Ɛzoanvolɛma Gyima ne 1:14 - BAEBOLO ANZƐƐ BULUKU NWUANZANWUANZA

¹⁴ Bɛ muala bɛyia nu dahuu na bɛfa koyɛlɛ bɛ nee mraalɛ ne mɔ yɛɛ Mɛle mɔɔ le Gyisɛse ɔ nli ne nee ɔ mediema mrenya ne mɔ yɛ nzɛlɛlɛ.

Ɛzoanvolɛma Gyima ne 1:14 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 12:46

Mɔɔ Gyisɛse anloa wɔ zo ɔlɛtendɛ yeahile menli ne mɔ la, ɔ nli nee ɔ mediema mrenya ne mɔ rale alie nwo ɛkɛ ne na bɛhanle kɛ bɛkpondɛ ye bɛ nee ye adendɛ.

Edwɛkpa ne kɛmɔ Mateyu hɛlɛle la 21:22

Saa bɛdie bɛdi a, bɛ sa kɛha debie biala mɔɔ bɛkɛbiza wɔ nzɛlɛlɛ nu la.”

Edwɛkpa ne kɛmɔ Mateyu hɛlɛle la 27:55

Ɛnee mraalɛ dɔɔnwo bie wɔ ɛkɛ ne, bɛgyinlanle amozi moa moa na bɛnleanle mɔɔ ɛlɛkɔ zolɛ la. Bɛdoale Gyisɛse bɛ nee ye vi Galeli na bɛzonlenle ye.

Edwɛkpa ne kɛmɔ Maake hɛlɛle la 15:40

Ɛnee mraalɛ bie gyi ahane ɛlɛnea mɔɔ ɛlɛkɔ zolɛ la. Bie mɔ a le Mɛle mɔɔ vi Magedala la, Salome, yɛɛ Mɛle mɔɔ le Gyemise Ekyi nee Dwosefi bɛ nli ne.

Edwɛkpa ne kɛmɔ Maake hɛlɛle la 16:1

Ɛnwomenlelielɛ Kenle ne pɛle nu la, Mɛle mɔɔ vi Magedala, nee Salome, yɛɛ Mɛle mɔɔ le Gyemise ɔ nli ne totɔle nyile ngakyile mɔɔ bɛfa bɛyɛ alufuanlɛ la, kɛ bɛfa bɛahɔwɔza Gyisɛse funli ne.

Edwɛkpa ne kɛmɔ Luku hɛlɛle la 11:13

Na saa bɛmɛ bɔbɔ mɔɔ bɛle ɛtanevolɛma la, bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ Selɛ ne mɔɔ wɔ anwuma la ɛnrɛva Sunsum Nwuanzanwuanza ne ɛnrɛmaa bɛdabɛ mɔɔ bɛkɛbiza ye la ɛ?”

Edwɛkpa ne kɛmɔ Luku hɛlɛle la 18:1

Akee Gyisɛse bule ɛrɛlɛ ɛhye hilele ye ɛdoavolɛma ne mɔ vale hilele kɛ ɔwɔ kɛ bɛyɛ nzɛlɛlɛ dahuu na ɔnle kɛ bɛkpo aze.

Edwɛkpa ne kɛmɔ Luku hɛlɛle la 23:49

Manivolɛma mɔɔ ze Gyisɛse, nee mraalɛ ne mɔ mɔɔ doale ye vi Galeli rale la gyinlanle ahane moa moa nleanle mɔɔ ɛlɛkɔ zolɛ la.

Edwɛkpa ne kɛmɔ Luku hɛlɛle la 23:55

Mraalɛ ne mɔ mɔɔ nee Gyisɛse vi Galeli rale la nee Dwosefi hɔle hɔnwunle sɛka ne nee kɛ bɛzile bɛziele ye la.

Edwɛkpa ne kɛmɔ Luku hɛlɛle la 24:10

Mraalɛ ne mɔ a le Mɛle mɔɔ vi Magedala la, Dwowana, yɛɛ Gyemise ɔ nli Mɛle. Bɛmɛ yɛɛ mraalɛ ɛhendeɛ ne mɔ mɔɔ nee bɛ lua la a hanle edwɛkɛ ne hilele ɛzoanvolɛma ne mɔ a.

Edwɛkpa ne kɛmɔ Luku hɛlɛle la 24:33

Na ɛkɛ ne ala bɛdwazole na bɛziale bɛhɔle Gyɛlusalɛm. Bɛhɔdwule la ɛnee ɛdoavolɛma bulu nee ko ne nee menli mɔɔ nee bɛ wɔ ɛkɛ ne la ɛyia nu

Edwɛkpa ne kɛmɔ Luku hɛlɛle la 24:53

na bɛhɔle Ɛzonlenlɛ Sua ne anu dahuu bɛhɔyɛle Nyamenle mo.

Edwɛkpa ne kɛmɔ Luku hɛlɛle la 8:20

Awie hanle hilele Gyisɛse kɛ, “Ɛ nli nee ɛ mediema ne mɔ gyi alie nwo lɔ, na bɛkulo kɛ bɛnwu wɔ.”

Ɛzoanvolɛma Gyima ne 2:1

Mɔɔ Pɛntekɔso kenle ne dwule la, ɛnee diedima ne amuala ɛboa bɛ nloa ɛleka ko.

Ɛzoanvolɛma Gyima ne 2:42

Na bɛdule bɛ nwo bɛmanle ɛzoanvolɛma ne ngilehilelɛ ne, bɛ nee bɛ zonlenle, na bɛbɔle nu bɛlile debie wɔ mediema ɛyɛlɛ nu.

Ɛzoanvolɛma Gyima ne 2:46

Kenle biala bɛyia nu wɔ Ɛzonlenlɛ Sua ne anu bɛyɛ nzɛlɛlɛ, bɛbɔ nu bɛdi debie wɔ koyɛlɛ nu,

Ɛzoanvolɛma Gyima ne 6:4

amaa yɛdayɛ noko yɛanyia mekɛ yɛayɛ nzɛlɛlɛ nee Edwɛkpa ne ɛhanlɛ gyima ne.”

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

1 Kɔl 14:13

Zɔhane ati, awie mɔɔ ka aneɛ ngakyile la ɛzɛlɛ kɛ ɔkɛnyia ahyɛlɛdeɛ ne mɔɔ bɛfa bɛkile mɔɔ ɔka la abo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:18

Bɛva nzɛlɛlɛ bɛyɛ ɛhye mɔ amuala na bɛbiza Nyamenle moalɛ. Mekɛ biala bɛzɛlɛ kɛmɔ sunsum ne kile la. Zɔhane ati bɛmaa bɛ nye ɛbolo bɛbodo bɛzɛlɛ kpalɛ wɔ Sunsum ne anu dahuu. Bɛyɛ bɛ nye gyɛlɛmgbɛɛnye na bɛmmamaa bɛ sa kpa; bɛzɛlɛ dahuu bɛmaa Nyamenle menli ne noko,

Kɔlɔ 4:2

Bɛyɛ nzɛlɛlɛ dahuu, bɛzie bɛ adwenle koonwu wɔ bɛ nzɛlɛlɛ nu, na bɛyɛ Nyamenle mo.