Ɛzoanvolɛma Gyima ne 1:16 - BAEBOLO ANZƐƐ BULUKU NWUANZANWUANZA

¹⁶ “Ayi mɔ, ɔwɔ kɛ Nyamenle Edwɛkɛ ne mɔɔ Sunsum Nwuanzanwuanza ne luale Belemgbunli Devidi anwo zo hanle dole ɛkɛ ne, mɔɔ fane Dwudase mɔɔ lile menli mɔɔ rahyele Gyisɛse la anyunlu la anwo la yɛ nɔhalɛ.

Ɛzoanvolɛma Gyima ne 1:16 ပူးပေါင်းရင်းမြစ်များ

2 Sam 23:2

Ɛdɛnkɛma Sunsum ne dua me nwo zo tendɛ; ye edwɛkɛ ne dua me nloa.

2 Arl 15:12

Yemɔti ɛwɔkɛ ne mɔɔ Ɛdɛnkɛma bɔle Belemgbunli Gyihu kɛ, “Ɛ bo zo amra bali Yizilayɛ ebia ne bie toonwo yeahɔdwu awolɛndoazo nna ne azo” la, yɛle nɔhalɛ.

Edwɛndolɛ Buluku ne 41:9

Me gɔnwo kpalɛ bɔbɔ mɔɔ me rɛle wɔ ye nu, mɔɔ nee me yɛto ɛsalɛ ɛyɛba ko anu la, ɛhakyi ɔ nzi ɛzi me.

Edwɛkpa ne kɛmɔ Mateyu hɛlɛle la 26:14

Ɛdoavolɛma ne anu ko mɔɔ bɛfɛlɛ ye Dwudase Yesekaleɔto la hɔle sɛlɛvolɛ mgbanyinli ne mɔ ɛkɛ

Edwɛkpa ne kɛmɔ Mateyu hɛlɛle la 26:47

Mɔɔ Gyisɛse anloa wɔ zo ɔlɛtendɛ la yɛɛ Dwudase mɔɔ le bulu nee nwiɔ ne anu ko la rale a. Ɔ nee menli dɔɔnwo kpalɛ mɔɔ bie mɔ dedɛ dadeɛ nee ahoholombaka la a rale a. Sɛlɛvolɛ mgbanyinli ne nee Dwuu mgbanyima ne mɔ a zoanle bɛ a.

Edwɛkpa ne kɛmɔ Mateyu hɛlɛle la 26:54

Noko saa ɔba ye zɔhane a, ɛnee kɛ ɔkɛyɛ na Nyamenle Edwɛkɛ ne mɔɔ se ɛhye mɔ bazi la ayɛ nɔhalɛ ɛ?”

Edwɛkpa ne kɛmɔ Mateyu hɛlɛle la 26:56

Na ɛhye mɔ amuala ɛzi amaa mɔɔ Nyamenle kpɔmanvolɛ ne hɛlɛle wɔ Nyamenle Edwɛkɛ ne anu la ayɛ nɔhalɛ.” Na ye ɛdoavolɛma ne amuala nriandile gyakyile ye.

Edwɛkpa ne kɛmɔ Maake hɛlɛle la 12:36

Devidi luale Sunsum Nwuanzanwuanza ne azo hanle kɛ, ‘Awulae zele me Awulae kɛ, tɛnla me fema zo ɛke, kɔkpula kɛ menwɔva wɔ agbɔvolɛ menwɔwula ɛ gyakɛ abo.’

Edwɛkpa ne kɛmɔ Maake hɛlɛle la 14:43

Gyisɛse anloa wɔ zo ɔlɛtendɛ la yɛɛ Dwudase, mɔɔ le ɛdoavolɛma ne mɔ anu ko la nee ɛlɔne mɔɔ dedɛ dadeɛ nee ahoholombaka la rale a. Sɛlɛvolɛ mgbanyinli ne nee mɛla kilehilevolɛma ne yɛɛ mgbanyima ne mɔ a zoanle bɛ a.

Edwɛkpa ne kɛmɔ Luku hɛlɛle la 22:47

Gyisɛse anloa wɔ zo ɔlɛtendɛ la yɛɛ ɛlɔne vindele ɛkɛ ne a. Dwudase mɔɔ le bulu nee nwiɔ ne anu ko la li bɛ nyunlu. Ɔbikyele Gyisɛse na ɔvole ɔ nloa anwo.

Dw 10:35

Yɛze kɛ mɔɔ Nyamenle Edwɛkɛ ne ka la le nɔhalɛ dahuu, na saa Nyamenle ɛvɛlɛ bɛdabɛ mɔɔ bɛhanle ye edwɛkɛ ne bɛhilele bɛ la kɛ bɛle nyamenlema a,

Dw 13:18

“Tɛ bɛ muala bɛ nwo edwɛkɛ a melɛka a; meze mɔɔ mekpa nu meye bɛ la. Na Nyamenle Edwɛkɛ ne mɔɔ se, ‘Sonla ne mɔɔ nee me di nee me no la hakyile ɔ nzi zile me’ la ɔwɔ kɛ yɛ zɔhane.

Dw 17:12

Mɔɔ ɛnee me nee bɛ de la, menziele bɛ gyɛlɛɛnye wɔ wɔ duma ne mɔɔ ɛvale ɛmanle me la tumi nu. Membɔle bɛ nwo bane, na ko bɔbɔ amminli, kyesɛ kokye ne, Dwudase musuofoɔ ala mɔɔ ɔwɔ kɛ minli la, amaa Nyamenle Edwɛkɛ ne ayɛ nɔhalɛ.

Dw 19:36

Bɛyɛle ɛhye amaa Nyamenle Edwɛkɛ ne ayɛ nɔhalɛ kɛ, “Bɛambu ye bowule ko bɔbɔ.”

Ɛzoanvolɛma Gyima ne 1:20

“Ɔluakɛ bɛhɛlɛ ye wɔ Edwɛndolɛ Buluku ne anu kɛ, ‘Bɛmaa ye awuke ɛbɔ; awie mmatɛnla nu ɛlɛ.’ Eza bɛhɛlɛ ye kɛ, ‘Bɛmaa awie fofolɛ ɛli ɔ gyakɛ anu.’

Ɛzoanvolɛma Gyima ne 13:15

Bɛwiele Mosisi mɛla ne nee Nyamenle kpɔmanvolɛma edwɛkɛ ne kenga la, nyianu sua ne mgbanyima ne dole ɛsalɛ vɛlɛle bɛ kɛ, “Mediema, saa bɛlɛ edwɛkɛ fɛlɛko bie mɔɔ maa anwosesebɛ la a ɛnee bɛha bɛmaa menli ne ɛdie bie.”

Ɛzoanvolɛma Gyima ne 13:38

Zɔhane ati mediema, bɛ muala bɛnwu ye kɛ ɔlua Gyisɛse anwo zo yɛɛ bɛlɛka ɛtanefakyɛ nwo edwɛkɛ bɛahile bɛ a; awie biala mɔɔ kɛlie ye kɛli la bɛbalie ye bɛavi ye ɛtane ne mɔ mɔɔ Mosisi mɛla ne angola anye ye anvi nu la anu.

Ɛzoanvolɛma Gyima ne 15:13

Mɔɔ bɛ nloa penle la, Gyemise dendɛle na ɔzele kɛ, “Mediema, bɛdie me.

Ɛzoanvolɛma Gyima ne 15:7

Na bɛhehanle nwolɛ bie dedee la, Pita dwazole na ɔzele bɛ kɛ, “Ayi mɔ, bɛze kɛ mekɛ bie mɔɔ ɛraze ɛhɔ la, Nyamenle yele me bɛ avinli manle mengɔmbɔle Edwɛkpa ne nolo mengilele bɛdabɛ mɔɔ bɛnle Dwuuma la, amaa bɛdabɛ noko bɛade edwɛkɛ ne na bɛalie bɛali.

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 2:37

Mɔɔ menli ne dele ɛhye la, ɛzulolɛ kpole hanle bɛ na bɛbizale Pita nee ɛzoanvolɛma ne mɔ kɛ, “Ayi mɔ, duzu a ɔwɔ kɛ yɛyɛ a?”

Ɛzoanvolɛma Gyima ne 22:1

“Ayi mɔ, mediema nee egya mɔ, bɛyɛ ɛnzonlɛ bɛdie me bɛmaa menza me ne mengile bɛ!”

Ɛzoanvolɛma Gyima ne 23:1

Pɔɔlo nleanle bagua ne na ɔzele bɛ kɛ, “Mediema Yizilayɛma, me adwenle ɛmbu me fɔlɛ wɔ me ɛbɛlabɔlɛ nu wɔ Nyamenle anyunlu toonwo a yeradwu ɛnɛ a.”

Ɛzoanvolɛma Gyima ne 23:6

Mɔɔ Pɔɔlo nwunle kɛ menli mɔɔ ɛrayia la bie mɔ boka Sadusiima fane ne anwo na foa ko dɔɔnwo noko boka Falasiima fane ne anwo la, ɔdeanle nu ɔzele kɛ, “Mediema Yizilayɛma! Mele Falasiinli, yɛɛ Falasiinli a wole me a. Bɛ nee me ɛra ɛke kɛ bɛbali me edwɛkɛ, ɔboalekɛ melɛ anyelazo kɛ bɛbadwazo mɔwuamra bɛara ngoane nu bieko.”

Ɛzoanvolɛma Gyima ne 28:17

Ɔlile kenle nsa la Pɔɔlo vɛlɛle Dwuu mgbanyima mɔɔ wɔ sua ne azo la, ɔ nee bɛ yiale nu na ɔzele bɛ kɛ, “Me mediema Yizilayɛma, meanyɛ ɛtane biala meantia me menli anzɛɛ yɛ amaamuo ne mɔɔ yɛnyianle yɛvile yɛ nlenya mɔ lɔ la, noko bɛhyele me piliza bɛyele me bɛmanle Wulomuma wɔ Gyɛlusalɛm.

Ɛzoanvolɛma Gyima ne 28:25

Na bɛ adwenle anzɛ yɛɛ bɛzandele a. Na mɔɔ bɛbahɔ la Pɔɔlo hanle edwɛkɛ ko ɛhye kɛ, “Mɔɔ Sunsum Nwuanzanwuanza ne luale Nyamenle kpɔmanvolɛ Ayezaya anwo zo hanle hilele yɛ nlenya mɔ la le nɔhalɛ somaa!

Ɛzoanvolɛma Gyima ne 7:2

Sitivin buale kɛ, “Mediema mrenya nee egya mɔ, bɛdie me! Anyunlunyia Nyamenle ne yele ɔ nwo hilele yɛ nlenya Ebileham wɔ mekɛ mɔɔ ɛnee ɔwɔ Mɛsɔpɔteemea la, kolaa na yeadu yeahɔdɛnla Hɛlan.

1 Pit 1:11

Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.

2 Pit 1:21

Ɔboalekɛ Nyamenle kpɔmanvolɛma edwɛkɛ kpɔkɛ ko biala mɔɔ bɛhanle la ɛnvi sonla. Sunsum Nwuanzanwuanza ne a wolole bɛ manle bɛhanle zɔhane edwɛkɛ ne mɔɔ vi Nyamenle ɛkɛ ne la a.

2 Pit 2:21

Ɛnee noko bɔbɔ ɔle kpalɛ kɛ anrɛɛ bɛannwu pɛlepɛlelilɛ adenle ne fee, tɛla kɛ bɛkɛnwu ye na bɛkɛhakyi bɛ nzi bɛkɛzi mɛla nwuanzanwuanza ne mɔɔ bɛva bɛmaa bɛ la.