Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛzoanvolɛma Gyima ne 1:24 - BAEBOLO ANZƐƐ BULUKU NWUANZANWUANZA

24 Bɛyɛle nzɛlɛlɛ bɛzele kɛ, “Awulae, wɔmɔ yɛɛ ɛze menli kɔsɔɔti ahonle nu a. Zɔhane ati Awulae, ɛdawɔ kilehile yɛ maa yɛye menli nwiɔ ye anu ko mɔɔ wɔvɛlɛ ye la,

အခန်းကိုကြည့်ပါ။ ကော်ပီ




Ɛzoanvolɛma Gyima ne 1:24
24 ပူးပေါင်းရင်းမြစ်များ  

tie bɛ nzɛlɛlɛ wɔ anwuma lɔ, ɛleka mɔɔ ɛde la, fa bɛ ɛtane ne mɔ kyɛ bɛ na boa bɛ. Ɛ ngomekye yɛɛ ɛze ahonle nu a, yɛ maa awie biala, kɛmɔ bɛ nzɛlɛlɛ ne mɔ se la,


Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.


Meze kɛ ɛsɔ awie biala ɛnea na ɛ nye die mɔɔ di nɔhalɛ la anwo. Meyeye me ahonle nu, nɔhalɛ nu yɛɛ meva ɛhye mɔ amuala memaa wɔ a, yɛɛ menwu kɛ me menli ye ɛzi ɛva fɛlɛkolilɛ nee anyelielɛ ɛva ninyɛne ɛrabɔ azu ɛmaa wɔ a.


asoo anrɛɛ Nyamenle ɛnrɛnwu ye ɔ? Ɔluakɛ ɔze ahonle muala anu.


O maa amumuyɛma ɛgyakyi ɛtaneyɛlɛ; maa tenlenema ɛgyinla kpundii; ɛle pɛlepɛlelilɛ Nyamenle, mɔɔ kola sɔ ahonle nee adwenle nea a.


Ɛbolɔ nee Abɛdɛn gua ɛkɛ ne wienyi wɔ Ɛdɛnkɛma anyunlu; mɔɔ vea ahonle nu la ɛnvea Ɛdɛnkɛma.


Yemɔti Gyɛlɛmaya zɛlɛle kɛ, “Tumivolɛ Ɛdɛnkɛma, ɛle ndɛnebuavolɛ mɔɔ di pɛlepɛle a; ɛneɛnlea menli ahonle nee bɛ adwenle nu. Me edwɛkɛ ye wɔ ɛ sa nu. Senra menli ɛhye mɔ maa me.”


Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”


O Tumivolɛ Ɛdɛnkɛma, mɔɔ sɔ tenlenema nea, mɔɔ ɛnwu sonla biala ahonle nee ye adwenle nu, maa menwu kɛ wɔli me kpɔvolɛma nzenralɛ, ɔluakɛ meva me edwɛkɛ ne memaa wɔ.


“Ɛdɛnkɛma Nyamenle, ngoane muala menle, mesɛlɛ wɔ, ye sonla maa ɔnlea menli ne anwo zo,


Gyisɛse zele bɛ kɛ, “Bɛmɛ, bɛle menli bie mɔɔ bu bɛ nwo wɔ menli nyunlu kɛ asɛɛ bɛdi pɛlepɛle, noko Nyamenle ze bɛ ahonle ne mɔ anu. Ɔluakɛ mɔɔ menli dwenle a ɔsonle bolɛ wɔ bɛ nye zo la le debie mgbane wɔ Nyamenle anye zo.


Fane nsa ne azo eza Gyisɛse bizale Pita kɛ, “Dwɔn ara Saemɔn, asoo ɛkulo me?” Nyane hanle Pita kɛ Gyisɛse ɛbiza ye fane nsa kɛ, “Asoo ɛkulo me?” a, na ɔbuale ye kɛ, “Awulae ɛze debie biala; ɛze kɛ mekulo wɔ.” Gyisɛse zele ye kɛ, “Nea me mboane ne mɔ boɛ.


Bɛzieziele mgbanyima bɛmanle bɛ, na bɛvale ɛhɔnehyelɛ nee nzɛlɛlɛ bɛdule bɛ bɛwulale Awulae ne mɔɔ bɛva bɛ rɛle bɛwule ye nu la asa anu.


Na Nyamenle mɔɔ ze sonla ahonle nu la hilele kɛ yelie bɛdabɛ mɔɔ bɛnle Dwuuma la noko, na ɔmanle bɛ Sunsum Nwuanzanwuanza ne bie, kɛmɔ ɔvale ɔmanle yɛdayɛ ala la.


Bɛvale bɛ bɛmanle ɛzoanvolɛma ne, ɛzoanvolɛma ne vale bɛ sa guale bɛ ti zo na bɛyɛle nzɛlɛlɛ bɛmanle bɛ.


Nyamenle mɔɔ neɛnlea menli kɔsɔɔti ahonle nu la ze sunsum nu adwenleadwenle biala kɛ si de la, ɔluakɛ Sunsum ne kpa ye menli ti kyɛlɛ, ɔsɛlɛ, kɛmɔ Nyamenle ɛhulolɛdeɛ ne de la.


Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.


Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.


Yemɔti Sɔɔlo zɛlɛle kɛ, “O Ɛdɛnkɛma, Yizilayɛ Nyamenle, duzu ati a wɔambua me edwɛkɛ ne anwo ɛnɛ a? Saa ɛtane ɛhye vi me anzɛɛ me ra Dwɔnatan a, ɛnee fa ‘Yulem’ sɛkɛlɛneɛ kile; na saa ɔvi wɔ menli Yizilayɛma ɛdeɛ a, ɛnee fa ‘Tɛmen’ sɛkɛlɛneɛ kile.” Na ɔbɔle Sɔɔlo nee Dwɔnatan; menli ne anwo vile nu.


Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ