Ɛzoanvolɛma Gyima ne 1:6 - BAEBOLO ANZƐƐ BULUKU NWUANZANWUANZA

⁶ Mɔɔ ɛzoanvolɛma ne nee Gyisɛse yiale nu la bɛbizale ye kɛ, “Awulae, akee mekɛ ɛdwu mɔɔ ɛbava Belemgbunlililɛ ne wɔamaa Yizilayɛma bieko ɔ?”

Ɛzoanvolɛma Gyima ne 1:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Ayezaya Buluku ne 1:26

Mebava wɔ ndɛnebuavolɛma ne meamaa wɔ kɛ alumua ne la, na meamaa wɔ folɛdulɛma, kɛmɔ alumua ne ɔde la. Na nzinlii bɛbavɛlɛ wɔ suakpole mɔɔ tenleneyɛlɛ nee nɔhalɛlilɛ ɛyi ye tɛkɛɛ a.”

Gyɛlɛmaya Buluku ne 33:26

ɛnee mebakpo Gyekɔbo nee me sonvolɛ Devidi abo zo amra ne mɔ, yɛɛ menrɛmaa Devidi abo zo sonla ɛnrɛzie Ebileham, Ayezeke, yɛɛ Gyekɔbo abo zo amra. Ɔluakɛ mebaze bɛ anwunvɔne na meamaa bɛakpazi.”

Daneɛle Buluku ne 7:27

Ewiade belemgbunlililɛ ne nee tumi kɔsɔɔti bapɛ ali Anwuma Anwumanli ne menli ne asa anu. Bɛ belemgbunlililɛ ne ɛnrɛbɔ aze ɛlɛ, yɛɛ maanle maanle kɔsɔɔti barazonle bɛ ayɛ tieyɛ amaa bɛ.’

Hozia Buluku ne 3:4

Ɔluakɛ Yizilayɛma badɛnla ahyɛ dɔɔnwo mɔɔ bɛnrɛnyia belemgbunli anzɛɛ mgbanyima; bɛnrɛbɔ azu yɛɛ bɛnrɛnyia awolɛ mpila, bɛnrɛnyia mmonle anzɛɛ ananze mɔɔ bɛfa bɛayɛ sɛkɛlɛneɛ bɛazonle nee ɛzonlenlɛ tɛladeɛ Yifɔdo.

Emɔzo Buluku ne 9:11

Ɛdɛnkɛma se, “Mekɛ ɛlɛba mɔɔ mebava Devidi belemgbunli maanle ne mɔɔ ɛtete kɛ sua mɔɔ ɛyɛ kpasakpasa la gyinlabelɛ ne meamaa ye bieko. Mebalie ye bane ne mɔ fofolɛ meazie bɛ bo zo ne mɔ, na meakyekye maanle ne fofolɛ meayɛ ye kɛ ye dɛba ne ala la.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Edwɛkpa ne kɛmɔ Mateyu hɛlɛle la 17:11

Gyisɛse buale kɛ, “Ɔle zɔhane kɛ Yilaegya a balumua ara a, na yearatoto debie biala boɛ.

Edwɛkpa ne kɛmɔ Mateyu hɛlɛle la 20:21

Gyisɛse bizale ye kɛ, “Duzu a ɛkpondɛ a?” Ɔbuale kɛ, “Bɔ me ɛwɔkɛ kɛ saa ɛdi wɔ belemgbunli ne a me mra mrenya nwiɔ ye, ko kɛdɛnla wɔ fema zo na ko noko adɛnla wɔ bɛne zo.”

Edwɛkpa ne kɛmɔ Mateyu hɛlɛle la 24:3

Mɔɔ Gyisɛse wɔ Ɔlivi Boka ne azo la, ye ɛdoavolɛma ne rale ɔ nwo ɛkɛ ne ahane rabizale ye kɛ, “Ka mekɛ mɔɔ ɛhye mɔ kɛzi la kile yɛ, na ka debie mɔɔ bazi ahile kɛ wɔ ɛralɛ ne ɛdwu na ewiade ɛhye ɛlɛba awieleɛ la kile yɛ?”

Edwɛkpa ne kɛmɔ Maake hɛlɛle la 9:12

Ɔbuale bɛ kɛ, “Ɔwɔ kɛ amgba Yilaegya dumua ba batoto ninyɛne muala boɛ. Na duzu ati a Nyamenle Edwɛkɛ ne ka kɛ Sonla Ra ne banwu amaneɛ somaa, na menli akpo ye ɛ?

Edwɛkpa ne kɛmɔ Luku hɛlɛle la 17:20

Falasiima bie bizale Gyisɛse kenle mɔɔ Nyamenle Belemgbunlililɛ ne kɛra la. Gyisɛse buale kɛ, “Nyamenle Belemgbunlililɛ ne ɛnrɛra ye mɔɔ awie anye dua ye a.

Edwɛkpa ne kɛmɔ Luku hɛlɛle la 19:11

Menli mɔɔ ɛnee ɛlɛtie edwɛkɛ ɛhye mɔ la zuzule ye bɛ ti anu kɛ, kɛmɔ bɛbikye Gyɛlusalɛm la, Nyamenle Belemgbunlililɛ ne asɛɛ ɛra ɛwie. Yemɔti Gyisɛse bule bɛ ɛrɛlɛ ɛhye.

Edwɛkpa ne kɛmɔ Luku hɛlɛle la 22:29

yemɔti kɛmɔ Egya ɛmaa me tumi kɛ menli belemgbunli la, zɔhane ala noko yɛɛ bɛbayɛ a.

Dw 21:21

Pita nwunle ye la ɔbizale Gyisɛse kɛ, “Awulae, na nrenya ɛhye ɛ?”