3 Dw 1:2 - BAEBOLO ANZƐƐ BULUKU NWUANZANWUANZA

² Ayi, mesɛlɛ kɛ debie biala ɛhɔ zolɛ kpalɛ ɛmaa wɔ na ɛde kpɔkɛ kpalɛ; meze kɛ ɛte kpɔkɛ wɔ sunsum nu.

3 Dw 1:2 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 9:12

Gyisɛse dele na ɔbuale bɛ kɛ, “Menli mɔɔ te kpɔkɛ la ɛngyia ninsinli nwo kɛ wuleravolɛma.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:27

Nɔhalɛ, ɔwule ɔwiele. Na Nyamenle a ɛnwu ye anwunvɔne a, na tɛ yemɔ a yenwu ye anwunvɔne a na mame bɔbɔ ɔ, anrɛɛ me nyanelilɛ ne kɛbo zolɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:4

Awie biala mmadwenle ɔ ngomekye ye boɛyɛlɛ nwo, na ɔdwenle ɔ gɔnwo mɔ noko ɛdeɛ nwo.

2 Tɛs 1:3

Mediema, ɔwɔ kɛ yɛyɛ Nyamenle mo dahuu wɔ bɛ ti. Ɔle kpalɛ ɔmaa yɛ kɛ yɛkɛyɛ ye zɔhane, ɔboalekɛ bɛ diedi ɛlɛnyi, yɛɛ bɛ ɛhulolɛ mɔɔ bɛ nuhua ko biala lɛ ye wɔ ɔ gɔnwo mɔ diedima anwo la ɛlɛyɛ kpole.

2 Tɛs 2:13

Nyamenle kulo bɛ, yemɔti mediema, ɔwɔ kɛ dahuu yɛyɛ Nyamenle mo wɔ bɛ ti. Ɔluakɛ mɔlebɛbo ne ala yɛɛ Nyamenle kpale nu yele bɛ kɛ bɛlie bɛ ngoane a, wɔ bɛ diedi mɔɔ wɔ nɔhalɛ ne anu nee Sunsum ne tumi ne mɔɔ ɛyɛ bɛ Nyamenle menli mɔɔ anwo te la ati.

Gyemise Kɛlata ne 5:12

Me mediema, mɔɔ hyia kpole kpalɛ la a le kɛ, bɛmmaka ndane hweledede; bɛmmaka anwuma anzɛɛ aze anzɛɛ debie gyɛne biala bɔbɔ. Bɛmaa bɛ “Ɛhɛe” ɛyɛ ɛhɛe, bɛ “Kyɛkyɛ” ɛyɛ kyɛkyɛ, amaa Nyamenle andea bɛ.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

3 Dw 1:1

Kɛlata ɛhye vi medame “Nrenya Kpanyinli ne” ɛkɛ. Melɛkɛlɛ meahɔmaa me gɔnwo Gayɛse mɔɔ mekulo ye nɔhalɛ nu la.

Yekile 2:9

Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.