3 Dw 1:8 - BAEBOLO ANZƐƐ BULUKU NWUANZANWUANZA

⁸ Ɛhye ati, ɔwɔ kɛ yɛmɛ mɔɔ yɛle Kelaese ɛdoavolɛma la yɛboa menli ɛhye mɔ, amaa yɛ nee bɛ ali nɔhalɛ ne anwo gyima ne mɔɔ bɛlɛdi la.

3 Dw 1:8 ပူးပေါင်းရင်းမြစ်များ

Edwɛndolɛ Buluku ne 94:16

Nwane a dwazo atia amumuyɛma ne amaa me a? Nwane a gyinla atia ɛtanema amaa me a?

Edwɛkpa ne kɛmɔ Mateyu hɛlɛle la 10:14

Eza awuke anzɛɛ sua biala mɔɔ anlie bɛ anzɛɛ andie mɔɔ bɛka la, saa bɛlɛfi ɛkɛ ne a bɛkpɔlɔkpɔla bɛ gyakɛ abo anwea ne bɛgua zolɛ.

Edwɛkpa ne kɛmɔ Mateyu hɛlɛle la 10:40

“Awie mɔɔ kɛlie bɛ la ɛlie medame; mɔɔ kɛlie me noko la ɛlie mɔɔ zoanle me la.

Edwɛkpa ne kɛmɔ Luku hɛlɛle la 11:7

na ɔ gɔnwo ne fea ye sua ne anu bua ye kɛ, ‘Mmagyegye me! Bɛdo anlenkɛ ne anu dɛbadɛba, yɛɛ me nee me mra yɛla; menrɛhola dwazo na meamaa wɔ debie biala.’

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

2 Kɔl 8:23

Taetɛse ɛdeɛ, ɔle me gɔnwo mɔɔ yɛbɔ nu yɛyɛ gyima yɛboa bɛ a; mediema mɔɔ nee ye ɛlɛba la gyigyi asɔne ne mɔ agyakɛ anu, yɛɛ bɛte Kelaese anyunlu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:3

Akee wɔmɔ noko, me boavolɛ kpalɛ, mekpondɛ kɛ ɛboa mraalɛ ɛhye mɔ; ɔluakɛ bɛ nee me nee Kelɛmɛnte nee me gɔnwo mɔ gyimayɛvoma mɔɔ ɛha la amuala, mɔɔ bɛ aluma wɔ Nyamenle ngoane buluku ne anu la a lile Edwɛkpa ne ɛkpondenlɛ nwo gyima a.

Kɔlɔ 4:11

Gyisɛse ne mɔɔ bɛfɛlɛ ye Gyɛsetɛse la biza bɛ ahye. Menli nsa ɛhye a le Dwuuma mɔɔ ɛlie ɛli na bɛ nee me yɛlɛdi Nyamenle Belemgbunlililɛ ne anwo gyima a, yɛɛ bɛboa me kpole kpalɛ.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:2

ɔdwu asɔnema mɔɔ yia wɔ sua nu ɛkɛ ne, yɛɛ adiema raalɛ Afea nee Aakepɛse mɔɔ le yɛ gɔnwo sogyanli ne la ɛkɛ:

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:24

Zɔhane ala yɛɛ me gɔnwo mɔ gyimayɛvoma Maake, Alesetaakɛse, Dimase, yɛɛ Luku bɛdabɛ bɛbiza wɔ ahye a.

3 Dw 1:10

Zɔhane ati, saa meba a menwɔye ye gyima mɔɔ yeli, yɛ nwo nzekue mɔɔ ɔbɔ nee adalɛ mɔɔ ɔbɔ ye yɛ nwo la menwɔdo gua. Yeanga ye zɔhane, saa mediema ne mɔ ba a, yemɔ a, ɔnrɛlie bɛ yɛɛ akee noko ɔndie bɛdabɛ mɔɔ bɛkulo kɛ bɛkɛlie bɛ la, na ɔbɔ mɔdenle kɛ ɔye zɛhae menli ne mɔ ali yeavi asɔne ne anu.

3 Dw 1:7

Ɔluakɛ sumunli kɛ bɛbɔle bɛ adendulɛ ne abo kɛ bɛbɔ Kelaese edwɛkɛ ne nolo la, bɛtɛdiele moalɛ biala bɛtɛfile bɛdabɛ mɔɔ bɛnle Kelaese ɛdoavolɛma la ɛkɛ.

3 Dw 1:9

Mehɛlɛ asɔnema kɛlata ezinraa bie, na Dayɛtelɛfizi mɔɔ kpondɛ kɛ ɔdi bɛ kpanyinli la ɛmbu me bie.