɛmɔ Luku hɛlɛle la 21:24

Bie mɔ badɔ dadeɛ nloa, bɛbahye bie mɔ nuokɛ bɛ nee bɛ ahɔ maanɔne; menli mɔɔ ɛnze Nyamenle la barava Gyɛlusalɛm azɛlɛ ye adɛnla zo kɔkpula kɛ bɛ mekɛ kɛdwu la.

Ɛzoanvolɛma Gyima ne 17:26

Nyamenle bɔle sonla na ɔluale ɔ nwo zo ɔmanle menli ngakyile kɔsɔɔti mɔɔ wɔ aleɛabo la amuala rale. Ɔdaye yɛɛ ɔhyehyɛle ɛleka mɔɔ ɔwɔ kɛ bɛtɛnla nee maanle biala ɛkpazilɛ nee ye azedɔlɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:10

Ngyehyɛlɛ ɛhye, mɔɔ ye mekɛ dwu a Nyamenle bamaa yeali munli la a le kɛ, ɔkuohua abɔdeɛ muala mɔɔ wɔ anwuma nee aze la anloa, na yeava Kelaese yeazie bɛ ti.

Mɛla 29:29

“Ninyɛne mɔɔ vea la le Ɛdɛnkɛma yɛ Nyamenle ne ɛdeɛ; na mɔɔ bɛye bɛhile la le yɛ nee yɛ mra ɛdeɛ dahuu, amaa yɛayɛ mɔɔ mɛla ne kpondɛ la amuala.

1 Tem 6:15

Ye ɛralɛ bieko mekɛ kpalɛ ne wɔ Nyamenle Tumivolɛ Saleɛnli Kokye ne mɔɔ le arelemgbunli Belemgbunli nee awulae mɔ Awulae la asa anu.

2 Tem 3:1

Mekpondɛ kɛ ɛnwu ye kɛ, awieleɛ mekɛ ne anu, anwongyelelɛ dɔɔnwo bara.