3 Dw 1:11 - BAEBOLO ANZƐƐ BULUKU NWUANZANWUANZA

¹¹ Ayi, mmasukoa ɛyɛ mɔɔ le ɛtane la, sukoa yɛ mɔɔ le kpalɛ la. Awie biala mɔɔ yɛ mɔɔ le kpalɛ la le Nyamenle ɛdeɛ, yɛɛ awie biala mɔɔ di ɛtane la ɛtɛnwunle Nyamenle.

3 Dw 1:11 ပူးပေါင်းရင်းမြစ်များ

Edwɛndolɛ Buluku ne 34:14

Twe ɛ nwo fi ɛtane nwo, na di boɛ; kpondɛ anzonudwolɛ na di ɔ nzi.

Edwɛndolɛ Buluku ne 37:27

Twe ɛ nwo fi ɛtane nwo na di boɛ, na wɔadɛnla aze wɔahyɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:2

Bɛmmadi menli dɔɔnwo anzi bɛyɛ ɛtane; yɛɛ bɛmmatoa menli ne dɔɔnwo ti bɛkyea nɔhalɛ nye wɔ bɛ daselɛlilɛ nu bɛsɛkye pɛlepɛlelilɛ.

Mrɛlɛbulɛ Buluku ne 12:11

Sonla mɔɔ so ɛya la nyia aleɛ dɔɔnwo, na mɔɔ di ninyɛne mgbane mgbane nzi la ɛnlɛ adwenle.

Dw 10:27

Me mboane ne tie me ne; meze bɛ, yɛɛ bɛtoa me bo zo.

Dw 12:26

Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.

Dw 3:20

Awie biala mɔɔ yɛ ninyɛndane la kyi wienyi ne yɛɛ ɔnrɛlua nu ɛlɛ, ɔboalekɛ ɔnrɛhulo kɛ ɔkɛye ye nyɛleɛ ɛtane ne mɔ ɔkɛhile.

1 Kɔl 11:1

Ɛhye ati, bɛva me gyakɛ, kɛmɔ meva Kelaese agyakɛ la.

1 Kɔl 4:16

Yemɔti mesɛlɛ bɛ, bɛva me gyakɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:1

Bɛle Nyamenle amra mɔɔ ɔkulo bɛ a, yemɔti bɛbɔ mɔdenle kɛ bɛkɛyɛ kɛ ɔdaye ala la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:17

Me mediema, bɛ muala bɛva me gyakɛ. Yɛmaa bɛ ndonwo kpalɛ, yemɔti bɛnlea bɛdabɛ mɔɔ bɛdi zolɛ la boɛ.

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

1 Tɛs 2:14

Ayi mɔ, mɔɔ zile asɔnema mɔɔ le Kelaese ɛdeɛ la anwo zo wɔ Dwudiya la, yemɔ ala a zile bɛdabɛ noko bɛ nwo zo a. Bɛnwunle amaneɛ wɔ bɛdabɛ bɛ menli asa anu, kɛmɔ Dwuuma yɛle ala la.

2 Tem 3:10

Na wɔmɔ, wɔli me ngilehilelɛ, me nyɛleɛ nee me ɛbɛlabɔlɛ nu bodane ne anzi; wɔnwu me diedi, me abotane, me ɛhulolɛ, nee me kpundii mɔɔ megyi,

Kɛlata mɔɔ bɛhɛlɛle bɛhɔmanle Hibuluma la 6:12

Yɛngulo kɛ bɛkɛyɛ mgbovonle. Yɛkulo kɛ bɛsukoa menli mɔɔ bɛlua bɛ diedi nee abotane zo bɛnyia mɔɔ Nyamenle ɛva ɛbɔ ɛwɔkɛ la.

1 Pit 3:11

Ɔwɔ kɛ ɔtwe ɔ nwo ɔfi ɛtane nwo na ɔyɛ kpalɛ; ɔwɔ kɛ ɔkpondɛ anzonudwolɛ bo zo na ɔdi ɔ nzi.

1 Pit 3:13

Saa bɛpele bɛdi boɛ a, nwane yɛɛ kɛhola kɛyɛ bɛ debie a?

1 Dw 2:29

Bɛze kɛ Kelaese le tenlenenli, yemɔti bɛnwu ye kɛ awie biala mɔɔ yɛ debie mɔɔ tenrɛ la le ɔ ra.

1 Dw 3:10

Ngakyile mɔɔ wɔ bɛdabɛ mɔɔ bɛle Nyamenle amra nee bɛdabɛ mɔɔ bɛle Abɔnsam amra la avinli la ɛne: awie biala mɔɔ ɛmbɔ ɛbɛla kpalɛ anzɛɛ ɛngulo ɔ diema la ɛnle Nyamenle ara.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.